Friday, October 31, 2008

...بتفرج وبس


لأول مره أحس اني واقفه في نص الطريق ومش عارفه أمشي في أنهي اتجاه

دايما كنت عارفه الخطوه اللي عايزاها بعد كده ايه؟

دلوقتي لما حد بيسألني وهتعملي ايه؟ بقول معرفش أنا حاليا واقفه أتفرج, بتفرج وبس


يارب إشارة

68 comments:

mo5tar said...

على كده احنا وقفين من زمان
^__*

الازهرى said...

صديقتى العزيزة

لا اعرف ان كان تواردا للخواطر ام انه شعور عام
فانا ايضا اعيش حيرة تامة هذه الايام
حتى اننى اخذت اجازة لاستجمع شتات نفسى وارسم خطوط المستقبل من جديد

تحياتى

mohamed ghalia said...

ادعى ربنا واستخيريه
وتوكلى على الله
بالتوفيق ليكى دايما
ربنا يسعدك

Al Azif said...

السلام عليكم

إشارة ؟!!

للأسف مفيش إشارات

إذا عجز عقلك عن الاختيار فاختاري الطريق بقلبك
و اذا عجز قلبك فاتركي كل الطرق و شقي لنفسك طريقا خاصا

لا أضمن أنك ستصلين به و لكنه طريق لا حيرة فيه

و قد يكون كل كلامي محض تخريف
فلا تبالين

مدونة جميلة أحييكي عليها
:)
السلام عليكم

تسـنيم said...

متستنيش إشارات... مش بس علشان ساعات بتتأخر لأ علشان ساعات كتير بتشتتنا ومبنفهمهاش صح.. وفي الأخر بنفسرها على هوانا وبنعمل اللي احنا عايزينه برضه... إلا لو عايزاها كمبرر او شماعة ترجعي تعلقي عليها اختيارك لأمــر دون الأخــر



صدقيني دي نصيحة.. واسأل مجرب :)

هوندا said...

مينفعش اننا نقف ونتفرج لأن الاشارة بردو مش هتيجى واحنا واقفين
اسعى وربنا ههيوفقك

كـــيــــــــارا said...

شوفي انتي بتحلمي توصلي لايه


وفكري تنفذيه ازاي

ضد التيار said...

بقولك ايه خدينى جنيك بدل ماانا واقفه اتفرج لوحدى

)):

Angel said...

ربنا يهديكى للطريق الصح يا اسراء وربنا معاكى ان شاء الله

blue-wave said...

ومن يتق الله يجعل له مخرجا
صدق الله العظيم

انا حره said...

ربنا ينورلك طريقك يااسراء ويهديكى للحاجه اللى فيها خير ليكى ياقمر

آلام وآمال said...

طالما قلتي يارب
متقلقيش

وان شاء الله خير
:)

dandana said...

مهم أوى إن الأمل يفضل جوانا

No Fear said...

السلام عليكم
ربنا يوفقك و يهديكي للخير إن شاء الله

عايش علي الهامش said...

كل انسان بيتعرض للحظات دي
زي ما بيقولوا بيكون شطب بنزين ومحتاج يشحن
عشان كده عقله مش بيفقد الطريق او الخطوه لا بيتوقف عن العمل جربي كده هتلاقي انك مش عارفه تفكري في اي حاجه خالص من الاخر محتاجه اجازه روحي شاطئ الريفيرا ولا سويسرا اتفسحي وتعالي قال يعني بقي رجال اعمال وكده
اصبري وفي وقت قصير او ما البنزين يكمل وطبعا مش هيكمل غير لما يرخص وهو غالبا مش هيرخص تاني بس المهم خير ان شاء الله وكله هيعدي والطريق هيرجع ينور تاني


شكرا لك

son's egypt said...

السلام عليكم
كتير منا بيعيش اوقات حيرة مش عارف هو عاوز ايه بالضبط
بس لما الواحد يفكر كويس ويحدد فعلا هو عاوز ايه الحيرة ديه بتروح تماما
لانها دايما بتكون حيرة وقتيه

esraa said...

mo5tar:

الموضوع بيطول يعني ولا ايه؟

esraa said...

