Saturday, August 18, 2007

..أمشي بعيد


أحيانا بحس ان أنا عايزه أمشي
عايزه أسيب كل شئ وكل الناس اللي أعرفهم ورايا
معرفش ببقي عايزه أرجع تاني ولالأ
لكن المهم اني أمشي, أمشي بعيد اوووي
أحيانا تانيه بكون راضيه بوجودي هنا حتي لو مكنتش سعيده بيه, وبقول ماينفعش اني أمشي, عشان حرام عليا, وهيزعلوا عليا
لكن برجع أقول ان مفيش زعل بيدوم وان مسيرهم هينسوا ومش هيفتكروا حتي ان أنا كنت موجوده هنا في يوم من الأيام
عايزه أروح بعيد أووي, يمكن هناك أقدر ألاقي مكاني, ويمكن ألاقيهم هناك, بس هناك يكونوا أحسن بكتير من هنا
أحيانا تانيه بكون مش عايزه أمشي, بحس ان كده كفايه واني لازم أروّح , لكني بفضل هنا ومش بروّح, رغم اني بتخير بين بقائي ومرواحي خالص, الا اني بختار بقائي عشان بخاف لمرواحي يجرحهم حتي لو كان وجودي بيجرحني انا





أنا عارفه ان كلامي ده هيضايقك, وانك هتزعل لما تعرف اني عايزه أسيب كل الناس اللي أعرفهم ورايا وأمشي, لكن انت مش من الناس, انت من نفسي, وحتي لو مكنتش معايا فأكيد هتكون هناك معايا

54 comments:

:: سبارتكوس :: said...

انا تعبت يا بنتى .. كفايه كده واركزى
وبطلى خيلة

hend said...

عادى كلنا بتجلنا فترات بنحس فيها بحاجات زى كده المهم انك تتخطيها بسرعة

No Fear said...

السلام عليكم
و الله بجد الدنيا حلوة قوي
حاولي تتعبي في الحياة هتلاقي نفسك سعيدة إن شاء الله من غير ما تمشي
طيب ما دام في ناس هتزعل عليكي لما تمشي بتفكري تمشي ليه أصلا

Mony The Angel said...

kan momken t2ooly..
a7ianan bakta2eb
kant hatsahel al omoor awe wetwafar 3aleeky alkalam :)
hope u feel much better now (F)

جـيـداء said...

كلنا بيجيلنا فترات بنحس بكدة
و بنحس ان احنا عاوزين نبعد و نمشى
من فترة قريبة كان بيراودنى احساس بانى نفسى اتحلل و يبقى ماليش وجود
بس الحمد لله حاليا الشعور ده اختفى جزئيا

ما تقلقيش شدة و هتزول :)

علوة said...

أنا أسف جدا لعدم التعليق على الموضوع
بس انا عايز منكوا خدمة يا جماعة
يا ريت تدخلوا البلوج بتاعي وتشوفوا الموضوع بالظبط
أنا أسف تاني لعدم التعليق بس انا معتمد على إننا اصحاب
أرجو انكوا تيجوا عندي أول م تقروا الكلام ده

أحمد عيسي said...

ش يمكن عايزة تمشي وتروحي بعيد وتبعدي..عشان تبقي معاه؟؟
فعلا يابخت اللي له واحد يقدر يغنيه عن العالم كله

Ma-3lina said...

يعنى هتمشى و لا هتقعدى

اختارى حاجة منهم مينفعش كده

غلبتينا معاكى


المهم تبقى مع نفسك على طول و فهماها كويس

abo salah said...

مدونتك من المدونات اللي بحبها و بتابعها ، وبعد ما قررت الدخول لعالم التوين يهمني رأيك في مدونتي زي ميهمني أراء عمالقة و قدامي المدونين

The Groom said...


