![](http://1.bp.blogspot.com/_4BnnuxpzFz0/RhvxoJpbfUI/AAAAAAAAAG4/JM0eEsgGUoY/s400/tatty43.jpg)
هو : عملت كل حاجه عشان أنساها, سيبتها, بعدت عنها, خطبت غيرها عشان أقدر أنساها , جرحتها,حاولت أعمل كل حاجه عشان أبعدها عني, ولما مانسيتهاش قلت عشان هي مش راضيه تبعد , لكن لما استسلمت وبعدت, قلت ان الموضوع موضوع وقت وهنساها, لكن رغم مرور الوقت مقدرتش أنساها ومش عارف أعمل ايه أكتر من كده عشان انساها.
![](http://1.bp.blogspot.com/_4BnnuxpzFz0/RhvxyJpbfVI/AAAAAAAAAHA/90MZYUomd_I/s400/awhp5.gif)
هي: هو صحيح عمل كل حاجه عشان ينساني, لكنه نسي أهم حاجه ان أنا مابتنسيش.
80 comments:
أنا سعيد أنى أكون أول من يعلق على البوست الجميل ده
فعلا دلوقت بقت البنت ما تتنسيش والولد بقى هو اللى يتعب ويحاول ينسى ومايعرفش
الأية اتعكست وبقت البنات ما تتنسيش وبقت الولاد تفضل فاكرة ومخلصة فى حبها أو يمكن ده مش اخلاص بقدر ما هو مرتبط بخفة ورقة البنات اللى بتزيد حلاوتهم كل يوم وبقوا زى العسل
يا خرابى عليهم
هههههههههههههههه
البنت بتدى بالجنيه للى يديها قرش حنية
مش هقول غير ده
regards
مش اى بنت متتنسيش
وبرده مش اى ولد مبيقدرش ينسى
بوست حلو اوى يا اسراء
تحياتى
دي الأم يا اسراء الأم
وممكن الأخت
وآخر شيء الحبيبة
شكرا لك
تحياتي من ماناساس البلد
ايه الغرور ده هيا ما تتنساش ليه يعنى هيا مين يعنى
بس تصدقى كلامك صح يا اسراء الحب الاول لا يمكن يتنسى بس ده للراجل بس الحب الاول ميتنساش لكن البنت ممكن تحب وتنسى كل يوم مبتفرقش معاها
دوستى على الجرح يا اسراء انتى كاتبة البوست ده علشان تفكرينى ولا ايه
"النسيان نعمة محروم منها بنى الإنسان"
البنات اتغيرا او اختلفت 180 درجه , وبقي فعلا الولد هو اللي محتاج ينسي ,يعني الولد اخرو يحب واحده في وقت واحد لاكن البنت ممكن تحب عشره في وقت واحد,, وبعدين ظاهرة البنات بتعاكس الولاد وحاجات غريبه!!! وده بيعود برد فعل متوحش اللي هي حركات التحرش اللي اصبحت منتشره والواحد بيشوفها بشكل شبه يومي
.... وايه يا إسراء الفن ده كله ,موضوع رائع
تحياتي
مش عارف اقول غير انى اقتبس رد Reem
Quote "مش اى بنت متتنسيش
وبرده مش اى ولد مبيقدرش ينسى"
الحقيقة كل حاجة حقيقية ما تتنسيش وكل حاجة علمت جوانا ما تتنسيش
ببساطة مهما يحاول الانسان انه ينسى جزء من كيانه هيفتكر تانى لانه جزء من كيانه خصوصا لو كان حب صعب جدا يتنسى حتى لو فيه جرح كبير مش ممكن يتنسى
ولكننا أحيانا نشتاق إلى النسيان ونتمناااااااااه..
أه لو ننسى أو تنسانا الذكرى
katabt kalam w masa7to...
:)
msh 3arfa a2ollek eh..
Maybe a3ala2 hena ba3deen :)
فبركة:
لأ هو غالبا مرتبط بالجارح والمجروح
اللي بيجرح صعب انه ينسي, والمجروح جرحه رغم انه بيكون صعب في الأول الا انه بيساعده ان ينسي بعد كده.
yousef:
انت كده جبت من الأخر.
