Saturday, December 27, 2008

إبادة جماعيه في غزة


مش عارفه أقول ايه

هنقول تاني اننا شايلين ذنبهم, وإن دمهم في ايدينا؟

ولا هنقول إن وجود الفلسطنين في غزة ورام الله بكثافة غلط لأن أي حد لازم يفهم ان تكدسهم في المناطق دي بس عشان يوم مايضربوها يقدروا انهم يبيدوهم كلهم

هنقول ان لو الدور النهارده علي حماس وغزة فهو بكره علي رام الله وفتح؟

هنقول ان الحكام العرب مصيرهم لمزبلة التاريخ بسبب سكوتهم وتواطئهم

طب دي مزبلة التاريخ معدش فيها مكان

هنبعت نستوردلهم واحده يعني ولا ايه؟

هنقول إن الناس اللي مامتتش من القصف ماتت من قلة الأدويه ونقص العلاج ولسه المعابر مقفوله

هنقول إن مفيش دوله مدت الناس دي بالسلاح عشان تحمي نفسها

هنستني إن حزب الله يضربهم عشان يخفف الضغط عن غزة ويتدوروا علي لبنان؟

هنقول إن حكامنا كانو عارفين إنهم هيبيدوا الفلسطنين في غزة ومحدش اتكلم

اه اللي بيحصل في غزة مش مذبحه ولا مجزرة ولا غارات

اللي بيحصل في غزة إباده جماعيه للفلسطنين

القمة العربيه هتنعقد عشان تنجب وتدين وتستنكر

وكلنا عارفين إن الاباده إستحاله تتعمل من غير إخطارهم وموافقتهم ولو صمتا علي الأقل

يعني هم بيقتلوا القتيل وهيمشوا في جنازته يستنكروا

الأطفال الصغيرين واقفين علي أبواب مدارسهم بيعيطوا من الرعب

الأطفال دول كانو ممكن يكونوا اخواتي أو اخواتك أو أولادنا أو أولاد علاء وجمال

بس إحنا كالمعتاد هيصعب عليا الأولاد الصغيرين وهنقول ياحرام وربنا ينتقم من اللي كان السبب

لكن الأولاد دول عمرهم ماهينسوا اليوم ده

الأولاد دول هيكبروا عشان ياخدوا حقهم ويحرروا أرضهم وينتقموا من كل اللي ظلموهم

حكامنا ممكن تتكسفوا مننا شويه

لو مش بتتكسفوا مننا خافو علي أسمائكم وازاي هيذكرها التاريخ

اعملوا أي حاجه انقذوا بيها نفسكم قبل ماتكونوا بتنقذوا أولاد غزة

16 comments:

انا حره said...

قوليلهم خافو من ربنا اللى هتقفو بين اديه وهيسألكم عن ارواح الشهداء دول

بس للاسف الشديد مش هما لوحدهم اللى هيتسالو احنا كمان هنكون معاهم

مصطفي زهران said...

ان القلب ليحزن والعين لتدمع ....اللهم انصر من نصرهم ...واخذل من خذلهم...شكرا علي عرض الموضوع
وشكرا انني اول من كتب تعليق في مدونتك الجيده

romansy said...

حسبى الله ونعم الوكيل

ان شاء الله النصر قريب
بس لما نكون ايد واحده

اللهم انصر الاسلام واعز المسلمين

اوعى تفكر said...

حسبنا الله ونعم الوكيل

dabka said...

ليس لنا سواك يا رب لنستجير
غـــزة تُدمر
حسبنا الله ونعم الوكيل

mohamed alhaddad said...

اااااااااااااااااااااااااااااااااااااااااااااااااااااااااااااه
من الحكومات اللى مابتعبرش عن شعبها
اقل حاجه دى تنطرد بالجزمه بره البلد

حسبا الله ونعم الوكيل

~*§¦§ Appy §¦§*~ said...

حتى القسام لما بترد بترد باقل الامكانيات بجد صعب اللى بيحصل اوى

بحب كل الناس said...

لا مجال للا عتذار ولا مجال للشجب والادانة نريد رد فعل يزلزل الكيان الصهيونى

اللهم انا ضعفاء فنتصر
اللهم انهم عبيدك ابو ان يركعوا الا لك
فنصرهم نصرا عزيزا اللهم اعزهم وامددهم بكل مايحتاجون
اللهم انا مقصرون فى حقهم فسامحنا يارب
اللهم ان حكامنا وحكام الارض جميعا قد تخاذلو لنصرة
اهلنا فى غزة اللهم اهلكهم
و ولى علينا من يخافك يارب العالمين
....................


الكلام كثير وكثير



غزة يارمز العزة والصمود
غزة هاشم لاتخافوا ولا تحزنو وانتم الاعلون ان شاء الله
>>>>>>>>>>>

عدنا احبتى لاننا نحب كل الناس يجب ان نعيش الالام معهم

esraa said...

انا حره :

لأ هم نسوا ربنا ونسوا انهم هيقفوا قدامه قريب

ماهو عشان مانكنش معاهم كل واحد يحاول يساند القضيه بطريقته

esraa said...

مصطفي زهران :

امين

esraa said...

romansy:

يارب أمين

esraa said...

اوعى تفكر:

في كل اللي باعوهم

esraa said...

dabka :

في كل اللي خذلهم

esraa said...

mohamed alhaddad :

طب يطردوا سفير السفاحين بس الاول

esraa said...

~*§¦§ Appy §¦§*~ :

ماهم معندهمش اكتر من كده للأسف

ربنا معاهم وينصرهم يارب

esraa said...

بحب كل الناس :

ماحنا لسه مستنين الفعل ده

يارب امين

 

The Lost Princess © 2008. Design By: SkinCorner