Tuesday, April 10, 2007

مابتتنسيش



هو : عملت كل حاجه عشان أنساها, سيبتها, بعدت عنها, خطبت غيرها عشان أقدر أنساها , جرحتها,حاولت أعمل كل حاجه عشان أبعدها عني, ولما مانسيتهاش قلت عشان هي مش راضيه تبعد , لكن لما استسلمت وبعدت, قلت ان الموضوع موضوع وقت وهنساها, لكن رغم مرور الوقت مقدرتش أنساها ومش عارف أعمل ايه أكتر من كده عشان انساها.


هي: هو صحيح عمل كل حاجه عشان ينساني, لكنه نسي أهم حاجه ان أنا مابتنسيش.

80 comments:

فبركة said...

أنا سعيد أنى أكون أول من يعلق على البوست الجميل ده
فعلا دلوقت بقت البنت ما تتنسيش والولد بقى هو اللى يتعب ويحاول ينسى ومايعرفش
الأية اتعكست وبقت البنات ما تتنسيش وبقت الولاد تفضل فاكرة ومخلصة فى حبها أو يمكن ده مش اخلاص بقدر ما هو مرتبط بخفة ورقة البنات اللى بتزيد حلاوتهم كل يوم وبقوا زى العسل
يا خرابى عليهم
هههههههههههههههه

yousef said...

البنت بتدى بالجنيه للى يديها قرش حنية
مش هقول غير ده
regards

REEMOO said...

مش اى بنت متتنسيش
وبرده مش اى ولد مبيقدرش ينسى
بوست حلو اوى يا اسراء
تحياتى

The Groom said...


دي الأم يا اسراء الأم

وممكن الأخت

وآخر شيء الحبيبة

شكرا لك

تحياتي من ماناساس البلد

مصر هى أمى said...

ايه الغرور ده هيا ما تتنساش ليه يعنى هيا مين يعنى

بس تصدقى كلامك صح يا اسراء الحب الاول لا يمكن يتنسى بس ده للراجل بس الحب الاول ميتنساش لكن البنت ممكن تحب وتنسى كل يوم مبتفرقش معاها

دوستى على الجرح يا اسراء انتى كاتبة البوست ده علشان تفكرينى ولا ايه

Mony said...

"النسيان نعمة محروم منها بنى الإنسان"

ibn nasser- ابن ناصر said...

البنات اتغيرا او اختلفت 180 درجه , وبقي فعلا الولد هو اللي محتاج ينسي ,يعني الولد اخرو يحب واحده في وقت واحد لاكن البنت ممكن تحب عشره في وقت واحد,, وبعدين ظاهرة البنات بتعاكس الولاد وحاجات غريبه!!! وده بيعود برد فعل متوحش اللي هي حركات التحرش اللي اصبحت منتشره والواحد بيشوفها بشكل شبه يومي
.... وايه يا إسراء الفن ده كله ,موضوع رائع
تحياتي

FemTo said...

مش عارف اقول غير انى اقتبس رد Reem

Quote "مش اى بنت متتنسيش
وبرده مش اى ولد مبيقدرش ينسى"

Sokomonoce said...

الحقيقة كل حاجة حقيقية ما تتنسيش وكل حاجة علمت جوانا ما تتنسيش

ببساطة مهما يحاول الانسان انه ينسى جزء من كيانه هيفتكر تانى لانه جزء من كيانه خصوصا لو كان حب صعب جدا يتنسى حتى لو فيه جرح كبير مش ممكن يتنسى

تسـنيم said...

ولكننا أحيانا نشتاق إلى النسيان ونتمناااااااااه..


أه لو ننسى أو تنسانا الذكرى

Mony The Angel said...

katabt kalam w masa7to...
:)
msh 3arfa a2ollek eh..
Maybe a3ala2 hena ba3deen :)

esraa said...

فبركة:
لأ هو غالبا مرتبط بالجارح والمجروح
اللي بيجرح صعب انه ينسي, والمجروح جرحه رغم انه بيكون صعب في الأول الا انه بيساعده ان ينسي بعد كده.

esraa said...

yousef:
انت كده جبت من الأخر.
عايز تقول ايه أكتر من كده.

esraa said...

REEMOO:
أكيد طبعا مش أي بنت ماتتنسيش
لكن أعتقد ان أي بنت ماتتنسيش مفيش ولد يقدر ينساها.

esraa said...

The Groom:
هو الصراحه انا كنت أقصد بيها الحبيبه.
بس هي فعلا ممكن تيجي كل حاجه.

esraa said...