عايز تقول ايه أكتر من كده.
REEMOO:
أكيد طبعا مش أي بنت ماتتنسيش
لكن أعتقد ان أي بنت ماتتنسيش مفيش ولد يقدر ينساها.
The Groom:
هو الصراحه انا كنت أقصد بيها الحبيبه.
بس هي فعلا ممكن تيجي كل حاجه.
مصر هى أمى:
ههههههههههههههه
والله كل واحد عارف امكنيات نفسه, دي ثقه في النفس مش غرور.
أن أن أأأأأن أهو ده عيبه بقي, معلش يامحمد حقك عليا.
Mony:
رغم ان الانسان اسمه ماخوذ من النسيان, بس حقيقي مش أي حد مايتنسيش.
ibn nasser- ابن ناصر:
متنساش انه هنا جرحها, وهي فضلت متمسكه بيه رغم كده, بس هو كده الانسان مش بيعرف قيمة الحاجه الا لما تروح منه.
أما بالنسبه للبنات اللي اتغيرو, فده فعلا حصل لكن دي مش القاعده
ربنا يخليك, ويسعدني انه عجبك.
FemTo:
ومش عارفه أقولك ايهغير اني أقتبس ردي علي ريم ((:
أكيد طبعا مش أي بنت ماتتنسيش
لكن أعتقد ان أي بنت ماتتنسيش مفيش ولد يقدر ينساها.
Sokomonoce:
أكيد الحقيقي مش ممكن يتنسي.
تسـنيم:
انسي انك عايزه تنسي وانت تنسي.
Mony The Angel:
طب ينفع كده يعني.
انا بقي عايوزه أعرف الكلام ده بالذات.
على فكرة انت طلعتي في الحلم في مدونتي
تحياتي لك
جامده اوي يا اسراء بجد
بس في بيت شعر لاحمد شوقي يقوليك ايه
كلما مرت عليه اليالي رق و العهد في اليالي تقس
يعني في حالات الناس الي بتنسي مع اليالي و الناس الي عمرها ما بتعرف تنسي علشان الشخص او الحاجه دي مبتنسيسش
يا عينى
اكيد النسيان دا حاجة صعبة اوى
بس الزمن بينسى اى حد حاجة
دا حتى الواحد ممكن ينسى اسمه من اللى بيحصل حواليه يبص لمشاكل الناس هينسى اى مشكلة عنده و على رأى المثل
جيت انسى جابولى بنسه قولتلهم انسى قالولى انسى
خليكى مع ربنا بجد وبس
بس أنا كنت عاوزة أسألك سؤال هى مين دى إلى مش بتتنسى لأن كل حاجة مع الأيام بتتنسى و الجرح " النفسى " مهما يكون قوى و بينزف الأيام كفيلة بأنها تداويه ( شكل مودك إنت كمان كارف على ألوان غامقة مش تسنيم بس ) مع تحياتى ليكى و لمودك
أه معلش لتانى مرة نسيت أكتب أسمى
ههههههههههههههههه
هو عادي ان الانسان يقابل في حياته ناس
مايتنسوش
بس كونها قالت كده
ده مش فيه غرور؟؟
سلام عليكي يا اسراء
لا حول و لا قوة الا باله
طب مادام هو بيحبها للدرجة دي و مش قادر ينساها و لا يبعد عنها
ليه بس سابها من الاول و كان سبب في جرح ليها ؟؟؟؟
انا مستغربة بجد الناس اللي بتتمتع بتعذيب نفسها و الناس اللي بتحبها
ربنا يستر
سلام
مها
The Groom:
اها مانا شفتني, بس كنت مستنيه الحلم يكمل.
شكرا بجد (((:
copa:
ربنا يخليك.
مش كده بردو(((:
بنى أدم مع وقف التنفيذ:
ههههههههههه
يالليل.
ShAb 3AdY:
هو الزمن فعلا بينسي أي حاجه, بس مش كل حاجه.
بس هو ده مثل بجد؟
moodysalihamidzic:
من عيوني.
taneem :
لأ فعلا في ناس مش بتتنسي.
لأ ألوان غامقه ايه بس, بالعكس والله ده انا الأيام دي مبسوطه أوي.
