Tuesday, December 9, 2008

...قال عيد قال هأو



قبل العيد بيومين أعلنت اني مش هعيط ورغم ان نصايح ناس كتير كانت بتقول العكس الا اني صممت علي موقفي والتزمت بيه لحد دلوقتي ورغم ان ناس كتيييير حذروني من العواقب بس انا لسه مصممه

قبل العيد بيوم عرفت انه بيكدب عليا صدمتي فيه كانت أكبر بكتير مما ممكن أتخيل, الصدمه الأكبر انه قدر يكدب تاني وثالث لأنه مايعرفش اني عرفت الحقيقه

ليلة العيد كنت متأكده ان هي كمان عيدها باظ
بس رغم ده أنا سعيده بصداقتي ليها اللي بدأت تاخد منحني قوي

أول يوم العيد كلمتني اول ماصحيت عشان تعرفني ان مش عيدي انا بس اللي باظ من قبل مايبدأ وان عيدها هي كمان باظ من أول يوم كل اللي قلته مش كان كفايه عيدي يعني
علي كل حال الحمدلله

وانتهي اليوم باتهامي اني مكنش موقف دعم له
وساعدت في انهاء يوم سئ بنهايه أكثر سوءا

مش عارفه هو العيد جاي غريب عليا وعلي اللي حواليا انا بس ولا علي كل الناس اتمني ان عيدكم يكون أسعد

--------------------

العنوان نيك نايم للهواري

70 comments:

LAMIA MAHMOUD said...

طب وغلاوتك عيد
وكل سنة وانتي بالصحة والسلامة
عيد بس احنا نحسه ونسيبله قلبنا عشان يدخله
يا بنتي العيدة فرحة والنعمة
سعيدة بيكي

Dr Dead said...

ان شاء الله الايام اللي جايه احسن واحلي

وعيد ان شاء الله هيكون سعيد عليكي وعلي كل الناس برغم اللي حصل

blue-wave said...

انا مش فاهم حاجه بصراحه
بس عموما من يتوكل على الله فهو حسبه
كل سنه وانتى طيبه ومن غير عياط

م/ الحسيني لزومي said...

تقبل الله منا ومنكم
وكل عام وانتم بخير

No Fear said...

السلام عليكم
كل سنة و أنت طيبة
.
مش عارف أقولك أية غير كده

mahasen saber said...

اسراء برضه برغم انك بتقولى العيد باظ بس هقولك
كل عيد وانتى طيبه

بس انا مش مستوعبه كويس معلش اعذريلى سوء فهمى بس هو ده واحد بتحبيه وطلع بيخدعك وبيخدع مع صاحبتك كمان ولا ايه انا مشقادره اركز

معلش بس ده ميمنعش انى ااقولك
ان التجارب اثبتتلى ان اكبر جرح فى العالم واشدهم الما بيتنسى ولا بيبقى ليه اثار حتى ولو جرح من حد عزيز عليكى

مولان said...

لا عي دونفضي لاي حاجه تعكر صفو حياتك حتي لو في يوم عادي

هتفهمي كلامي ده بعدين لما الحياه تشيل وتحط فيكي

خليكي قويه ومتنهزميش ابدا

افرحي وانسي اي مشكله هتلاقيها اتحلت لوحدها

طمنيني عليكي

safa7_karmooz said...

ههههههههههههههههههههههههههههههه

انا وبكل فخر تانى عيد اهوة ونفس المسلسل بتاع العيد الصغير اتكرر بحذافيره ..

الفرق انى انا اللى عندى حق المرة دى

^_^

افرحى حبة انتى الخسرانة لو زعلتى كده

هابى خروف تانى :D

انا حره said...

ايه بس ياقمر مالك

يارب تكونى بخير وطمنينا عليكى

romansy said...

ليه بس كده يا اسراء
هو ايام وبتعدى
الحزن بيعدى
والفرح بيعدى

كل عيد
وتكونى سعيده

Epitaph1987 said...