مصر هى أمى:
ههههههههههههههه
والله كل واحد عارف امكنيات نفسه, دي ثقه في النفس مش غرور.
أن أن أأأأأن أهو ده عيبه بقي, معلش يامحمد حقك عليا.

esraa said...

Mony:
رغم ان الانسان اسمه ماخوذ من النسيان, بس حقيقي مش أي حد مايتنسيش.

esraa said...

ibn nasser- ابن ناصر:
متنساش انه هنا جرحها, وهي فضلت متمسكه بيه رغم كده, بس هو كده الانسان مش بيعرف قيمة الحاجه الا لما تروح منه.
أما بالنسبه للبنات اللي اتغيرو, فده فعلا حصل لكن دي مش القاعده
ربنا يخليك, ويسعدني انه عجبك.

esraa said...

FemTo:
ومش عارفه أقولك ايهغير اني أقتبس ردي علي ريم ((:

أكيد طبعا مش أي بنت ماتتنسيش
لكن أعتقد ان أي بنت ماتتنسيش مفيش ولد يقدر ينساها.

esraa said...

Sokomonoce:
أكيد الحقيقي مش ممكن يتنسي.

esraa said...

تسـنيم:
انسي انك عايزه تنسي وانت تنسي.

esraa said...

Mony The Angel:
طب ينفع كده يعني.
انا بقي عايوزه أعرف الكلام ده بالذات.

The Groom said...


على فكرة انت طلعتي في الحلم في مدونتي

تحياتي لك

copa said...

جامده اوي يا اسراء بجد

بس في بيت شعر لاحمد شوقي يقوليك ايه

كلما مرت عليه اليالي رق و العهد في اليالي تقس

يعني في حالات الناس الي بتنسي مع اليالي و الناس الي عمرها ما بتعرف تنسي علشان الشخص او الحاجه دي مبتنسيسش

بنى أدم مع وقف التنفيذ said...

يا عينى

ShAb 3AdY said...

اكيد النسيان دا حاجة صعبة اوى

بس الزمن بينسى اى حد حاجة

دا حتى الواحد ممكن ينسى اسمه من اللى بيحصل حواليه يبص لمشاكل الناس هينسى اى مشكلة عنده و على رأى المثل

جيت انسى جابولى بنسه قولتلهم انسى قالولى انسى

moodysalihamidzic said...

خليكى مع ربنا بجد وبس

Anonymous said...

بس أنا كنت عاوزة أسألك سؤال هى مين دى إلى مش بتتنسى لأن كل حاجة مع الأيام بتتنسى و الجرح " النفسى " مهما يكون قوى و بينزف الأيام كفيلة بأنها تداويه ( شكل مودك إنت كمان كارف على ألوان غامقة مش تسنيم بس ) مع تحياتى ليكى و لمودك

taneem said...

أه معلش لتانى مرة نسيت أكتب أسمى

شادي فايد said...

ههههههههههههههههه

هو عادي ان الانسان يقابل في حياته ناس
مايتنسوش

بس كونها قالت كده

ده مش فيه غرور؟؟

maha said...

سلام عليكي يا اسراء
لا حول و لا قوة الا باله
طب مادام هو بيحبها للدرجة دي و مش قادر ينساها و لا يبعد عنها
ليه بس سابها من الاول و كان سبب في جرح ليها ؟؟؟؟
انا مستغربة بجد الناس اللي بتتمتع بتعذيب نفسها و الناس اللي بتحبها
ربنا يستر
سلام
مها

esraa said...

The Groom:
اها مانا شفتني, بس كنت مستنيه الحلم يكمل.
شكرا بجد (((:

esraa said...

copa:
ربنا يخليك.
مش كده بردو(((:

esraa said...

بنى أدم مع وقف التنفيذ:
ههههههههههه
يالليل.

esraa said...

ShAb 3AdY:
هو الزمن فعلا بينسي أي حاجه, بس مش كل حاجه.
بس هو ده مثل بجد؟

esraa said...

moodysalihamidzic:
من عيوني.

esraa said...

taneem :
لأ فعلا في ناس مش بتتنسي.
لأ ألوان غامقه ايه بس, بالعكس والله ده انا الأيام دي مبسوطه أوي.

esraa said...

شادي فايد:
لأ مش غرور, ده ثقه في النفس (:

esraa said...

maha:
انت قلتيها يامها
في ناس كده تحب تعذب نفسها
بس اعتقد انه في الأول اعتقد انه هيقدر يناسها, وان اي واحده ممكن تاخد مكانها.