شادي فايد:
لأ مش غرور, ده ثقه في النفس (:
maha:
انت قلتيها يامها
في ناس كده تحب تعذب نفسها
بس اعتقد انه في الأول اعتقد انه هيقدر يناسها, وان اي واحده ممكن تاخد مكانها.
ايه ده انتى بتسمعى لطيفة؟
انا متنسيش انا متنسيش
خليك هاجرنى ميهمنيش انا
حد ينسى جيلى الفراوله!!؟؟
احلي حاجة يكون الانسان واثق من نفسة كدة وعارف تاثيرة العميق فيهم
ليك حق تثقي في نفسك
وحشتني مواضيعك لسة جاي من السفر
وماتتنسيش لية بقى ؟؟ مافيش احدة ماتتنسيش
ربنا يخللي الزهايمر
وكلة بيتنسي
بالذات اللي مطلعة عين حبيبها او خطيبها او جوزها
تتنسي و يتكسر وراها 30 قلة طبعا ههههههه
هيه تلاقيها بس سمعه اغنية انا ماتنسيش بتاعه لطيفة و جايلها عالجرح
كلة بيطلع في الغسيل
انا اية اللي جابني هنا
وانتوا مين؟؟
يخرب بيت الزهايمر على سنينة
عموما
هي كلمة ماتنسيش
مطلقة كده
مش صح
يعني هو الانسان حسب تأثيره على الشخصية اللي قدامه
يعني أنا مؤثر في حياة فلان
فمتنسيش
ومليش لزمة في حياة فلان الاخر
فمش حيفتكرني
مع اني عرفت قبل كده واحد
لمدة سنة كاملة بنام في غرفة واحدة
واتبهدلنا سوا
وكنا لانفترق
وبعد الاجازة قابلته
لقيته مش فاكر اسمي
اصله أدمن المخدرات
:)))
أحمد مختار عاشور:
لأ الصراحه مش بسمعها خالص.
Moody:
لأ طبعا, جيلي الفراوله مايتنسيش(((:
كراكيب عادل:
حمدالله علي السلامه
أكيد طبعا الثقه حاجه حلوه, وانا فعلا الحمدلله واثقه من نفسي, بس انا مش هي (((:
الحصان الأسود:
هو حد قال انها عملت حاجه وحشه؟
هو اللي عمل.
وعشان كده هي نسيته وهو مش عارف ينساها.
سلامتك من الزهايمر, وفين مواضيعك الجديده؟
شادي فايد:
أكيد طبعا ده راجع لتأثير كل واحد في حياة التاني
وهي عشان عارفه تأثيرها في حياته قالت كده, خصوصا انها ماعملتش فيه حاجه وحشه, بالعكس, هو اللي غلط في حقها.
يبقى مش مسئلة غرور
او ثقة بقى
دي شماتة
:))
شادي فايد:
لألأ ياشادي
اللهم لا شماته
احنا مش بنشمت في حد.
هوا لسة فى حد مبيتنسيش ؟
يا ريت
اسراء انا شوفت ردك على بوستى الاخير
اتمنى منك تضيفينى عندك على الماسنجر ضرورى جدااااااااا
ارجوكى ما ترفضيش
shiko_4u@hotmail.com
shiko_angel@yahoo.com
يا ريت كان النسيان سهل
انما زيه زى الحب
صعب اوى
هى مش قاعدة فعلا اللى بيحب اكتر من قلبه هو اللى بيتعب اكتر بس من ترك شيئا لله عوضه الله خيرا منه
واللى يسيب علاقة ميعرفش ايه نهايتها وعايز منها جواز ولا مجرد تسلية ربنا هيعوضه بزوجة تعيشه فى حب ونعيم العمر كله
Hello, Esraa!
Thanks for you work and have a good weekend.
ياه
كان نفسي اكون
مكانه
علشان الاحساس الصعب ده اللي بيقولو الوقت بينسي الحبايب
لكن فعلا فيه حاجات كتير مابتتنسيش
اولها اني ابطل ازورك
raspoutine:
اللي مابيتنسوش كتييييير.
