Monday, December 29, 2008

غزة


والله ياجماعه إحنا طلع لسه عندنا شوية دم وأخيرا وافقوا علي دخول المساعدات الإنسانيه لغزة عبر معبر رفح بعد مافضحونا إمبارح ورجعوا طيارات قطر وليبيا وبعد مادول العالم حتي السودان اتظاهروا قدام سفارتنا
ربنا يكسفكم زي ماكسفتونا قدام دول العالم كله

الظابط المصري اللي اتقتل علي الحدود علي عيني وراسي , بس خلاص كده تنفيذ الأوامر علي رقابتنا
لما يكون أخويا بيموت من الجوع وأنا مارضاش أفتحله الباب وأقول عندي أوامر بكده
تبقي تنحرق الأوامر واللي مديها
وساعتها مش هبقي أخوه وهبقي عدوه وطبيعي انه يرفع عليا السلاح
قبل ماحد يقول طالما معاهم رصاص مابيضرقبوش اليهود ليه
أحب أقول علي أساس ان الرصاص له أجنحه وهيطير ولا اللي بيقولو كده مش أخدين بالهم إن غزة بتدك بالقصف الجوي ولسه مفيش حد إجتاحها بري

قبل مأي حد يقولي كله مصر كله مصر واشمعني مصر
اه كله مصر بقي
مش هي اللي في كل مكان تقول أنا الاخت الكبيرة وأم الأمة العربية
ده غير إن دول الدنيا تبعت مساعدات واحنا نستعبط ومانرضاش ننزلهم المطار أصلا


سؤال برئ للكابتن أبو مازن
هو حضرتك مش ناوي تتكسف علي دمك و تلبس البدله العسكرية إن شاء الله ولا ايه؟
طب فهمنا إن فلسطين مكنتش في حالة حرب يوم مامسكتها وإن أبو عمار كان بيلبسها عياقه عشان شكله فيها حلو
ايه لسه مفيش حرب في فلسطين؟
لسه لابس مدني ليه
انت بجد مش مكسوف من نفسك؟؟؟؟

قبل ماحد يتكلم عن كلام حسن نصر الله
والله الراجل كتر خيره اوي
ومحدش يقدر يتكلم عن موقفه ولا موقف لبنان
ماهو مش لازم لبنان هي اللي تشيل الليله كل مره
حرب 2006 حسن نصرالله بدأها بدري عشان يخفف الضغط عن غزة اللي كانت بتضرب بردو أيامها
ولبنان شالت الليله لوحدها, وشكلها والله مفيش حد هيشيلها غيرها المره دي بردو
فنتكسف من نفسنا بقي ومحدش يجيب سيرة حزب الله ولا حسن نصرالله, وياريت اعلامنا هو اللي يحط لسانه جوه بقه, مايقولوش الحقيقه , بس علي الأقل يسكتوا بلاش يكدبوا علي الشعب عشان معدش في حد بيتفرج علي القنوات الأرضيه

12 comments:

romansy said...

الحمد لله ان فيه لسه ذره ضمير صحيت جواهم
المشكله ان مفيش نظام ولا فيه كله مش عارف لا رايح فين ولا جاى منين

كله دلوقتى بيخطف ويجرى
ولاسف بيجى على الشعب الغلبان

حسبى الله ونعم الوكيل

أنا المستقبل والأمل said...

ياشعب مصر لقد تأخر عصر الحياة الكريمة طويلاً وإن لم نبدأ في المطالبة بتطبيق وثيقة المستقبل والأمل من الآن فإن هذا النظام الديكتاتوري الحالي أو إمتداده سوف يتمادى في غيه وظلمه وفي هذه الحالة لا نلوم أحد سوى أنفسنا ولذلك يجب أن نوحد كل الجهود والأهداف وعدم الإنصات إلى الأحزاب الوهمية التي تتصيد المواقف. ياشعب مصر لقد بدأنا فكرة الإعتصام المدني بكم فلنجعلها تستمر مرة أخرى وبكم فالرجاء عدم الإلتفات إلى الأمور الجانبية والهامشية وإلى كل من يريد أن ينسب لنفسه فكرة الإعتصام المدني لأنها ببساطة فكرتنا وليست فكرة إسراء أو جماعة ٦ أبريل أو مجموعة الفيس بوك (راجع مدونة وائل عباس الوعي المصري وتحديدا في بوست صور قتيل جزاري الشرطة الطفل يوم ١٥ أغسطس عام ٢٠٠٧)