برضه..متعيطيش
ومتزعليش


ارمي ورا ضهرك
واجري اوي


اجري ناحية الشمس

:)

تسـنيم said...

مفيش عيد بيبووظ... احنا بس اللي بنسمح للحاجات التافهة انها اتأثر فينا وبتبوظ علينا حياتنا



سيبك مطرح ما ترسى دقيلها على رأي فيلسوف زمانه اللي ٌأل كده

ضد التيار said...

احنا اللى نقدر نخليه سعيد او العكس

انسى يابنتى و دخلى الفرحه على قلبك و صدقينى هاتفرحى

خليكى على موقفك و فعلا بلاش عياط

و اثبتى لنفسك انك قادره انك تفرحيها

صدقينى هاتقدرى

mo5tar said...

والله الواحد ما حاسس للعيد طعم

بس يلا

كل سنة وانتى طيبة

وان شاء الله اللى جاى احسن

عايش علي الهامش said...

اتمني ميكونش كلامي قاسي نوعا
احيانا ايامنا تسوء لاننا نسئ التصرف
ربما انت الي اسات التصرف لانك منهتيش الموضوع ده من الاول
الامر كان يحتاج لكثير من الحسم والقوه لينتهي كل شئ قبل ان يبدا وعندها تشرق الشم مع اول ايام العيد شمس تختلف
تختلف كثيرا
وعلي العموم انسي الدنيا وارفعي راسك للسماء وقولي يارب العيد هكيون الذ عيد عدي عليكي

كل سنه وانت طيبه

شكرا لك اه ليكي صوره هديه عندي صورة طفله باصه للسما لو عندك خلاص لو مش عندم هبعتهلك

شكرا لك مره تانيه

شاعر سبيل said...

فيه ناس كتير لو مزعلوش ومحسوش بالقهر ميكونوش مبسوطين
يارب فرح واسعد كل الناس

mohamed ghalia said...

العيد زى ماهو بس واضح إن بس الظروف ملغبطة شوية
بإذن الله الحال يتصلح

دمتى بكل الود

الازهرى said...

اسراء
الدنيا واسعة وطول ما احنا ماشيين بنقابل ناس
منهم الكويس ومنهم الوحش
وبتصادفنا مواقف كتيرة منها السعيد ومنها الحزين
المهم اننا فى كل ده
مانفقدش نفسنا ونبحث عن ذاتنا سط الزحام
ولو قدرنا نبقى نفسنا مش ممكن حاجة تأثر فينا
وهنقدر نعيش لحظاتنا الحلوة ونحس بطعمها حتى ولو كانجوانا ل هموم الدنيا

تحياتى
وكل سنة وانت سعيدة

mo7amed mamdo7 said...

وحياتك كلة بيتنسى
وعيد لازم يكون سعيد وكل سنة وانتى طيبة

Ma 3lina said...

I guess it is us who ruin the feast :((

Diyaa' said...

زي ما قال كرموز بيه
إنتي الخسرانة لو سمحتي للزعل إنه يتمكن منك ..محدش بيتعلم ببلاش..كل سنة وإنتي أطيب ولطاعة ربنا أقرب والعيد ده رمز علي فكرة..يعني المفروض نخلي من كل أيامنا عيد لو كنا أحسن في اتخاذ الخطوات المناسبة في الوقت المناسبة
وعلي رأي لميا
العيد فرخة
سوري.فرحة :)

موجة فى بحر الحياة said...

انا كمان مش فاهمه حاجه

بس احب اقولك

اطمنى العيد مش بايظ عندك لوحدك
فيه ناس هطق زيي

بنت أبيها said...

كل سنة وانتي طيبة

العيد اربع ايام

يوم كان سئ خلي الايام الباقية تكون كويسة

ودي حاجة بايدك

جمعاوي صاحب "عيادة أسنان" said...