أحمد مختار عاشور said...

ايه ده انتى بتسمعى لطيفة؟
انا متنسيش انا متنسيش
خليك هاجرنى ميهمنيش انا

Moody said...

حد ينسى جيلى الفراوله!!؟؟

كراكيب عادل said...

احلي حاجة يكون الانسان واثق من نفسة كدة وعارف تاثيرة العميق فيهم

ليك حق تثقي في نفسك

وحشتني مواضيعك لسة جاي من السفر

الحصان الأسود said...

وماتتنسيش لية بقى ؟؟ مافيش احدة ماتتنسيش

ربنا يخللي الزهايمر

وكلة بيتنسي

بالذات اللي مطلعة عين حبيبها او خطيبها او جوزها

تتنسي و يتكسر وراها 30 قلة طبعا ههههههه

هيه تلاقيها بس سمعه اغنية انا ماتنسيش بتاعه لطيفة و جايلها عالجرح

كلة بيطلع في الغسيل

انا اية اللي جابني هنا

وانتوا مين؟؟

يخرب بيت الزهايمر على سنينة

شادي فايد said...

عموما

هي كلمة ماتنسيش
مطلقة كده
مش صح

يعني هو الانسان حسب تأثيره على الشخصية اللي قدامه

يعني أنا مؤثر في حياة فلان
فمتنسيش
ومليش لزمة في حياة فلان الاخر
فمش حيفتكرني

مع اني عرفت قبل كده واحد
لمدة سنة كاملة بنام في غرفة واحدة
واتبهدلنا سوا
وكنا لانفترق

وبعد الاجازة قابلته
لقيته مش فاكر اسمي





اصله أدمن المخدرات

:)))

esraa said...

أحمد مختار عاشور:
لأ الصراحه مش بسمعها خالص.

esraa said...

Moody:
لأ طبعا, جيلي الفراوله مايتنسيش(((:

esraa said...

كراكيب عادل:
حمدالله علي السلامه
أكيد طبعا الثقه حاجه حلوه, وانا فعلا الحمدلله واثقه من نفسي, بس انا مش هي (((:

esraa said...

الحصان الأسود:
هو حد قال انها عملت حاجه وحشه؟
هو اللي عمل.
وعشان كده هي نسيته وهو مش عارف ينساها.
سلامتك من الزهايمر, وفين مواضيعك الجديده؟

esraa said...

شادي فايد:
أكيد طبعا ده راجع لتأثير كل واحد في حياة التاني
وهي عشان عارفه تأثيرها في حياته قالت كده, خصوصا انها ماعملتش فيه حاجه وحشه, بالعكس, هو اللي غلط في حقها.

شادي فايد said...

يبقى مش مسئلة غرور

او ثقة بقى

دي شماتة

:))

esraa said...

شادي فايد:
لألأ ياشادي
اللهم لا شماته
احنا مش بنشمت في حد.

raspoutine said...

هوا لسة فى حد مبيتنسيش ؟
يا ريت

فبركة said...

اسراء انا شوفت ردك على بوستى الاخير
اتمنى منك تضيفينى عندك على الماسنجر ضرورى جدااااااااا
ارجوكى ما ترفضيش
shiko_4u@hotmail.com
shiko_angel@yahoo.com

zordeak said...

يا ريت كان النسيان سهل


انما زيه زى الحب

صعب اوى

امام الجيل said...

هى مش قاعدة فعلا اللى بيحب اكتر من قلبه هو اللى بيتعب اكتر بس من ترك شيئا لله عوضه الله خيرا منه
واللى يسيب علاقة ميعرفش ايه نهايتها وعايز منها جواز ولا مجرد تسلية ربنا هيعوضه بزوجة تعيشه فى حب ونعيم العمر كله

david santos said...

Hello, Esraa!
Thanks for you work and have a good weekend.

هيثم ابوعقرب said...

ياه
كان نفسي اكون
مكانه
علشان الاحساس الصعب ده اللي بيقولو الوقت بينسي الحبايب
لكن فعلا فيه حاجات كتير مابتتنسيش
اولها اني ابطل ازورك

esraa said...

raspoutine:
اللي مابيتنسوش كتييييير.

esraa said...

فبركة:
أنا ضفتك خلاص ياشريف

esraa said...

zordeak:
اها والله ياحمد عندك حق.

esraa said...