جميل أن يبتعد الانسان فترة من الزمان

يستعيد فيها كل شيء

أما عن ذلك الذي مهما ابتعدت فهو في قلبك فيالحظه السعيد

لكل انسان منا محظوظ بحبنا له

ادام الله علينا الحب

تحياتي لك من كايرو البلد

Mohamed A. Ghaffar said...

انا عاوز اروح زار

dead man said...

تبدو لحظات التفكير في أنهم سوف ينسون.. وان حياتهم ستكتمل كما لو كنا لم نوجد يوما هي أعتى لحظات الحزن الذي يعصر القلب فتندفع منه الدموع دما

Meekness !!! said...

السلام عليكي يا اسراء
سعات يا سوسو بتيجي للواحد حالات غريبه كده
زي ما يجيله شعور انه عايز يسيب الدنيا و يمشي

انا اوافقك الراي يا قمر
غادري معه
ربنا يوفقك و كلامك غامض و حلو و انا بحب الغمووض
سلام زيزي

3abersabil said...

المشي هو الحل
اذا الناسلم يفموك اما اذا نسيوكى فالفرار هو البديل

yousef said...

عارفه يا ساسو احساسك ده انا بحسه كل مره اشوفها فيها ببقا خايف اروّح وفى نفس الوقت مينفعش اقعد
احلى حاجه فى الدنيا الحب الصادق
بس نصيحه متفضليش فير مع اللى يستاهلك سواء اهلك او غيرهم
مستنيكى تعقبى عالبوست الجديد اول واحده كالمعتاد
regards

علوة said...

عندما يصل بك التعب من الناس وتتمنى الرحيل
إغرق وسطهم
فلن تستطيع السباحة في الفراغ

احم دي مقولة مهمة انا قلتها

وأحم رقم 2
افعلي ما يجعل الناس لا تنساكي إن رحلتي غدا
ولو انك منوّرة ومن غيرك مش هتبقى حلوة
مستنيكي على فكرة في البلوج نشرت قصايد اللي بالي بالك

أخف دم said...

الرحيل هروب أيا كان سببه .. قربى من ربنا وانت هتعرفى الحل الصح ... حمد الله على سلامتى

الكلام نوعان :كلام فارغ وكلام مليان كلام فارغ said...

عندك حق حاله من ان الواحد مش عارف هوه عايز ايه
حاله من تقلب المزاج
كلنا بنمر بالحاله دي

Sharm said...

Hi there,

You are chosen to represent your country in the first international blog
WUB (World United Bloggers)

The aim of this blog is to prove to the world that differences in language, religion,race and nationality do not make us hate each other and we can make this world better if we express our opinions with respect to others.

If you agree to join us please send e-mail with your nick name , age , country and your blog address to sharm_lover@hotmail.com where you will be sent an activation mail which makes you entitled to contribute in WUB, your name as one of the contributor will automatically be updated.Please read the rules before you start any posting in WUB where you will also find the aims of this WUB.

Thanks
Chief WUB,


Sharm .

www.worlub.blogspot.com

عاشقة الوطن said...

السلام عليكم

ازيك يااسراء
الواحد كتير بيحس انه عاوز يمشي ويبعد عن الشئ اللى هو كان فيه او متعلق بيه
بس بيرجع تانى ويلاقي نفسه انه برضه لازم يرجع
مش عارفة بس البعد احيانا بيريح
بس برضه لازم ترجعى تانى

LAMIA MAHMOUD said...

عادي جداااااااااااا

وتحسي انك عايزة تقولي مين دول ومعرفهومش

بس .. كنت في فترة زي دي من قريب .. وبتروح وتعدي

بس انتي خليكي جامدة وعارفة ان كل الناس بتحبك وعايزاكي جنبهم

خدي بالك من نفسك
شكرا ليكي عالسؤال:)

me said...

