Saturday, April 28, 2007

وما الحب الا للحبيب الأول


بصراحه ياجماعه انا افتكرته نساني خلاص, وان خطيبته قدرت تخليه ينسي إسراء
لكنه أثبتلي ان أنا كمان مابتنسيش
هو صحيح انا اللي فركشت الموضوع, بس مش عشان فرق السن والله, انتو عارفين هو قلبه شباب جدا, عمري ماحسيت معاه بفرق السن, لكن باباه هو اللي كان السبب.
عارفه ان مش مفروض أخده بذنب باباه, بس أعمل ايه بقي
رغم اننا سيبنا بعض من أيام ثانوي, لأن سياسة باباه اتجاه فلسطين أياميها مكنتش عاجباني, (شوفوا دلوقتي بقي) ورغم انه قالي طب أنا ذنبي ايه, لكني قلتله انت ابنه ماينفعش
الحقيقه ان الراجل كان بيسأل عني علي طول, وكان أول واحد بيقولي كل سنة وانت طيبه في عيد ميلادي
وعرفت انه خطب, والبنات الوحشين شمتوا فيا , وقالولي انه خلاص نساني, خصوصا انه ماحولش يتصل بيا من ساعتها
وفضلت أفكر يعني مش هيحتفل بعيد ميلادي السنه دي
ورد عليا بالمفجأه انه هيحتفل بعيد ميلادي السنه دي وكل سنه, وان أنا وباباه اهم اتنين في حياته
جيمي هيكتب كتابه النهارده في عيد ميلادي عشان يخلده, والجواز يوم عيد ميلاد الراس الكبيره
قال نساني قال
ياجماعه مش قادر يعمل ايه بس
عرفت بقي يابن ناصر اني مش ممكن أغير من ديجه
الحب للحبيب الأول يابني

74 comments:

مصر هى أمى said...

لا مش ممكن لسببين

انى اول مرة اكون اول كومنت عندك ودى حاجة كان نفسى فيها من زمان

وتانى حاجة البوست التحفة ده
بس تصدقى احسن حاجة انك رفضتى تكملى الموضوع لان طبعا اما هوا يورث هنتفرج على شغل الحموات بقى وساعتها لو فكرتى تفتحى بقك وتقولى انا سيدة مصر الاولى
كنتى هتتقطعى حتت

وثانيا انتى من بورسعيد والريس بينه وبين بورسعيد تار بايت بأمارة ابو العربى

علشان كده موافقش يكمل الجوازة


كل سنة وانتى طيبة وفعلا الواد بيتقطع من جواه وعمل كتب كتابه يوم عيد ميلادك


فين التورتة بتاعتى انا باكل حتتين وازازة حاجة ساقعة ونص كيلو ساليزون

مبرمج حر said...

نقل فؤادك حيث شئت من الهوى ما الحب الا للحبيب الاولي

هههههههههههههههههه

يا سلام على الحب

شوفتى انتى عاملة كمان ليبل مخصوص ليه و مسمياه جيمى , وهو ولا هنا خالص , لازم تنسيه تماما يا اسراء

فبركة said...

أحييكى ع البوست الهايل ده وبفكرك بأخر ربع ساعةفى فيلم ألام المسيح
يعنى عليكى يا توتى
نيياهاهاهاهاهاها

تســنيم said...

خليكي انتي كده عمالة تسيحيلوا وتخلي جماهيرك العريضة تتعاطف معاه.. وبكرة ينتخبوه بحجة انه كان بيحبك واللي يحبك اكيد هيحط مامتك اللي هيا مصر في عينيه..


يا بنتي ديجا قعدت واستربعت على العرش... عرش قلبه انا مجيبتش سيرة عرش المملكة المصرية .. أه احنا مش ناقصين عوء

Mony The Angel said...

3ala fekra da 3eed melaad shab fa2ry kamaan :D

kol sana wenty tayeba ya esraa2 (G) (^)

shabfa2re said...

كل سنة وانتى طيبة
بفرح موت لما الاقى حد من مواليد نفس اليوم
شكلنا هنعمل رابطة

tamer afify said...

كل سنة وانتي طيبة يا إسراء

كده بقى عيد ميلادك عيد ملكي
ممكن بعد كده تعمليه في القصر الجمهوري
وتعزمينا وكده

ody911 said...