ياشعب مصر لابد وأن نبدأ إعتصام مدني آخر ولابد وأن يستمر إلى أجل غير مسمى وأن نتكاتف جميعاً حتى يتم تحقيق المبادئ الأساسية من وثيقة المستقبل والأمل والتي
نلخصها في النقاط الخمس الآتية
١) الإفراج فوراً عن كل المعتقلين السياسيين وخصوصاً من أمرت النيابة بالإفراج عنهم ولازالت وزارة الداخلية تتخذ منهم رهائن ومحاسبة كل المسئوليين الذين خالفوا أحكام القانون والدستور وفوراً

٢) إنهاء كل القوانين الإستثنائية والعسكرية من تطبيقها على المدنيين والحد من سلطات العسكريين وأجهزة الشرطة في الحياة المدنية

٣) البدأ فوراً في تكوين لجنة عليا من أساتذة القانون أوالقضاة أو منهما معاً لإعادة أو بداية كتابة وصياغة دستورالدولة ولا يكون أحدهم يعمل أو سبق له العمل في أي حزب من الأحزاب القائمة أو السابقة وذلك لوضع ضوابط ومواصفات وشروط ترشيح أو إقالة رئيس الدولة ونائبه وضوابط الهيئة البرلمانية والهيئة القضائية العليا وتحديد سلطات وإختصاصات كل هيئة بما فيها رئيس الدولة وعلى ألا تزيد فترة الرئاسة عن فترتين بحد أقصى ولا يجوز أن تجدد أو تمد بأي حال من الأحوال

٤) تكون هذه اللجنة هي النواة للجهة القضائية العليا
(Supreme Court)
وتكون ذات عدد فردي (خمسة أو سبعة مثلا) حتى لا تتعادل الأصوات عند التصويت على أمر ما

٥) لابد وأن يكون هناك إشراف دولي عن طريق الأمم المتحدة أو إحدى منظماتها للمراقبة والإشراف على سائرالعمليات الإنتخابية نظراً لإنهيار الثقة في أي نظام داخلي محايد

الرجاء من كل المصريين نساءاً أو رجالاً شباباً كانوا أم شيوخاً في داخل مصر وخارجها نشر البنود السابق ذكرها من وثيقة المستقبل والأمل وإعادة طباعتها وتداولها عن طريق البريد الإلكتروني وأجهزة المحمول وجميع مواقع الإنترنت لتوحيد أهدافنا ومطالبنا ونرجو أن تعلق على البلكونات والجدران طوال أيام الإعتصام المدني مع كتابة عبارة طبقوا وثيقة المستقبل والأمل

حينما يبدأ الإعتصام المدني الرجاء من الجميع الكف عن السلبية والأخذ في الإعتبار الآتي
١) عدم الخروج من البيوت إلا للضرورة القصوى وعدم إتلاف أو تدميرأية مرافق عامة كانت أو خاصة

٢) عدم الإشتباك أو الإحتكاك مع أفراد الشرطة وتجنب العنف والمظاهرات بصفة عامة لأننا نتعامل مع بطش ليس له مثيل

٣) شراء إحتياجات تكفي لفترة طويلة مع التركيز على مستلزمات الأطفال وتخزين كميات كبيرة من المياه والشموع لإحتمال إنقطاع المياه والكهرباء عمداً ولفترات طويلة لإجبارالناس على الخروج من البيوت وتصيدهم في الشوارع

٤) من حق كل مواطن أن يدافع عن نفسه وأهله وبيته في حالة تعرضه في مسكنه لأية إقتحامات أو إنتهاكات غير قانونية

ياشعب مصر إن الدولة في حالة إنهيار شديد فيجب ألا نشتت أنفسنا بأمور جانبية أو ننساق خلف وعود كاذبة ولذلك نريد التكاتف وعرض كل الأفكارالبناءة وشرحها للناس ليعلموا أن حل المشاكل لن يكون بمنحة بأموال مزيفة ولا بإقالة العادلي وأمثاله ولابظهور الخبز فجأة ولفترة قصيرة ولا عن طريق الأحزاب الوهمية وإنما بداية التتغيير تكون بتطبيق وثيقة المستقبل والأمل فياشعب مصر «طبقوا وثيقة المستقبل والأمل»

لابد أن نتحرك وإعلموا أن ساعة العمل قد حانت
والسلام عليكم ورحمة الله وبركاته

آلام وآمال said...