أمشى بعييد

اممممممممم

العنوان قال كل اللى انتى عايزة تقوليه فى البوست

ساعات كتير اوى بحس زيك كده

مجرد انى عايز امشى واسيب كل اللى انا فيه واروح لبعيد

لارض اللا مكان

no where land

سميه هروب

سميه زهق

سميه فرصة لاكتشاف الذات

سميه زى ما تسميه

المهم ان كلنا بنحس بكده

وكلنا بتجيلنا اوقات بيبقى نفسنا نعمل كده

كتيير اوى بتخيل لما امشى الدنيا هيبقى شكلها ايه من بعدى

الناس اللى انا بحبهم هيفتكرونى ولا لأ

هيزعلو عليا ولا لأ

واكيد بيبقى احساس مؤلم لما احس انى لوحدى وان ممكن محدش يزعل عليا

بنحب نتألم ؟؟

يمكن

جوانا كلنا ..جزء المازوخية اللى بيخلينا ندور عالألم فين علشان نفكر فيه ونحاول نحس بيه

حاجة غريبة فينا

مش كده ؟

حاسس كلامك زى منا حاسس اللى جواكى

بس السؤال اللى انتى عرفتى ان انا هسأله

ليه دلوقتى ؟

انا مزعلتش

انتى عارفة انى مبزعلش منك

بس يمكن مستغرب

لان كل اللى حواليكى بيحبوكى وبيموتو فيكى كمان

علشان انتى اسراء

وده كفاية اوى ليهم انهم يحبوكى

انتى مش محتاجة تعملى حاجة علشان يحبوكى

ومش محتاجة تمشى بعيد علشان يزعلو عليكى

ودى حاجة عايزك تكونى عارفاها كويس

you deserve the best

as u r the best

انا يمكن مقلتلكيش الكلام ده قبل كده

بس علشان كنت شايف ان ثقتك فى نفسك اكبر من كده


عايز اقولك حاجة كمان

انتى دايما معايا

هنا

وهناك

وهعيدلك الكلام اللى قلتهولك قبل كده
بس زودت عليه شوية
:)


some times..,

i feel lonely

i feel sad

i feel sorrow for past i had
.
.
.
i need some one to share

i need angel to care
.
.
you know ?
.
.
i love angels so much

i love their touch
.
.
so,

stop flying in the sky

stop playing up high
.
.
come to give me some light

in this darkfull night

..,

always angels like you

have some jobs to do
.
.
& the job you have

is staying with me

as i'll always be
.
.
.
and i'll always
.
.
hug the smile in your eye
.
.
and always
.
.
catch the breeze in your sigh
.
.
.
remember ?

when i wear my wings to fly..,

when i went to heaven to buy..,
.
.
just for you...,
.
.
.
a sweety pie
.
.
remember ?
.
.
you know ?

that every thing i do

is for you
.
.
when i fight

when i win
.
.
for you
.
.
when i write

when i sing ;)
.
.
for you
.
.
when i look for a shiny ring
.
.
for you
.
.
it's all for you..,

my charming star
.
.
.
lost princess you say

lovely princess you are

:)

بيجاسوس المصرى said...

اين نذهب و لماذا نذهب
حتى نبتعد عن اعين الحاقدين
ام من الخوف من الحياة
ام اليأس الذى أصبح ساكنا فى كل مكان

و اذا مشينا فبماذا سوف تكون مصائرنا
و لكن اذا ذهبتى و هو معى فسوف تشعرين بجمال الدنيا لانها سوف تكون له وحده

تحياتى

انتظار مؤقت said...

عزيزتي شكرا على مرورك عندي في اثناء سفري و اجازتي و اشكرك انك افتكرتيني بالسؤال .تحياتي

logarithms said...

الكلمتين اللي في الاخر دول حلوين جدا جدا

:: سبارتكوس :: said...

بعد إذنك يا اسراء .. انا هاضيف مدونتك فى لينكاتى

وياريت تضيفينى انتى كمان بعد ما تشرفينى بزيارتك

esraa said...

