Saturday, December 20, 2008

...سيبني شوية



سيبني شويه لوحدي عشان متضايقة شويه
ماتقلبش عليا مواجعي وتتعب فيا
ده أنا علي أد مانفسي أتكلم وأشتكي منك
خايفه لتيجي علي جرحي وتزودها عليا
ليه هو انت فاضيلي عشان أجي وأحكي معاك
ده إنت بتبقي معايا وجنبي ومش لقياك
واللي مأثر فيا بجد إن أنا شيفاك
أبعد واحد عني وأقرب واحد ليا
شايله بقلبي أنا منك بس أنا مخبيه
راضيه معاك بقليلي وبتستهر بيا
ليه وإزاي تبقي أنت أهم الناس في حياتي
وتحسسني إني ماليش أي أهميه
ليه هو أنت فاضيلي عشان أجي وأحكي معاك
ده أنت بتبقي معايا وجنبي ومش لقياك
واللي مأثر فيا بجد إن أنا شيفاك
أبعد واحد عني وأقرب واحد ليا

----------------------

أغنية: سيبني شوية
غناء: لطيفة

30 comments:

Anonymous said...

تحفه جدا ايتها الاميره التائهه

سميه

حاسوباتيه said...

حلوه قوي قوي قوي اصعب حاجه لما يكون اقرب الناس لينا معانا وبعيد قوي عننا ياريته حتى كان بعيد بجد لا ده قريب وبعيد
تحياتي ليكي

mohamed alhaddad said...

جميله جدا
وخصوصا جمله ابعد واحد عنى واقرب واحد ليا
جميله جدا
بس الفديو مش عايز يشتغل مش عارف ليه بقى يمكن عشان النت لسه برده بطئ شويه
بس هو عموما نادر عبد الله ده مؤلف رائع ليه جمل كتير حلوه اوى و وليد سعد ملحن فى جنب مالوش دعوه بالتخبيط اللى فى السوق ده
اختيار هايل

الازهرى said...

ايه الحكاية يا سارة

احنا هنرجع تانى
مش كنا اتفقنا نبقى اقوياء ونرمى اللى فات مننا ونفكر فى الجديد
حاولى تنسى
مهما كان الجرح غائر
لازم فى الحياة نمشى وننتج
لان الحياة لن تتوقف مهما كان حجم الالم

تحياتى دوما

Anonymous said...

السلام عليكم
اممممممممممم مش عارف ايه العدوانية اللى بقت فى الاغانى اليومين دول

بس على العموم
well يعنى

دمتى بكل خير ويلا سلام

Kiara said...

جميله اوي يااسراء

تــسنيـم said...

ينفع يسيبني خــــــــالص


أصل حتى الشوية مش كفاية



:)

blue-wave said...

كآبه كآبه يعنى:((

Adem Salhi said...

أختي العزيزة؛
اكرر شكري مرة أخرى و لو يسمح لي المدونون المصريون ان أتمنى عليهم ان يضعوا لوغو التدوينة البيضاء منذ الآن لأن ذلك سيكون بمثابة الاشهار للحملة وهو ما سيزيد من عدد المشاركين انشاء الله؛ كما ان كل تدوينة تدعو الى المشاركة سيكون مرحبا بها
تحياتي و شكرا لكم

Amr Ahmed said...

والله تلاقي هيا فاهماه غلط اصلا

ماهما البنات كده

غاويين نكد
:P:p

hasona said...

أصعب شئ
ان الانسان يكون مضايق - وجنبه شخص ومش قادر يحكي له شئ
والاصعب ان اللي جنبه ده قلبه
وهو أقرب الي قلبه وبعيد عنه وعن حياته كتير
،،،
كنت بأسمع سميرة سعيد وهي بتقولي
قالى انه مش مرتاح من غيرى والدنيا بعدى خلاص فضيت عليه
راح شاف حياته مع حد غيرى ايه جابه تانى وهو انا دخلى ايه
مش فاههمه ليه بيشكى لى همه .. كان ايه اللى غصب على الى وصلنا ليه
فى واحده تانيه شايله اسمه مبقاش عشانى هشيل انا همه ليه
ليه دلوقتى حليت فى عينه .. ليه ينسى اللى كان يربطنى بيه
فيه ناس غيرى مستنيينه وايه انا فى حياته ابقى ايه
انا اجرى على حساب كرامتى ويضحى بيا واضحى تانى ليه
هو ده لو حاسس بقيمتى كان ليه نسينى وخيب املى فيه
وانا خلاص مبقتش ناقصه واللى انتهى بقى صعب نتبديه
دى الواحده بتسامح وتنسى فى اى حاجه الا الحاجه دى
ليه دلوقتى حليت فى عينه... ليه ينسى اللى كان
فيه ناس غيرى مستنيينه...وايه انا ابقى فى حياته انا ابقى ايه
يلا سلام سلام .. بينا مفيش كلام
احسنلى انا ابعد عنه
انسى اللى كان زمان انسى اللى كان عشان
الحب ده ميئوس منه
،،،،
لما يكون في قلبك شئ كبير وتلاقي اللي قدامك مش حاسس وبيصغره وبيتغير


تحياتي لك

http://kasperb4.blogspot.com/ said...

ماهي شغالة يا اسراء اهي
خضيتينا بس عليها
:D

رجل من غمار الموالى said...

جميلة الأغنية
...
تحياتى

Unknown said...

سميه:

ميرسي
اتفضليها

Unknown said...

حاسوباتيه:

لأ
ماهم ولا بعيد ولا قريب

Unknown said...

mohamed alhaddad:

اها أكيد عشان النت
هي شغاله عندي

الأغنيه كلها حلوه فعلا

محمد said...

سمو الآمبره
فكرتينى بالاغنبه الى بتقول
القريب منك بعيد
فى أنتظار زياره
محمد
مشاعر وأفكار
شوية كلام

بسبوسة said...

جميلة اوى اغنية لطيفة والحالة الى بتوصفها فيها

Unknown said...

الازهرى:

لأ مارجعناش ولا حاجه
انا بس اللي بحب الاغنيه دي

Unknown said...

جمعاوي صاحب "عيادة أسنان":

هي فين العدوانيه دي بس؟

Unknown said...

مولان :

انتي أجمل ياقمر

Unknown said...

تسـنيم :

كل حاجه تنفع

شوفي انتي عايزه ايه وهو يحصل

Unknown said...

blue-wave:

هههههههههههههههه

معرفش ليه ضحكت

Unknown said...

أدم الصالحي:

حصل يافندم

Unknown said...

Amr Ahmed:

عمووووووووور

حرام عليك يابني
بطل تفتري علي البنات
ده احنا اصل الطيبه اصلا

Unknown said...

hasona:

اها ده انت بتقلب المواجع بقي

Unknown said...

آلام وآمال:

الحمدلله المشكله اتحلت خلاص

Unknown said...

رجل من غمار الموالى:

ربنا يخليك

Unknown said...

محمد :

والبعيد عنك قريب

قريب ان شاء الله

Unknown said...

بسبوسة :

انتي اجمل

 

The Lost Princess © 2008. Design By: SkinCorner