Thursday, August 2, 2007

..الديمنتورات

الديمنتورات كائنات خياليه ظهرت في سلسلة قصص و أفلام هاري بوتر
والديمنتور كائن عملاق مغطي الرأس بمعطف مهترئ, حركته مخيفه لأنه يسري بنعومه فوق سطح الأرض علي ارتفاع عدة بوصات, بدون قدمين ولا يري وجه من تحت معطفه, يصدر عنه رائحه عفنه وأصوات مزعجه, يتجمد الهواء حوله ويسحب الليل مع أنفاسه وهو يقترب ويسحب السعادة من العالم
البشر العادين مايقدروش يشوفوهم وان كانوا طبعا بيشعروا بوجودهم

فالسماء بتتحول من اللون الأزرق الي اللون الأسود الحالك, وتختفي النجوم والقمر وأي اضاءه أخري, الظلام والبروده بيسيطروا علي كل شئ كأن يدا عملاقه أسقطت حاجز سميك وثلجي علي المكان حتي لو كان الوقت شهر أغسطس

لديهم القدرة علي سحب السعاده والأمل وكل الذكريات الجميله من الانسان وبتدي شعور غريب بالبروده واليأس والحزن وتجمع كل الزكريات السيئه

بتدي شعور انك مش ممكن تشعر بالسعاده ثانية وانك خلاص مش هتبتسم تاني في حياتك
أسواء مافيها قبلتها , لو قبلت انسان بتسحب روحه من فمه, مش بيموت, لكنه بيعيش أجوف من غير روح
أنا أعتقد ان الديمنتورات مش كائنات خياليه وان في منهم كتيير عايشين معانا في عالمنا متخفين في هيئة بشر, لما بنشوفهم أو نقابلهم أو حتي نفكر فيهم بيدونا شعور غريب بالتعاسه ومش بنفتكر ليهم غير كل شئ سيئ, وان روحنا بتنسحب مننا, ومين يعرف, يمكن لو قبلونا روحنا تنسحب مننا بجد

في حد غيري قابل ديمنتور بشري قبل كده؟؟؟
ولا أنا بس اللي قصص هاري بوتر أثرت عليا؟؟؟؟

32 comments:

Reemo said...

متفقه معاكى جدا
موجودين ومتخفيين وبيهوا تدمير السعاده
وجلب الشقاء والتعاسه لكل من يقترب منهم
واؤكد لكى انهم لو استطاعو التقبيل لسحبو الأرواح
فهم عاشقون لتدمير كل ماهو جميل ونابع من الروح
عجبتنى جدا فكره البوست
بحييكى عليها
قبلاتى

Mony The Angel said...

Mmmmmm
ana daiman lama bagy a2ra goz2 bitkallem 3an al dementores dool ba7es belmasha3er ally enty ailaah da awe
msh 3arfa da bsabab en alkateba ra23a awe ldaraget enha bt5aleena n7es bkol haga wala 3shan fe mnhom bgad 3ala ard alwaqe3

bas 4sure fe nas maba2darsh atnaffes lama bikono m3aia f nafs almakaan aw lama had bigeeb serethom
bimoso al oxygen kda mn algaw :))

bas al dementores belwasf da sa3b awe nla2eeha f 7aiatna lol

Bella said...

موجودين طبعا ومنتشرين في كل مكان
واقرب إلينا مما نتصور
يزعجهم ان يروا ابتسامتنا فيسعون لقتلها
يؤلمهم ان يرونا سعداء فيمتصون السعادة من حولنا

جميلة جدا فكرة الموضوع

dead man said...

انهم حولنا في كل مكان، في صور مختلفة.. ربما اكون انا منهم
:)

كراكيب عادل said...

يااااة دول كتير

اكتر من الهم علي القلب

تسـنيم said...

موجودين والمصيبة انهم مش شايفين نفسهم كده وبيزعموا انهم العكس

hend said...

لا متخافيش مش انتى لوحدك اللى قابلتى ديمنترات بشرى مفيش حد فينا مش بيقابلهم فى حياته يامكترهم

Aladdin said...

تصوري لم أقرأ حرفاً لجيه. كيه. رولينج (صاحبة سلسلة روايات هاري بوتر) مش عارف أنا دائماً ضد ما أسميه "ديماجوجية الشراء" يعني الواحد لازم يأخذ حذره من الكتب اللي بتنتشر بسرعة وبتبيع ملايين النسخ زي روايات باولو كويلو.

عموماً دا في النهاية رأي شخصي وغير ملزم لأحد!

david santos said...

The purchase of weapons for Mubarak to the Bush terrorist will be for making peace, or will be for taking the American terrorism for the Egipto?

The great people of the Egipto that is intent.

Of these two cannot come nothing of good.

David Santos (Portuguese)

أنــــــا :) said...

أنا معاكى اوى فى رأيك
كتيير اوى بحس انهم فعلا موجودين بينا
كتير اوى بتشوفى حد وتحسى ان قلبك انقبض
تحسى انك خايفة من وجودك معاهم او حتى جنبهم
الأرواح جنود مجندة
فيها اللى بيتلاقو ويقربو من بعض
وفيها الى بيتنافرو
وفيه ناس الكل بيشاورو عليهم وبيقولو دول ديمونتورز
مش شرط يقولو الكلمة
لكن الوصف بيبقى جواهم
وبيبقو حاسينه
فكرة البوست عجبتنى فعلا
اكتر حاجة عجبتنى فيها انها جديدة
وفى نفس الوقت بتتكلم عن حاجة بنشوفها كل يوم
تشبيهك كمان للناس دى بالديمونتورز عجبنى
لانه فعلا اقرب مثال ليهم
مع انى مبقراش هارى بوتر ومش ناوى اقراه

:)

S H A H said...