:: سبارتكوس :::

هههههههه

حاضر

esraa said...

hend :

الحمدلله انها عدت (:

esraa said...

No Fear:

وعليكم السلام ورحمة الله وبركاته

مانا عارفه انها حلوه
حاضر(:
مانا خلاص مش همشي اهو
هي بتبقي حاله وعدت الحمدلله

esraa said...

Mony The Angel:

أنا مكنتش عايزه أقول اني مكتئبه
أنا كنت عايزه أوصف الحاله(:

esraa said...

جـيـداء:

تتحليلي ليه بس؟

الحمدلله ياسيتي

والحمدلله انها زالت (:

esraa said...

علوة:

احنا أكيد أصحاب
وانت تؤمر ياسيدي

esraa said...

أحمد عيسي:

أكيد اللي له واحد يغنيه عن العالم كله بيكون محظوظ جداااااااا

esraa said...

Ma-3lina:

لأ خلاص قعدت (:

esraa said...

abo salah:

شرف ليا انك تحب مدونتي (:

وأكيد هجي عندك كتير ان شاء الله

بس انا مش منهم (:

esraa said...

The Groom:

حمدالله علي السلامه
والله اتبسطت جدا لما قريت القاهره البلد
وانا أقول مصر منوره ليه؟

esraa said...

Mohamed A. Ghaffar:

ههههههههههه

ماشي
أول ماعرف طريق واحد هقولك (:

esraa said...

dead man:

مفيش حد بينسي

esraa said...

Meekness !!!:

وعليكم السلام ورحمة الله وبركاته

اها مانا عارفه (:

كويس ياسيتي انك بتحبيه

نورتيني ياقمر

esraa said...

3abersabil:

يعني في جميع الأحوال
نمشي وخلاص

esraa said...

yousef:

لما نات عارف انه أحسن حاجه في الدنيا
عايز تضيعه ليه ;)

esraa said...

علوة:

(:

لأ هي فعلا مهمه وجميله

أنا شفت القصايد وفعلا حلوه (:

esraa said...

أخف دم:

مانا لما ببقي عايزه أروّح ببقي عايزه أروّح عنده

حمدالله علي سلامتك (:

esraa said...

الكلام نوعان :كلام فارغ وكلام مليان كلام فارغ:

الحمدلله انك طمنتيني (:

esraa said...

Sharm:

ان شاء الله

esraa said...

عاشقة الوطن:

وعليكم السلام ورحمة الله وبركاته

هو فعلا البعد بيريح
بس بردو فعلا لازم نرجع تاني (:

esraa said...

LAMIA MAHMOUD:


(:

الحمدلله انها عدت
وحمدالله علي السلامه ياقمر

esraa said...

me:

بجد مش عارفه أقولك ايه

ياريتني بعرف أكتب زيك

صورة الخاتم حقيقي تحفه

وعجبني أووي الجزء ده
(حاسس كلامك زى منا حاسس اللى جواكى)

وعجبني أكتر الجزء الأخير

الحمدلله انك هنا (:

esraa said...

بيجاسوس المصرى:

الصراحه أين نذهب شم عارفه
ولماذا نذهب بردو مش عارفه

esraa said...

انتظار مؤقت:

(:

العفو

وحمدالله علي السلامه

esraa said...

logarithms :

(:

اتفضلهم

esraa said...

:: سبارتكوس :::

بس كده(:

حااااااااااااضر

س.حلم لا ينتهي said...

تنفسي مرتين
مرة لتعرفي أنك مازلت هنا تضحكين وتمرحين وتشعرين بالحياة
ومرة كي تتأكدي من رائحة الهواء فهي ذكرياتنا تشترك معنا في نفس إحساس الألم والأمل

esraa said...

س.حلم لا ينتهي:

حاضر بس كده(:

شكرا جدا لمساندتك

نورتني(:

 

The Lost Princess © 2008. Design By: SkinCorner