دي أرقام تليفونات وارقام حساب لأي حد عايز يبعت تبرعات
---------------------------

لجنة اغاثة نقابة أطباء مصر
البنك الوطني المصري
حساب رقم 500555

للإتصال: نقابة الأطباء المصرية
هاتف: 7940738 - 7943812 - 7943166 - 3652006 – 3636366
العنوان: 27 شارع القصر العينى امام معهد السكر
ems_cai@ems.org.eg بريد ألكتروني::ـ


لجنة الإغاثة الطبية التابعة لاتحاد نقابات الأطباء العرب
بنك قناة السويس فرع الدقى
حساب رقم (21090/1)ـ

للإتصال: الدكتور جمال عبد السلام، مدير لجنة الإغاثة باتحاد الأطباء العرب
دار الحكمة 42 شارع القصر العينى
تليفون: 7940738-7943166
فاكس: 7940518


مؤسسة لجنة الإغاثة الإنسانية للعون
الناصرة - الصفافرة ,حي بلال ص.ب 20059
تليفون : 046082095
فاكس : 046082097
info@egatha.com بريد ألكتروني::ـ

WhItE HeArT said...

كلامك بجد مقدرش اقول عليه أي حاجة

وبأمان
حسن نصر الله
رغم اني مختلف معاه في شريعته واعتقاداته الا اني لسه بقول ياريت عندنا 100 حسن نصر الله

راجل في زمن قلت فيه الرجاله

تحياتي

Marius said...

Happy new year
our friend Marius!

الازهرى said...

اسراء
صدقينى لسه فى حاجات كتيرة جدا مستخبية
والايام الجاية اسوأبكير من اللى فات

تحياتى
ودعاى لغزة ولكل المسلمين

wafaa said...

منهم لله صغرونا وخلوا رقبتنا اد السمسمة ادام العالم كله
الواحد مابقاش عارف يفتح بقه مع حد مش مصرى ولا عارف يرد على السخافات والاتهامات
ربنا يقويكى يا مصر ف وش اللى بره بيهاجموكى واللى جواكى بيخذلوكى

** القــــلـــب المنـــكـــســر** said...

السلام عليكم

كلمات ذهبيه معبره على اشاء كثيره

بوست مميز

تحياتي

************

القلب النكسر

*****************

دمتي بكل خير و سعاده

******************
و اتمني زيراتك الي مدونتي المتواضعه

******************

و لا تنسو الدعاء لاخواننا في غزه

*********************

القلب المنكسر

***********************

السلام عليكم و رحمه الله و براكته

***********************

انت تسال والكمبيوتر يجيب said...

دعوه
الأخ العزيز/او الأخت العزيزه
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

يا مراكبي said...

نص الكلام مظبوط والنص التاني لأ

للأسف مش كل اللي ظاهر لينا هو الحقيقة اللي بجد .. فيه حاجات كتير من تحت لتحت إحنا لسة ما نعرفهاش .. لكن نقول إيه .. مالناش غير الظاهر

ربنا يرحمنا ويزيح الغمة

اللهم لا تؤاخذنا بما فعل السفهاء منا

TeVa said...

إذا كان الحكام العرب في المزبلة فحسن نصر اللات أولهم

تعرفي ليه ؟
عشان هو ليه مخططه ومش بيلعب للمصلحة

أيا كان الكلام مش المفروض يبقى كده لانه بيزيدنا فرقة

تفرغي للي تقدري تعمليه لاخوانك وبلاش نبقى احزاب على الفاضي

Anonymous said...

أهلا بكم في مدونة القاضي العربي Fabulass

مدونة بها الجديد دائماً من المواضيع المتنوعة التي ستنال إعجابكم بإذن الله .
http://fabulassworld.blogspot.com

 

The Lost Princess © 2008. Design By: SkinCorner