كل سنه وإنتى طيبة يا أسراء


وعقبال مليون سنه فى سعادة وحب وصحة وعافية وإيمان وتقوى


مفيش حاجة تانى تتقال


غير

أمضى بقة
عادى بقة
أودى

ibn nasser - ابن ناصر said...

انا دلوقتي شايف ناس وهي بتكتبالكلام ده قاعده تتخيل نفسها بترقص مع جيمي في مقر الحزب الوطني او قاعدين في جنينه بيقولها كلام رومانسي وسط دبابتن وحراسهمشدده وضفادع بشريه منتشره في النافور بتاعت الجنينه !! جمااال !! جمااال مره واحده يا مفتريه !! طب واما ديجي تقرا الكلام ده تغير وتعمل ايه يعني لعبت بقلب الزاد وسيبتي يطلعو علينا !! كنت هتبقي واسطه .. ولا واسطه ايه ده انتي كنتي هتنفيني ماهو بيتريق علي جوزك بقي!!!
..
انتي عارفه ديجه دي اساسا صعبانه عليا ! بجدبنت في عز شبابها هتتجوز واد اكبر منها بعشرينسنه هي كانت حره -ده انا شوفتلها صوره بتلعب كوره مع اصحابها!- دلوقتي مقيده ده بيروحوا يكلوا في مطعم بالهيلكوبتر!! بجد
.. وجمجوم كان بيقولك كل سنه وانتي طيبه
دلوقتي ابن جمال(ناصر) بيقولك كل سنه وانتي طيبه
تحياتي

zordeak said...

عااااااااااا

انا علقت تعليقى راح فيين


المهم

كل سنة وانتى طيبة يا اسراء

عقبال يا رب كده متبقى عندك ميييييييت سنة


بصى بقى

لو طلع كلامك فى البوست اللى تحت كان قصدك فيه على كده

يبقى هخنقك

انا كنت عايز افرحلك

عاااااااااا

مبحبش الاشتغالات

لازم تقوليلى الحقيقة بسرعة


______________________

اما بالنسبة للبوست ف دمه زى العسل

وشقاوتك فيه تحفة

:)

buffy said...

tb3n mnsakesh enty btklmy fe eh da asln t3b 3la myklmk :))))u r so funny we lazeza

Amr Ahmed said...

كل سنة وانتي طيبة
ده الاهم

سيبك من الجواوالكلام ده

بلا جمال بلا بتاع

العرسان علي قفا من يشيل

حد يتجوز ابن رئيس

ياي

مفيش حاجة اقل من كده

esraa said...

مصر هى أمى:
مبروووووك علي أول كومنت

بس أعتقد ان جيمي كان هيدافع عني, ومكنش هيسمح لحد انه يعمل عليا حمي

اما حكاية بورسعيد, فالمشاكل مبدأتش غير بعد مانا سيبته, يعني تقدر تقول ان ده السبب الحقيقي, كانو بيضغطو عليا عشان أرجعله

وانت طيب يامحمد

والتورته محجوزه ((:

أخف دم said...

مش عارف مين الحاقد اللى كان مشكك فى الموضوع ده يا إسراء؟ ده بورسعيد كلها عارفة الموضوع بتاع الارتباط اللى بينكم وابو العربى داير فى الحتة كلها ..
فاكرة حكاية الدبدوب اللى رميتيه فى وشه لما اتأخر عليكى فى عيد ميلادك الأخير؟ بس انتى كنتى جدعة ووقفتى وقفة رجالة..
عموما يا بنتى الغى المثل القديم ما الحب إلا للحبيب الأول وحطى بداله المثل ما الحب إلا لإسراء ..
وسلامى لأبو العربى

عاشقة الوطن said...

كل سنة وانتى طيبة يااسراءوعيد ميلاد سعيد
ايه يابنتى الكلام ده انتى بتتكلمى فى ايه
انا عارفة انه عمره ماهينساكى بس اتقلي انتى يابنتى
مش عاوزينه يفرح فيكى ولا هو اللى يتقل
لا اتقلي انتى عشان يعرف قيمتك

وكل سنة وانتى طيبة ياجميل

esraa said...