امام الجيل:
الموضوع مش كده
هو اللي غلط في حقها, هو اللي جرحها وخانها, يمكن عشان كده هي قدرت تنسي, وهو مش قادر ينسي, يمكن لأنها عمرها ماغلطت في حقه, بالعكس, وكان جزأها في الأخر انه غدر بيها.

esraa said...

david santos:
hi david, how are u?
thx, wc

esraa said...

هيثم ابوعقرب:
كده بردو ياهيثم, عايز تنسي تزورني):
يارب ياسيدي ماتتحطش في موقفه, وتتجوز اللي انت تحبهاوتختارها, ومحدش فيكو يضطر ينسي التاني.

جـــــوانــــا said...

محناش ملايكة ولا شياطين
ولا انتو يعني الحور العين
ده حتى ورد الليل فيه شوك
وفكل خلقه في الصنفين
حلاوة

تحياتنا يافندم

esraa said...

جـــــوانــــا:
هههههههههه
جميله جدا
نورتنا.

أخف دم said...

إيه الغرور ده؟ يعنى ايه هيه متتنسيش؟ ده أنا ممكن أنسى حتى ساندويتش الشاورما يعنى ..
أى حد ممكن يتنسى بالوقت وبانك تلاقى الشخص الصحيح سواء ولد أو بنت ..

ALEXANDER said...

مفيش متليش معنديش ده رد أى بنت على حب صادق حقيقى وان كان فيه اصلا البوست ده أقرب للخيال أو أتكتب بعد 30 سنه من أل بيحكى عنه محصل
...........مجرد رأى
بس ده أحاس عالى نادرا متلقيه الايام دى
.....شكرا

18goosebumps said...

امممممممم
اسراء

انتى عارفه ... النسيان ده نعمه كبيره

ان لم يكن له فيها الخير
فبالله ينساها والعكس صحيح

esraa said...

أخف دم:
هههههههههههههه
ده مش غرور يأشرف
وبعدين سندوتش شاورمه, انت جعان ولا ايه؟
وأكيد الانسان الصح ممكن ينسي, بس هو يعمل ايه لو كانت هي الشخص الصح ده؟

esraa said...

ALEXANDER :
لأ أنا مختلفه معاك
في بنات كتير بتحب وبتحب بجد كمان, وبتفضل شاريه اللي بتحبه وباقيه عليه مهما حصل, حقيقي في بنات كده كتيييييييييييييييييييير

esraa said...

18goosebumps:
أكيد النسيان من أعظم نعم ربنا علينا.

No Fear said...

السلام عليكم
إن شاء الله ممكن تتنسي

ALEXANDER said...

أو عدك بنظره أخرى للواقع بس طبيعى يكون رأيك كده ما أنتى منالمعسكر الاخر
شكرا.............

esraa said...

No Fear:
وعليكم السلام ورحمة الله وبركاته
اوكي(:

esraa said...

ALEXANDER :
لا والله مش عشان أنا من المعسكر الأخر.
أنا مع المظلوم, يعني لو كان الظالم بنت والمظلوم ولد كنت هبقي معاه, لكن هنا هو اللي غلط فيها وجرحها وظلمها وخانها, يبقي طبيعي اني أكون معاها عليه.
أنا وجهة نظري ان المجروح ماهما كان جرحه صعب وبيوجع لكنه بينسي في الأخر, لكن الجارح مهما حصل في حاجه بترجعه معرفش ليه؟

mamo2 said...

انتى أكيد مغرورة شويا بس فيه سر أكيد هو عمل حاجة صح عشان كدا مش قادر ينسى يا عينى بلاش فهم غلط

mamo22008maktoobblog.com said...

انتى أكيد مغرورة شويا بس فيه سر أكيد هو عمل حاجة صح عشان كدا مش قادر ينسى يا عينى بلاش فهم غلط

esraa said...

mamo22008maktoobblog.com :
والله أنا مش مغروره
وأنا مش هي(:
بس انا مش فاهمه انت قصدك ايه, او يعني ايه هو أكيد عمل حاجه صح عشان كده مش قادر ينسي, ياريت تفهمني وجهة نظرك

جـيـداء said...

دى انسانة مغرورة
و كمان ما ينفعش نعمم القاعدة ، لان لكل حالة ظروفها
:)

esraa said...

جـيـداء:
لا والله ماهياش مغروره
بس هي عارفه هي عملت ايه وهو عمل ايه
وأكيد دي مش قاعده

 

The Lost Princess © 2008. Design By: SkinCorner