فبركة:
أنا ضفتك خلاص ياشريف
zordeak:
اها والله ياحمد عندك حق.
امام الجيل:
الموضوع مش كده
هو اللي غلط في حقها, هو اللي جرحها وخانها, يمكن عشان كده هي قدرت تنسي, وهو مش قادر ينسي, يمكن لأنها عمرها ماغلطت في حقه, بالعكس, وكان جزأها في الأخر انه غدر بيها.
david santos:
hi david, how are u?
thx, wc
هيثم ابوعقرب:
كده بردو ياهيثم, عايز تنسي تزورني):
يارب ياسيدي ماتتحطش في موقفه, وتتجوز اللي انت تحبهاوتختارها, ومحدش فيكو يضطر ينسي التاني.
محناش ملايكة ولا شياطين
ولا انتو يعني الحور العين
ده حتى ورد الليل فيه شوك
وفكل خلقه في الصنفين
حلاوة
تحياتنا يافندم
جـــــوانــــا:
هههههههههه
جميله جدا
نورتنا.
إيه الغرور ده؟ يعنى ايه هيه متتنسيش؟ ده أنا ممكن أنسى حتى ساندويتش الشاورما يعنى ..
أى حد ممكن يتنسى بالوقت وبانك تلاقى الشخص الصحيح سواء ولد أو بنت ..
مفيش متليش معنديش ده رد أى بنت على حب صادق حقيقى وان كان فيه اصلا البوست ده أقرب للخيال أو أتكتب بعد 30 سنه من أل بيحكى عنه محصل
...........مجرد رأى
بس ده أحاس عالى نادرا متلقيه الايام دى
.....شكرا
امممممممم
اسراء
انتى عارفه ... النسيان ده نعمه كبيره
ان لم يكن له فيها الخير
فبالله ينساها والعكس صحيح
أخف دم:
هههههههههههههه
ده مش غرور يأشرف
وبعدين سندوتش شاورمه, انت جعان ولا ايه؟
وأكيد الانسان الصح ممكن ينسي, بس هو يعمل ايه لو كانت هي الشخص الصح ده؟
ALEXANDER :
لأ أنا مختلفه معاك
في بنات كتير بتحب وبتحب بجد كمان, وبتفضل شاريه اللي بتحبه وباقيه عليه مهما حصل, حقيقي في بنات كده كتيييييييييييييييييييير
18goosebumps:
أكيد النسيان من أعظم نعم ربنا علينا.
السلام عليكم
إن شاء الله ممكن تتنسي
أو عدك بنظره أخرى للواقع بس طبيعى يكون رأيك كده ما أنتى منالمعسكر الاخر
شكرا.............
No Fear:
وعليكم السلام ورحمة الله وبركاته
اوكي(:
ALEXANDER :
لا والله مش عشان أنا من المعسكر الأخر.
أنا مع المظلوم, يعني لو كان الظالم بنت والمظلوم ولد كنت هبقي معاه, لكن هنا هو اللي غلط فيها وجرحها وظلمها وخانها, يبقي طبيعي اني أكون معاها عليه.
أنا وجهة نظري ان المجروح ماهما كان جرحه صعب وبيوجع لكنه بينسي في الأخر, لكن الجارح مهما حصل في حاجه بترجعه معرفش ليه؟
انتى أكيد مغرورة شويا بس فيه سر أكيد هو عمل حاجة صح عشان كدا مش قادر ينسى يا عينى بلاش فهم غلط
انتى أكيد مغرورة شويا بس فيه سر أكيد هو عمل حاجة صح عشان كدا مش قادر ينسى يا عينى بلاش فهم غلط
mamo22008maktoobblog.com :
والله أنا مش مغروره
وأنا مش هي(:
بس انا مش فاهمه انت قصدك ايه, او يعني ايه هو أكيد عمل حاجه صح عشان كده مش قادر ينسي, ياريت تفهمني وجهة نظرك
دى انسانة مغرورة
و كمان ما ينفعش نعمم القاعدة ، لان لكل حالة ظروفها
:)
جـيـداء:
لا والله ماهياش مغروره
بس هي عارفه هي عملت ايه وهو عمل ايه
وأكيد دي مش قاعده
Post a Comment