مبرمج حر:
أها شفت الحب

طبعا لو مكنتش اعمل ليبل لجيمي هعمل لمين؟
مين اللي قال انه مش هنا
مانا نسيته ياحمد هو اللي مش قادر ينساني وعشان كده كتب كتابه يوم عيد ميلادي.

REEMOO said...

كل سنه وانتى طيبه يا قمر
عقبال مليون سنه
بصى ولا يهمك من كلام الناس الشمتانين
اصلهم مش فاهميين الى فيها
بس انا معاكى لو كان نساكى مكنش كتب كتابه يوم عيدملادك
هو بس بيقولك انك فى القلب
بس طبعا مش عارف يقولها صراحه علشان الراى العام وكده
مش ناقصه هى قضيه خله من ديجه ولا ايه :)))))
كل سنه وانتى طيبه تانى يا قمر
تحياتى

A.SAMIR said...

انا لو منك
اتصل بيه واقول له سامحني يا جيمي انا غلط في حقك
ارجعلي انا
انا اللي استاهل اكون السيدة التانية حاليا والاولى مستقبلا
عيد ميلاد سعيد
تحياتي ليكي

esraa said...

فبركة:
ربنا يخليك ياشريف
اها طبعا فاكراها
بس انت كمان بتقول نياهاهاهاها؟
كلكم خارجين من المصباح ولا ايه؟ (((:

esraa said...

تســنيم:
طبعا لو مكانوش يتعاطفو مع جيمي هيتعاطفو مع مين؟
لأ الحب حاجه والانتخاب حاجه تانيه خالص
شوفو بقي كلام البنات الموقعتيه, عايزه توقعي بيني وبينه وخلاص , يابنتي مافيش في قلبه غيري ريحي نفسك

esraa said...

Mony The Angel:
وانت طيبه ياموون
مانا عارفه كنت هناك

esraa said...

shabfa2re:
وانت طيب يامودي
اوك ياسيدي, اعمل الرابطه وانا معاك

esraa said...

tamer afify:
وانت طيب ياتامر
اها بقي يوم زواج الملك ((:
يعني ممكن اعزمكو, بس انت عارف السلطة بيتغير النفوس.

www.blogs4arab.com said...

http://www.blogs4arab.com/Forums/viewtopic.php?t=567&sid=b534f046f4198dbc97aa7e1e3aee71db

elkamhawi said...

بمعنى

Esmeralda said...

يا بنتى حاولى تفرقى بين مستواه السياسي و مستواكى
الحب ميعرفش الفروقات ديه

safa7_karmooz said...

معلش يا اسراء...تعالى على نفسك شوية ...وانسى اللى حصل ...انتى طبعا عارفه ان ه من زمان ...والحياة لازم تستمر

اينعم لسه بيفكر فيكى ...وعمل كتابه يوم عيد ميلادك...ومش بعيد يسمى اول مولود ليه باسمك ..

اييييييييييه ...سيبك

كل سنة وانتى طيبة :D

wa3d-el3yoon said...

كل سنه وأنت طيبه
وعقبال ميت سنه يارب

أعتقد بابا جيمى بيحب مصر كلها
ههههههههههههههههههههه

واحـــد مـــــن الـنـــاس said...

كل سنة وانتي طيبة يا اسراء وعقبال ميتين سنة يارب

جمال ده كان هيبوظ اليوم والله بالعملة السودة بتاعته دي

لكن كله يهون

ويالا
اهو جمال هيتجوز ويتستت في البيت بقا

ويارب يريحينا من طلعته البهية

Mohamed A. Ghaffar said...

نفدتى بجلدك

dead man said...

يا جيمي يا خولى الجنينة أدلع يا جيمي .. تن تن تن..

:))

ادعوله ادعوله.. تييييييييييت

The Groom said...