السلام عليكم
ارمى بقى اللى عات وربنا يسر لكى فيما هو قادم اختى الغالية
اعانكى الله
ورغم كل شيء كل عام وانتى بخير و
(`'•.¸ (`'•.¸*¤* ¸.•'´) ¸.•'´)
♥*** عيدكم سعيد ***♥
***** عليكم*******
***والعيد الجاى***
**بالأقصى**
(¸.•'´ (¸.•'´*¤* `'•.¸) `'•.¸)
ويلا سلام

مـجـنـووون said...

والله لو الدموع هتريحك يبقي متمنعهاش


ومش غلط أن الواحد يعيط بس الغلط أن العياط يدخله حالة يئس وحزن

فكري كويس وحللي المواقف علي بتحصلك وأن شاء الله هتلاقي حل ليها


ونصيحه مفيش حاجه في الدنيا دي تستاهل تعيطي عليها

تقبلي مروري
مجنووون

esraa said...

LAMIA MAHMOUD:

طالما حلفتي بغلاوتي يبقي لازم أصدق

وانتي طيبه وسعيده ياليمي

حاضر هحاول اسيبهوله
مصدقاكي ياستي من غير حلفان

أنا أسعد والله ياليمي

esraa said...

Dr Dead:

ان شاء الله

يارب

esraa said...

blue-wave:

ونعم بالله

وانت طيب من غير عياط

esraa said...

م/ الحسيني لزومي:

يارب أمين

وانت بخير

esraa said...

No Fear:

وعليكم السلام ورحمة الله وبركاته

ماهو كده كفايه وحلو اوي

esraa said...

mahasen saber:

وانت طيبه ياجميله

لأ مفيش حب خالص
هو المفروض انه صديق قريب مني اوي
وعشان كده انا مصدومه في اللي حصل

ميرسي علي النصيحه ياجميله

esraa said...

مولان:

مش كل الحاجات بينفع ننفضلها

هو انا فعلا فاهماه ماتقلقيش

انا كويسه ماتقلقيش ياجميله

esraa said...

safa7_karmooz:

طب الحمدلله انك عندك حق

حاضر

هابي خروف ليك انت كمان

Dr Ibrahim samaha said...

كل سنة وحضرتك بصحة وخير وسعادة

بس سيبى العيد وليلة العيد فى حالهم:)

د إبراهيم

عـلا - من غـزة said...

انا كمان عيدي في حد خربلي اياه
في ليلة العيد الساعة 2 بالليل :)
شفتي الافترا

آلاء said...

سلام عليكم

كل عام و أنت بخير...

هذا هو مروري الأول على دياركم الرائعة...

على فكرة... من قراءتي لكلماتك المتناثرة في المدونة ... حسيت أد إيه أنت إنسانة رقيقة وحساسة... عشان كدة بتتصدمي بسرعة... حاولي تنسي و تفكري في اللي جاي و ثقي أن بكرة هايكون أفضل...

رغم أن العيد مر خلاص... لكن... كل سنة و أنت طيبة يا جميل...

آلاء

يا مراكبي said...

هي الحياة كده وفيها من ده كتير .. المهم ما نبصش لوراؤ ودايما دايما نبص لقدام

MaGn0liA said...

انا كمان لاسف مش حسيت بالعيد

و معلش

ربنا يفك كربك

رجل من غمار الموالى said...

عيد مبارك

Hamed Ibrahim said...

عيد بأي حال عدت يا عيد
!!

SemSem said...

كل سنه وانتى طيبه

ويارب الايام الجاية تكون احسن واحسن باذن الله

العراف said...

اكبر واصعب حاجه فى الدنيا هيا الكدب لا يوجد حب بداخله كدب واللى يكدب فى الاول يكدب فى الاخر اعرفى طريقك وامشى فيه واوعى لتوهى وخلى بالك هيقابلك مطبات كتير استحملى وعيشى اهون عليكى من عيشه مليانه كدب وخداع ياريت تكونى فهمانى وكل سنه وانت اسعد الناس ومعلش انا اسف على تاخيرى اتاخرت قوى
تحياتى
العراف

esraa said...

