Thursday, October 9, 2008

...ملهمها


أخبرتها الممرضه أن هناك شخص ينتظر الدخول, وأنه رفض تعريف نفسه إلا من كونه صديق قديم

فسمحت لها بأن تدخله
عندما مر من الباب شعرت بأن الزمان يسير للخلف مع كل خطوه يخطوها
سألها عن أحوالها , وأخبرها أنه رفض تعريف نفسه خشية ألا تقابله, ابتسمت له ولم تجبه
هنائها علي نجاحها الباهر فشكرته علي ذلك
أخبرها أنه سعيد لأنها أصبحت إحدي أشهر أطباء جراحة القلوب, ونادرا مايخلو مؤتمر عن أمراض القلب من ذكر اسمها رغم صغر سنها
قال لابد أنها تمتلك هدفا واضح تريد أن تصبو إليه وعزيمة قوية لكي تصل إلي تلك المكانة في هذه المده القصيرة
سألها إن كانت فكرت في هذا التخصص عندما كانا معا؟
فهمت من سؤاله أنه يريد أن يعلم إن كان هو ملهمها وسبب نجاحها فهو دائما ماكان , وأن ذلك هو سبب الزيارة الحقيقي
لكنها لم تجبه عن معني السؤال وأجابته عن الصيغه
أخبرته أنها لم تقرر ذلك, بل أنها لم تفكر فيه إلا بعد إنفصاله عنها
ابتسم فلمحت خيبة الأمل تطل من عينيه وتمني لها التوفيق ثم غادرها
أرادت ان تستوقفه لتخبره أنه هو ملهمها وسر نجاحها , فقلد قررت مداواة القلوب المريضه عندما منحها هو قلب مجروح , ولكنها تراجعت في اللحظه الأخيره
تمت

54 comments:

wafaa said...

نفسى اقولك كويس انه داق طعم الالم اللى هيا عاشت بيه حياتها
وكمان ليه يكملوا الاتنين حياتهم معذبين ف البعد ؟؟
بس هوا رجع ليه ؟؟
وكان م الاول مشى ليه ؟؟
لأ .. كويس انها قالت كده

كيارا said...

فلقد قررت مداواة القلوب المريضه عندما منحها هو قلب مجروح , ولكنها تراجعت في اللحظه الأخيره

-------

عاوز يكون سبب كل حاجه وانت اصلا جارحها

مش عارفه اقول ايه ...

momken said...

ما اجمل ان يجعل الله لحظات الاخفاق هى التجارب التى تسبق مرات النجاح

فلاولا العديد من التجارب الفاشله من توصلنا الى النظريه العظيمه جدا

والي بطلتك اقول
لا تكسرى ابداً كل الجسور مع من تحبين

فربما شاءت الأقدار لكما يوماً لقاء يوماً آخر

يعيد مامضى
ويصل مانقطع..
.فإذا كان العمر الجميل قد رحل

فمن يدري ربما انتظرك عمر أجمل

تحياتى

catroz said...

عاجبانى اوى و عاجبنى بساطتها اكتر
معناها جميل
اهم حاجه انها مش ضعفت قدامه
و سابته يعود الى حيث ما كان خاوى اليدين

:)

هانى علوان said...

يعنى شعر وقصه فقصيره بجد انت موهوب
كل سنه وانت طيب يا محمد

Baher said...

:)
جميل قوى انها ماقالتلوش
احسن
عشان يحس بالألم اللى سببهولها

دايما كتابتك فى تقدم
تحياتى

romansy said...

ياريتها كانت قالت له
ممكن صحيح يكون فى كبرياء فى الحب

بس بيدوب بمجرد نظره من الحبيب

حواديتك جميله
اسعدينا بيها دايما

ضد التيار said...

راجع بعد الجرح ليه؟؟

عشان يعرف انه هو ملهمها ويرضى غروره وبس

كويس انها اكتفت بالصمت و ماقلتش

ojg said...

ليه لأ؟؟
كان ممكن
رجع وندمان
يبقى مايكملوش ليه؟
اتعودت خلاص على بعده؟؟
ولا عايزة تدوقه من نفس الكاس؟؟
مش عارفه
بس انا اعرف ان الجراحين قلبهم جامد
:(((

الازهرى said...

عزيزتى


لا اعرف ماذا اقول
فلو جاء لمجرد ان يثبت لنفسه انك ما زلت لا تتحركين الا به فليذهب الى حيث القت

ولو جاء نادما فمن الحب ان تقبليه
فان ذهب فستندمين ما بقى لك من العمر
والحب غفران
وهناك من هو على استعداد ليركع تحت قدميها لو تعود
فلا تضيعى الفرصة ان كانت متاحة

تحياتى

Anonymous said...

gamda awy ya Ro2a yalla Tc
Ahmad3tkh®

sherif gharib said...