كل عام وانت بخير يا اسراء

أطال الله في عمرك و متعك بالصحة والعافية

حاجة وحدة بس

الأسلوب ده مش عاجبني لانه تقريبا فيه نهي من الرسول عليه الصلاة والسلام في الهزار و التهريج في الزواج والطلاق لان جدهن جد و هزلهن جد

عموما يا ستي ربنا يرزقك بمن هو أحسن منه بجد و نفرح فيكي :P

تحياتي لك من ماناساس البلد

esraa said...

ody911:
وانت طيب

وعادي بقي بردو

esraa said...

ibn nasser - ابن ناصر:
دبابات وحراسه مشدده وضفادع بشريه
كل ده؟
طبعا جيمي مره واحده, امال مرتين يعني؟

اسكت مش بيدلعوها يقولوهل ياموني, ماتسألنيش ازاي, وبعدين هي أكيد حسه ان في حد في قلبه مهما هو حاول يخبي

بس ماتقلقش مكنتش هنفيك, كله الا كده, الجواز مالوش دعوه بالحق

ايه يعني أكبر منها, بقولك قلبه شباب, شباب جداااااااا كمان

يالا جمال بن الناصر يفي بالغرض, وانت طيب

esraa said...

zordeak:
ايه عااااااااا دي, انت سرقتها من كاميكاز؟
والله انا مشوفتلكش تعليق قبل كده هنا خالص
وانت طيب ياحمد , بس مية سنه بس؟
وفيها ايه يعني لما أشتغلك, مش صديقي
بس اطمن مكنش قصدي علي كده
وصحيح انا هضيفك أوكي, عشان عايزه أسألك علي حاجه اختلفت فيها انا ومنة وتسنيم
سعيده ان البوست عجيك

esraa said...

buffy:
مش كده بردو
ربنا يخليكي ((:

esraa said...

Amr Ahmed:
وانت طيب ياعموووووووووور
بس لأ ملقتش أقل من كده, انت عندك؟

zordeak said...

اه كاميكاز حبيبى

انا وهو بس اللى بنقول عااااا دى

:)

اشتغلى براحتك يا ستى بس انا زى مقلتلك

فرحتلك اوى

أوك طبعا ضيفينى

من غير استئذان كمان

:)

ليه بس تختلفى معاهم

أكيد انتى صح

قوليلهم بقى انى بطلعلهم لسانى

:p


مستنيكى بقى

سلااااااااام

أحمد مختار عاشور said...

هههههههههههههه
جميل اوى يا اسراء
دمك خفيف اوى
و ربنا يجعا كلامنا خفيف برضه على الناس اللى ايديها تقيلة

esraa said...

أخف دم:
لأ الحاقدين كتيييييييير يأشرف
تقصد ايه بأبو العربي
انت بتتريأ؟
بس حلو المثل ده (((:

esraa said...

عاشقة الوطن:
وانت طيبه
مش كده بردو, ينساني ازاي بس؟
بس الصراحه لازم تتقال, الراجل عارف قيمتي كويس.
وانت طيبه تاني

esraa said...

REEMOO:
وانت طيبه ياريم
أها دول شماتين علي الأخر, ونفسيتهم وحشه جدااااااااا
أهو ده اللي ناقص انها تخلعه كمان
وانت طيبه ((:

esraa said...

A.SAMIR:
لألألأ ياحمد, ماينفعش, يبقي منظري ايه انا دلوقتي؟
ربنا يخليك ((:

esraa said...

www.blogs4arab.com:
هشترك هناك ان شاء الله

esraa said...

elkamhawi:
معقول؟

esraa said...

Esmeralda:
أنا عارفه والله
بس مقدرتش أعمل ايه بس؟

esraa said...

safa7_karmooz:
مانا فعلا نسيت
بس هو صعبان عليا عشان مش قادر ينسي
نفسي أقدر أساعده
وانت طيب ((:

esraa said...

wa3d-el3yoon:
وانت طيب
بس مية بس؟
عيب عليك كده, ايه بابا دي, بقولك قلبه شبااااااااااااب.

esraa said...

واحـــد مـــــن الـنـــاس:
وانت طيب ياعلي((:
يتستت في البيت, والله انت طيب ياعلي(:

esraa said...

Mohamed A. Ghaffar:
ليه بس؟
ده حتي جيمي ملاك.

esraa said...

dead man:
يستحق يتغناله مش كده؟

esraa said...