انا حره:

انا تماموز
لا تقلقي ياجميله

كانو يومين وراحو لحالهم

esraa said...

romansy:

صح هي كانت أيام والحمدلله عدت

وانت سعيد
(:

esraa said...

Epitaph1987:

مانا ماعيطش اهو

خلاص جريت
(:

esraa said...

تسـنيم:

والله مش كلها بتبقي تافهه
بس اكيد احنا اللي بنسمحلها انها تأثر فينا

مين اللي قال كده؟
أكيد حد جامد
بس مش أوي
(:

esraa said...

ضد التيار:

هو احنا اللي بنسمح للمواقف انها تأثر فينا أو العكس

حاضر
(:

خلاص هي بقت كويسه ومبسوطه
(:

esraa said...

mo5tar:

يارب دلوقتي يكون بقي في عندك طعم

وانت طيب

ان شاء الله

esraa said...

عايش علي الهامش:

موضوع ايه بالظبط اللي انا مانهتهوش من الاول

هو كل موقف مالوش اي علاقه بالتاني وكل حاجه بتخص حد مختلف

وانت طيب

الصوره لأ مش عندي

ياريت فعلا توصلهالي
(:

esraa said...

شاعر سبيل:

ههههههههههه

لا والله انا مش منهم

أمين يارب

esraa said...

mohamed ghalia:

الحمدلله اتصلح

ربنا يخليك

esraa said...

الازهرى:

نعم
(:

كلامك صح

وانت سعيد

esraa said...

mo7amed mamdo7:

اه والله
(:

وانت طيب وسعيد

esraa said...

Ma 3lina:

يعني العيب فينا احنا ولا ايه
://

esraa said...

Diyaa':

يارب أمين

ههههههههه
اها
فرحه

esraa said...

موجة فى بحر الحياة:

ان شاء الله العيد الجاي يبقي احلي واجمل

ربنا معاكي ويسعدك
(:

esraa said...

بنت أبيها:

وانتي طيبه

ماتفكرنيش باللي حصل بعد كده بقي

هي فعلا بايدي

بس مش كله والله

esraa said...

جمعاوي صاحب "عيادة أسنان":

وعليكم السلام ورحمة الله وبركاته

وانت بخير

ويارب يكون عيدك كان أسعد

يارب أمين

esraa said...

مـجـنـووون:

مممممممممممم
مش عارفه

هو ممكن فعلا تكون مفيش حاجه تستاهل

esraa said...

Dr Ibrahim samaha:

وانت بخير وصحة وسعاده

حاضر
(:

esraa said...

عـلا - من غـزة:

حتي بروكسل ياربي

معلش يابنتي الناس مقدروش انك في غربه

معلش ياجميله

حقك عليا انا

esraa said...

آلاء:

وعليكم السلام ورحمة الله وبركاته

يسعدني جدا انها عجبتك

ربنا يخليكي بجد

وانتي اطيب واجمل

esraa said...

يا مراكبي:

اها هي فعلا فيها وفيها

حاضر
(:

esraa said...

MaGn0liA:

ان شاء الله العيد الجاي يبقي أحلي

وانتي كمان ياجميله

esraa said...

رجل من غمار الموالى:

لأ
مبارك لأ ربنا يخليك
مشيها سعيد
ماشي؟

samamasr said...

مش عارفة,أتمنى كل أعيادك وأيامك إنها تكون سعيدة,لأني بحبك في الله

يارب تشوفي دايما...دموع الفرح يا إسراء:)


أختك في الله إيمان:)

esraa said...

Hamed Ibrahim:

والله مانا عارفه

esraa said...

SemSem:

وانت طيب

يارب أمين

esraa said...

العراف:

هو ان افاهماك

بس مش عارفه
شكلك انت مافهمتنيش
(:
وانت سعيد

ولا يهمك

esraa said...

samamasr:

أحبك الذي أحببتيني فيه

يارب أمين
وانتي كمان
(:

 

The Lost Princess © 2008. Design By: SkinCorner