القصه معبره فى ظروفها و ابعادها لكنى لا اعلم لماذا دائما يكون الجرح هو بدايه التمرد
و لماذا يكون الالم هو اولى خطوات النجاح
لا اظنه قد اتى ليعلم فقط انه هو ملهمها الابعاد اكير بكثير
و لماذا اغفلتى طريقه هو
اين سار و كيف مضى
و هل اتى من نابع الندم ام من نافع الحنين
و لماذا اتى الحنين بعد لحظات النجاح
كلها اسئله بلا اجابات
تعلمين لماذا
لانها ترتيبات تقديريه و قدريه فى نفس الان
تقبلى تحياتى و مرورى

No Fear said...

السلام عليكم
جميلة

mahasen saber said...

القصه برغم صغرها انما تحمل معانى جميله قوى قوى
واكتر ما عجبنى فيها قوتها وانها مش ضعفت قدامه ...
اسلوبك حلو وبسيط قوى...
البساطه الحلوه يعنى..

Bob said...

يسلم المخ اللى كتبها

احسن حاجة انى فى الاخر انها ماستسلمشى لقلبها
بهاء

esraa said...

wafaa:

هو مشي ليه أنا فعلا ماعرفش
(:

والسبب الحقيقي لرجوعه انا معرفوش

أنا أعرف بس وجهة نظر بطلة القصه لأني كتبتها من خلالها
(:

بس أعتقد ان مكنش السبب الوحيد انه يتأكد انه لسه سبب نجاحها
أعتقد انه خاف ليكون في حد تاني اخد مكانه

esraa said...

كيارا:

هم كده أنانين هنعمل ايه بس
(:

esraa said...

momken:

كل حاجه بتحصل بيكون ليها سبب, وفي حكمه وراها
مفيش حاجه بتحصل عبث كده يعني

مش يمكن هو اللي كسرها؟

esraa said...

catroz:

يسعدني انها عجبتك ياجميله
(:

اها هي ماضعفتش
بس مين عارف لو رجع تاني ايه اللي هيحصل؟

esraa said...

هانى علوان:

هو أنا بكتب قصص أه
لكن شعر لأ

واضح ان محمد هو اللي بيكتب الشعر

لكن أنا إسراء
(:

esraa said...

Baher:

ومش يمكن ماتألمش؟

ربنا يخليك
(:

esraa said...

romansy:

وافرض بقي هو مكنش بيسأل عشان ندمان؟
ولا عشانه عايز يرجع؟

بيرضي غروره مثلا
او عايز يتأكد ان مفيش حد غيره أخد مكانه

ربنا يخليك
(:

esraa said...

ضد التيار:

ماهي كمان كان رأيها كده

بس الله أعلم ايه اللي ممكن يحصل لو رجع تاني؟

esraa said...

ojg:

لأ السبب مش في الجراحه

السبب في الجراح

esraa said...

الازهرى:

هو مقالش هو جه ليه؟
قال انه جاي يباركلها
وهي جاوبت علي السؤال اللي سأله

esraa said...

Ahmad3tkh®:

مبسوطه جداااااااااا انها عجبتك ياباشا
((((((((:

الازهرى said...

صديقتى العزيزة

ليس الكلام هو الوسيلة الوحيدة للمعرفه
فهناك من الاشياء التى تعرف بمجرد الرؤية
كما ان الكلام كثيرا ما يخالف الواقع
وهنا تأتى الغريزة التى نادرا ما تخطىء

تحياتى

فارس القمر said...

السلام عليكم

هقولوا ايه اللى رجعك تانى
راجع بقلب مجروج

كويس انها تراجعت بدل ماكنت تكرر نفس اللى حصل وبيسلها تانى

كدا احسن حاجه انها ماقلتلوش حاجه

تقبلى مرورى

آلام وآمال said...

صدق اللي قال
الحب بهدلة

اه والله

mohamed ghalia said...

قصة رائعة
حقا كيف تداوى القلوب المريضة ولا تستطيع أن تداوى قلب حبيبها
أو من الممكن أن يكون قلبها هو من يحتاج للعلاج
تقبل تحياتى

ba7re said...

مش عارف يمكن رأى يكون مختلف
انا شايف ان الحب اكبر بكتير من كل حاجة
و من رأيى انه مش بيموت
و هى انتصرت لكبريائها
و لكن ستعانى كثير ا من اثار هذه الحب

التعبير عن الحب لا يعنى التنازل عن الكرامة

تحياتى
و قصة جميلة جدا
سلام :)

أونكل عزت said...