The Groom:
وانت بخير(:
مانا عارفه
انا ماتكلمتش علي الجواز
ده كان حب بس
ربنا يخليك (:

esraa said...

zordeak:
طبعا كاميكاز ده حبيب الملاين
ربنا يخليك ياحمد
والله انا كمان نفسي أفرح ليك من يوم ماقرأت اول بوست عندك
ربنا يوفقك يارب
هبقي أخد ايميك وأضيفك ان شاء الله
بس ياريت أطلع أنا اللي صح, عشان لو طلع هم مش عارفه هعمل فيك ايه.

esraa said...

أحمد مختار عاشور:
(:
ربنا يخليك ياحمد
هم ايديهم تقيله بردو؟

Epitaph said...

looooooooooooool


naaaah lady

he was MINE! AND then I dumped him!!

:D

delw2ty e7na 7antlam 3al 7agz ba2a lol

Epitaph said...

and ah by the way

a belated

HAPPY BIRTHDAY!!!!!!!!!1



make a wish :)))))))))

moodysalihamidzic said...

HAPPY BIRTHDAY 2 UUUUUUUUUU ESRAA
:)

elkamhawi said...

ههههههههههههههههه

Sokomonoce said...

كل سنة وانت طيبة
مبروك

esraa said...

Epitaph:
شوفي طمع الانسان في أخيه الانسان بقي
احلو دلوقتي جمال, وبقي بتاع الناس كلها؟
اهو شفتي, طالما انت هتتلمي يبقي انت مكنتيش معاه أصلا.

esraa said...

moodysalihamidzic :
2 u 2(:

esraa said...

elkamhawi:
(:

esraa said...

Sokomonoce:
وانت طيب
وربنا يبارك فيك(:

الكلام نوعان :كلام فارغ وكلام مليان كلام فارغ said...

انتى كمان عيد ميلادك يوم 28 ابريل
لا احنا لازم نعمل حزب بقى
لانى كمان عيد ميلادي في نفس اليوم
وصاحب مدونه (شاب فقري) برضه عيد ميلاده في نفس اليوم
صدفه دي؟

hend said...

طب متنسيش باه تبعتيله بكيه ورد وبرقية تهنئة وعقبال الانجال اللى هيطلعوا روحنا اكتر ما هى طالعة

esraa said...

الكلام نوعان :كلام فارغ وكلام مليان كلام فارغ:
كل سنه وانت طيبه
أعتقد اننا فعلا لازم نعمل حزب(:

esraa said...

hend:
بعت طبعا من غيري ماتقولي
ينفع تقولي كده علي أولاد جيمي بردو, دول اكيد هيبقوا ملايكه زي باباهم(:

Shiko said...

كل سنة وانتى طيبة يا اسراء
معلش متأخرة شويه
ومبروووك لجيمى وديجا
وكل سنة والريس بتاعى وبتاعكوا وبتاعنا كلنا بخير وصحه وسلام ويبعد عنه شر المدونين الحاقدين امثالنا
تحياتى

esraa said...

Shiko:
وانت طيب, وولا يهمك
الله يبارك فيك, وعقبالك
اها ده احنا ياراجل حقودين حقد
ايه ده
بنجيبه منين بس؟

الحصان الأسود said...

أية يا بلدياتي ؟؟؟؟؟؟ بقى هوة دةالعريس اللي انتي كنتي عاوزاة

اخص الله يخيبك

دة ضفر الواد ابو العربي برقبتة

انتي كدة حاتعملي عداوة شعبية مع اهل بلدك كلهم يا بنتي

وأخيرا كل سنة و انتي طيبة

مش تبقى تقولي علشان نقوم بالواجب او عالاقل نستنى تورتاية حلوة من حلواني العروسة

تحياتي

شهيدة said...

هههههه

والله ما تجيش فبال حد أبدا

الله عليكي يا اسراء

معاك حق
انما الحب للحبيب الأول

مبروك انو لسة فاكرك

تحياتي

esraa said...

الحصان الأسود:
ليه بس هو جيمي وحش
وبعدين ماهو لو مكنتش رفضته مكنش هيبقي في عداوه من أساسه
وانت طيب
بس تورتايه بس؟

esraa said...

شهيدة:
طبعا مش هيقدر ينساني
بيحبني بقي
هيعمل ايه بس؟

amy lee said...

ههههههههه
والله انتي عسل يا اسراء
معلش ...
والله محدش يستاهل
كلهم حاجه وحده

 

The Lost Princess © 2008. Design By: SkinCorner