الازهرى:

دي تبقي حاجه ماشيه في الجو بقي

أتمني اننا نعدي الحاله دي بسرعه

esraa said...

mohamed ghalia:

(:
يارب

romansy said...

اسراء
احيانا يحتاج الانسان للوقت الكافى الذى يستطيع ان يفكر فيه ليتخد خطوه سليمه يستطيع تكمله المشوار بها
فانتظرى
فما زال الوقت امامك

~*§¦§ Appy §¦§*~ said...

هتيجى
بس اصبرى وانسى شويه وهتلاقيها قدامك

صابر وراضى said...

وعليكم السلاااااااام
طيب اقفى على جنب الطريق واتفرجى براحتك
وخلى بالك من السيارات

La RoSe said...

السلام عليكم

أزيك يا إسراء؟

أنا أوقات كتير أوي بمر بنفس الحالة ،وبرضو بفضل أدعي ربنا كتير وأقول يارب إشارة ،
حاجة واحدة بس تقولي إني ماشية صح في الطريق اللي اخترته

لكن أنا مقتنعة ومؤمنة تماما إن أفضل معلم لأي بني آدم هو التجريب ،لازم نجرب ونغلط عشان نتعلم وناخد الخبرة اللازمة اللي تخلينا أما نقف في نص الطريق تاني نعرف نختار ،عشان كده ماتستنيش إشارات ،صلي استخارة واتكلي على الله وخليكي واثقة في إن كله خير في النهاية حتى لو اكتشفتي بعد كده إنك مشيتي سكة غلط فأكيد كان فيها خير بشكل أو بآخر وإلا كان ربنا جنبك مشيها من البداية... اتكلي على الله ومش هيضيعك أبداً

تحياتي لكي وربنا يوفقك يارب

بسنت said...

احيان كتيره بتضيع مننا الخريطه
وبيتوه مننا الضوء
بس بالامل كل الاشارات بتبان
بس لما نفتح عنينا كويس
لاى حقيقه مش شايفينها او مش عايزين نشوفها
دمتى بخير

esraa said...

Al Azif:

لأ في

ماهو لما توصل لانك مش عارف انت عايز انهي طريق فيهم بالظبط
تبقي ساعتها محتاج اي اشاره علي الطريق اللي المفروض تمشيه

مفيش كلام تخاريف

اراء الناس كنوز

نورتني
(:

wafaa said...

هو التوهان ماشى ف البلد اليومين دول ولا ايه ؟
ناس كتير واقفة تتفرج على حالها ومش عارفة تعمل ايه ولا حتى عارفة تفكر انها تعمل حاجة
استخيرى ربنا , وان شاء الله هيوفقك للخير
وان لم يكن قولى الهم لا اعتراض وخليكى واقفة . ممكن تكون هدنة تفكير

esraa said...

تسـنيم:

ممكن مافهمهاش صح او احللها علي هوايا لو انا عاجبني طريق اكتر من بقيت الطرق

لكن ده مش حاصل

وبناء عليه انا موقفي حيادي تماما

esraa said...

هوندا:

طب أسعي علي ايه بالظبط؟

ماهي دي المشكله

esraa said...

كـــيــــــــارا:

ممكن

esraa said...

ضد التيار:

بس كده؟

تعالي ياحبيبتي

esraa said...

Angel:

يارب أمين

esraa said...

blue-wave:

(:

صدق الله العظيم

esraa said...

انا حره:

يارب أمين

esraa said...

آلام وآمال:

مش كده بردو يامحمود
(:

esraa said...

dandana:

هو فعلا مهم
(:

esraa said...

No Fear:

وعليكم السلام ورحمة الله وبركاته

ويوفقك انت كمان يارب

esraa said...

عايش علي الهامش:

هههههههههههههه

هو انا فعلا محتاجه شحن

انا اخدت بالي من فتره

بس مش عارفه مش بشحن ليه
كل يوم أقول بكره
):

esraa said...

son's egypt:

يارب بس وقتها مايطولش

esraa said...

romansy:

صح هو الوقت فعلا لسه موجود

بس انا اللي كده بحب اوصل للنتايج بسرعه

معرفش ليه بحب أجيب من الاخر

esraa said...