انا ليا زميل هنا في الشغل ديمونترات بس بيلبس بدلة

و لسة مبسنيش

الشنكوتي الكبير said...

عزيزتي كل يوم بنقابل ديمونترات جديده الدنيا مليئه بيهم
انهم كل من يحاول قتل الفرحه في قلوبنا وكبت ارائنا الجريئه
كل واحد شايف انه بيحافظ على القيم والتقاليد وهو اصلا بيخترع قواعد مش في الدين ولا العرف السليم لكن هو بيخترع قوانين يخنقنا بيها المصيبه ان الموضوع مش مقتصر على الحكام والمسؤلين دول بقوا ناس كتير حوالينا ممكن زميلك في الشغل او ريئسك في العمل وساعات بيكون اقل منك في الوظيفه او المستوى لكن بيقدر يخنقك بطرق غريبه بكلمه يقولها بتلميح خبيث يرميه
عموما الحل الوحيد انك تمسكي العصايه السحريه وتقولي "نوستراديموسا"
بس يكون عقلك وقلبك مؤمنين انك حره تعيشي حياتك زي ما انتي عايزه مادمتي لا تغضبي الله ولا تعتدي على حرية الأخرين
بجد بوست هايل جدا
فكره تحفه
سلااااااااااااااااااام

esraa said...

Reemo:

ربنا يخليكي ياميما

(:والحمدلله انك متفقه معايا

esraa said...

Mony The Angel:

أكيد ده بسبب كتابتها وأسلوبها واهتمامها بأدق التفاصيل

صحيح في ناس بيسحبو الهوا

بس فس ناس كمان بيسحبوا السعاده

esraa said...

Bella:

أتمني ان ربنا يبعدهم عننا

esraa said...

dead man:

ليه كده بس ياهواري؟؟؟

ربنا مايكتبش علي حد مننا انه يكون منهم

esraa said...

كراكيب عادل:

بس يبعدوا عننا

esraa said...

تسـنيم:

دي حقيقه

ميزة الديمنتور العادي انه عارف نفسه كويس

لكن كارثة الديمنتور البشري انه شايف نفسه ملاك ومظلوم, ويمكن الظروف هي اللي خلته كده

esraa said...

hend:

ههههه
طمنتيني اني لسه ماتجننتش

بس يارب بقي يبعدوا عننا

esraa said...

Aladdin:

أكيد انا بحترم رأيك

بس انا لخصتلك فكرت الديمنتورز
وكنت أتمني انك تقولي رأيك فيهم

esraa said...

david santos:

معتقدش ان مصر محتاجه حاجه منهم

دي مصر تصدرلهم الأنواع دي

(:تلاقي الريس بس كان بيديه درس خصوصي

esraa said...

أنــــــا:

(((((:

ومش مهم تقراه ياسيدي
هبقي أحكيهولك أنا (:

بجد تعليقك أسعدني

esraa said...

S H A H:

هم في عالمنا بيلبسوا كل حاجه (:

خلي بالك من نفسك وماتقربش منه خالص أصلا

esraa said...

الشنكوتي الكبير:

هم فعلا أقرب مما نتخيل لينا

buffy said...

kter kda by the way i love ur way in written so much

camera_girl said...

دول مش بس موجودين يا اسراء دول موجودين وبالعبيط كمان ....ناس تقبليها تسحب روحك والهوى واللأكسجين والبهجه والسعاده والدنيا تسود فى وشك موجوديييييييييييين ومتنرتورين...بس الجدع هو الى يحاول يتفادى المرور من جنب مجالهم المغناطيسى

ب ايه البوستات الجامده دى....انا مستنيه انا واصحابى فيلم هخارى بوتر بفارغ الصبر..متعرفيش هينزل امتى؟؟؟متيجى معانا

Epitaph said...

they exist! really exist! take away all happiness!

but let the question be, are we ready to cast the spell to hold them back as Potter did? :)

The Groom said...


هو أكيد قصص عمو هاري مأثرة عليكي قوي

بس برضو أنا بقابل الكائنات دي كتير كل يوم وأعرفهم بس من قبل ما تقولي لي عليهم وعلى اسمهم

ربنا يستر علينا :(

تحياتي لك من ماناساس البلد

esraa said...

buffy:

هم فعلا كتييير

ربنا يخليكي ياقمر

esraa said...

camera_girl:

ماحنا لازم ناخد بالنا ونبعد عنهم ياحبيبتي

لأ انا مش هاجي معاكم عشان أحمد أخويا هيجبهولنا خلاص (:

esraa said...

Epitaph:

المفروض بقي اننا كلنا نتعلمها

esraa said...

The Groom:

حاول انك تتجنبهم
وتبعد عنهم خالص

ولما تقابل حد منهم
افتكر انه ديمنتور

 

The Lost Princess © 2008. Design By: SkinCorner