حلوه بجد أنتى موهوبه

son's egypt said...

السلام عليكم
كثير من الاحيان يندم الشخص علي اشياء بعد فوات الاوان

عاشقة الوطن said...

السلام عليكم

ازيك يااسراء ياقمر

القصة فعلا فيها نوع من الالم الظاهرى والخفي
المه هو فى الاخر وهو الالم الظاهر والمها هى اللى كان من زمن هو المها الخفي

قصة حلوة
تحياتى ليكى وشكرا على القصة

سلااااام ياجميل

كراكيب عادل said...

بس هي لسة بتحبة ودة معناة مزيد من الالم

يعني لازم تعالج قلبها هي الاول وحالا تعمل لة انعاش

esraa said...

sherif gharib:

بيكون بداية التمرد لما بيوجع بجد

هو انا كتبتها من وجهة نظرها هي

بس انت فعلا اوحتي بفكرة اني اكتب عن حد بعد وانه مكنش مبسوط في ده او تعب

يالا ياسيدي شكرا علي الفكره
(:

ربنا يخليك
ونورتني
(:

esraa said...

No Fear:

وعليكم السلام ورحمة الله وبركاته

انت أجمل

ربنا يسعدك يارب

esraa said...

mahasen saber:

ربنا يخليكي ياجميله

لأ ده انا بطلاتي جامدين اوي ويعجبوكي
(:

esraa said...

Bob:

الله يسلمك

مش كده بردو؟

esraa said...

الازهرى:

صح

بس الكلام هي الحاجه الوحيده اللي نحاسب بيها اللي قدامك

يعني لو انت متأكد مليون في الميه ان كذا بيحبك

بس هو بيقول لأ

تبقي لأ بتاعته هي اللي هتمشي حتي لو هو نفسه عارف انه غلط

وهي مكنش ينفع تجاوب عن حاجه هو مقالهاش

esraa said...

فارس القمر:

وعليكم السلام ورحمة الله وبركاته

أها كان لازم تتعلم من أخطائها بقي

مش هتفضل عبيطه علي طول

نورتني
(:

esraa said...

آلام وآمال:

جبت من الأخر والله انت يامحمود

esraa said...

mohamed ghalia:

ربنا يخليك

أعتقد انه قلبهم هم الاتنين

esraa said...

ba7re:

هو أكيد الحب اكبر من أي حاجه
أنا بتفق معاك تماما في ده

بس يمكن لما هو قلل من الحب ده وجرحها
هي ماقدرتش غير انها تردهاله باللي قدرت عليه

هي كده كده بتعاني

ربنا يخليك
(:

esraa said...

أونكل عزت:

ربنا يخليك
(:

esraa said...

son's egypt:

وعليكم السلام ورحمة الله وبركاته

أهي هي بعد فوات الاوان دي

بس ده مايمنعش ان في حاجات اوانها مش بيفوت

esraa said...

عاشقة الوطن:

ازيك انتي يارودي

اها هي من جهة فيها ألم فهي فيها ألم
(:

انتي أحلي ياجميله

esraa said...

كراكيب عادل:

للأسف أه

ماهي لو كانت بطلت تحبه مكنش فرق معاها زيارته ولا كلامه وكانت قالتله ان هو السبب عادي خالص

طب تعمل الانعاش ده ازاي؟
(:

كراكيب عادل said...

الانعاش بالحب والورد وريحة الياسمين

حياة جديدة علشان تعرف تستمر

انا حره said...

احسن حاجه عملتها والله انها مريحتوش وارضت غروره اللى جاى يرضيه على حساب جرحها

esraa said...

كراكيب عادل:

ايه الانعاش الحلو ده
(:

خلاص انا موافقه

esraa said...

انا حره:

هي بردو قالت كده

نورتيني
(:

خواطر ليست عابرة said...

قصة حركت مشاعري وانفعل لها ومعها عقلي فاذا بالخواطر ترد علي ذهن أضناه طول التفكير في علاقة شبيهة انتهت بصداقة أدعي للدوام وأبقي للوئام كنت أنا أحد طرفيها
- قد تداوي تصارح الاثنين مع بعضهما وفضفضة كلاهما للآخر ذلك القلب المجروح.
وقد تكون الصداقة بينهما أسمي من علاقة الغرام.
هذه القصة الرائعة تذكرني بقصة ألفتها ونشرتها علي مدونتي اسمها (قلب لؤلؤة)

أحمد سلامــة said...

حلوة
قصيرة جدا بس مسلية بسرعه
وكمان عنوان جميل
تسلم يدك

 

The Lost Princess © 2008. Design By: SkinCorner