~*§¦§ Appy §¦§*~:

انتي شايفه كده يعني

حاضر
(:

esraa said...

صابر وراضى:

ههههههههههه

حاضر

وهبص علي السكه كمان قبل ماعدي

esraa said...

La RoSe:

وعليكم السلام ورحمة الله وبركاته

أكيد التجربه محدش بيطلع منها خسران

بس انا حتي مش عارفه أجرب في انهي اتجاه

وماينفعش اني اجرب في طريقين متضادين في نفس الوقت

نورتيني
(:

esraa said...

بسنت:

المفروض فعلا نفتح عنينا كويس

esraa said...

wafaa:

شكلها حاجه ماشيه في الجو

فعلا ممكن تكون هدنه

مين يعرف؟

حزينه said...

ربنا يهيدكى للطريق الصح
فعلا بتبقى حيرة


حزينه

Miss. Sosa said...

ما تستنيش اشارات
اقعدي حددي انتي عايزة ايه وحددي اهداف جديدة لحياتك علشان تعيشي علشانها

وربنا يفتح لك الابواب المقفولة

mohamed ghalia said...

أختى العزيزة
ليكى تاج عندى ياريت تقبليه وتجاوبى عليه
تحياتى
فى إنتظار إجاباتك الرائعة

esraa said...

حزينه:

هي فعلا حيره

يارب أمين

esraa said...

Miss. Sosa:

ماهي المشكله في تحديد انتي عايزه ايه دي

أمين يارب

esraa said...

mohamed ghalia:

ههههههه

يعني انا لما جيت عندك وشفت اسمي علقت علي البوست وعملت عبيطه علي التاج

بتحطني قدام الامر الواقع يعني

ماشي ياسيدي
(:

mahasen saber said...

خليها وقفه لاعادةالحسابات وترتيب الافكار وترجعى من الوقفه دى اسرع من الصاروخ
ربنا يوفقك ويصلحلك كل الاحوال

اقصوصه said...

اعتبري نفسك ماخذه بريك

استراحة محارب:)

Ma 3lina said...

ادعى كتير و صلى استخارة كتير و ان شاء الله ربنا يوفقك للطريق الصحيح

maioya said...

روحي الطريق اللي انتي حسه بيه
وتوكلي علي الله
مش تستني اشارات

شفقة هانم واحسان بك said...

اعملى الخطوة اللى تقدرى عليها بس فكرى كويس قبل ما تتخذى اى قرار

mo5tar said...

غالباً بيطول
اعملى حسابك فى اكل بقى
هههههههههه

mahasen saber said...

ايه ياجميله لسه واقفه
امشى بئه صدقينى الحياه تستاهل الجرى فيها حتى ولو زى المجانيين
..........

سمكه وحده said...

طب اوعي اوعي كده هو انتي واخده الشباك كله لحسابك تعالي كده شويه خليني اتفرج معاكي متبقيش كده ياساتر
والله بيجي علي الواحد وقت ميعرفش يعمل حاجه غير انه يتفرج

استغفري كتير وسبيها علي علي الله ربنا يفك كربك وكربي وكل المسلمين
تحياتي

esraa said...

mahasen saber:

حاضر
أميني ارب
(:

esraa said...

اقصوصه:

طب ومين اللي هيحارب؟

esraa said...

Ma 3lina:

ان شاء الله

esraa said...

maioya:

ماهي المشكله في اللي حاسه بيه دي
):

esraa said...

شفقة هانم واحسان بك:

مانا بفكر والله
(:

esraa said...

mo5tar:

هههههههههههه
ماشي

esraa said...

mahasen saber:

لأ هي لو زي المجانين تبقي بسيطه
(:

esraa said...

سمكه وحده:

هههههههه

تعالي اتفرجي براحتك

ده حتي نونس بعض

يارب أمين

نورتيني
(:

TeVa said...

بس متتفرجيش كتير

ربنا معاكي ويهديك لطريق السليم

ادعيه وهو معاكي دايما

تحيتي :)

esraa said...

TeVa:

يارب أمين

 

The Lost Princess © 2008. Design By: SkinCorner