Thursday, June 7, 2007

الحمدلله



في حاجات بتحصل في حياتنا وبيبقي نفسنا نعرف حصلت ازاي
أو ايه اللي حصل عشان تحصل
وطبعا مش بنريح نفسنا وبنفضل نحاول اننا نعرف حصلت ليه؟
أحيانا بننجح وأحيانا أكتر مش بنعرف
لكن الغريبه اني فعلا بقيت بعرف كل حاجه, حتي لو مكنتش بدور علي سببها , يعني مثلا لو حد ضحك عليا وقالي حاجه غير الحقيقه, ربنا بيبعتلي الحقيقه وبعرفها
ساعتها بحس بجد ان ربنا بيحبني جدا, وانه مش
.عايزني أبقي مضحوك عليا وعبيطه
دلوقتي لما بقي أي حد بيقولي أي حاجه ببقي واثقه اني هعرف هو بيقول الحقيقه ولا لأ بعد كده
عشان أنا واثقه ان ربنا هيعرفني بعد كده
بجد أنا عايزه أقول شكرا لربنا
ربنا لك الحمد كما ينبغي لجلال وجهك وعظيم سلطانك
ربنا لك الحمد حمدا كثيرا طيبا مباركا فيه
ربنا لك الحمد ملء السموات وملء الأرض وملء مابينهما وملء ماشئت من شئ بعد
------------------------


طبعا حملة الدعاء لمنة أختي لسه مستمره
اوعوا تبطلو دعاء
وياريت ترفعو البنارات دي علي مدوناتكم
البانر ده من تصميم أحمد فؤاد مع نفسى
وبانر البوست اللي فات من تصميم أحمد مبرمج حر

45 comments:

FemTo said...

مسير الحقيقة تباان..بس المهم تبان فى الوقت المناسب..ٍربنا مع منة وان شاء الله تطلع الاولى على الجمهورية

Noony said...

ما شاء الله لا قوة إلا بالله
نعمة كبيرة انك تعرفي سبب الحاجات والمواقف اللي بتحصل معاكي

ونعمة اكبر انك تحمدي ربنا على النعمة دي


ربنا يوفق منة يا رب
:)

نوني

Eric Matt said...


ربنا يكرمها يا رب

اللهم لك الحمد

تحياتي لك من ماناساس البلد

فؤاده said...

حلوه قوي الميزه ده
ممكن بعد كده لو حد قالي حاجه اجي اقولك وتقوليلي ازا كانت صح ولا لأ ، ماشي ؟
وبعدين قوليلي ، هو انتي بتتعاملي مع ناس كتير بيكدبو عليكي كده
ولا كل الناس بقو كدابين اصلا .

ةتمنايتنا لمنه بكل النجاح والميه في الميه

بس متنسيش الحلاوه

mahmoud said...

لا ماتقوليليش
انا شفت بعينى و الله
مش بقولك براكتك يا ست الشيخة
:--3)

•«ρяoιd»•™ said...

ربنا يوفقك يا رب

و الحمد لله علي نعمة الإسلام و كفي

و ربنا يوفق منة

علي فكره انا كمان عملتلها بانر

بس طبعاً بعد احمد مبرمج حر

تحياتي

samvet said...

بالتوفيق يارب لمنه واختها

بالنسبة لموضوعك
فى حجات ممكن تحصل لينا ولو عرفنا سببها ممكن تكون وبال وحسرة وتزود حزننا
واعتقد ان الجهل بالاسباب ف الحالات دى نعمة كبيرة لناس كتير

ibn nasser - ابن ناصر said...

الدعاء مستمر
لمنه واختها
تحياتي

zordeak said...

ربنا مكاكى ومعاها يا رب

يوفقكو فى حياتكو ويفرحكو دايما لان العيلة بتاعتكو دى عيلة تحفة ومن انقى الناس اللى الواحد يعرفها فى حياته

ربنا يخليكو لبعض

ويخليكو لينا

:)

الريس said...

ده الواحد يخاف منك على كده :) ربنا معاها يارب

Anonymous said...

ربنا يوفقك يا منة
و يارب تنجح يا تتح
:)

Unknown said...

فى مثل يابانى قديم بيقول
اللى تشوفه صدق نصه واللى ما تشوفوش ما تصدقوش
ساعات الحقائق اللى بنشوفها دلوقتى مع مرور الوقت بنكتشف انها انصاف حقائق ومع الوقت بنكتشف الجزء اللى ماكناش شايفينه، بس فى النهاية يفضل احسن حاجه نقولها ونعنيها لما نقابل اى حاجه هى
الحمد لله الذى لا يحمد على مكروه سواه

Unknown said...

عارفة يا اسراء لما تجيلك الحقيقة وتعرفى انه كان مضحوك عليكى .. بنحمد ربنا الحمد لله رب العالمين .. لكن بتجيلى حالة من عدم الثقة فى اى حد واى حاجة

بجد حاجة بتحزن وبتحسى ان الناس ليهم 100 وش مش وش واحد ولا اتنين كمان

-----------

هى اللى فى الصورة دى منة؟؟؟

ما شاء الله لا قوة الا بالله ربنا يحميها يااااااارب

ويارب تنجح والله بدعيلها وبقول لماما تدعيلها كمان

وبدعيلك تنجحى يارب وابقوا ادعولى بردو ماهى الناس لبعضيها

ولا ايه؟؟

:D

Anonymous said...

ربنا يوفق منا وتخلص الدراسة على خير علشان لما تخلص دراسة تتفرغ للتعليم بقى

ربنا يوفق الجميع
سلام

Unknown said...

FemTo:
فعلا المهم انها لما تبان تكون في الوقت المناسب مش بعد مايكون مالهاش فايده
رغم انها كتير لما تتعرف بتريح حتي لو بعد فوات الأولان

الأولي علي الجمهوريه(:
يارب يافيميتو يارب ((:

Unknown said...

Noony:
أكيد ان الانسان يعرف دي حاجه كويسه
وكويسه جدا كمان
الحمدلله

ربنا يخليكي ويوفقك انت كمان (:

Unknown said...

The Groom:
يارب ياعبدالله يارب
سلملي علي ماناساس البلد كتييييير (:

Unknown said...

فؤاده:
هي فعلا حلوه
بس ياريت تفضل حلوه علي طول ((:

لا والله مش كتير , بس لما ده يحصل وانت تعرفه بتبقي مبسوط أوي انك عرفت(:

أما بقي حكاية كل الناس بقو كدابين
هي النسبه في ازدياد محدش يقدر ينكر ده

ادعيلها انت بس يانائل وانا أجيبلك الحلاوه

Unknown said...

MOODY:
هههههههه
شفت بعينك ايه؟
هو انت لحقت تشوف حاجه؟ ((:

Unknown said...

•«ρяoιd»•™:
ويوفقك يارامي (:

اها تسنيم قالتلي علي البانر بتاعك
هو فعلا حلو
ربنا يخليكو كلكم(:

Unknown said...

mansourawy:
ويوفقك يارب (:

أكيد في حاجات لما بنعرفها بنضايق
لأن مش سهل انك تعرف انسان علي حقيقته
لكن لما بتعرف بتقول الحمدلله, عشان ماتفضلش مخدوع فيه أكتر من كده

Unknown said...

ibn nasser - ابن ناصر:
أيوه كده
برافو عليك (((:

Unknown said...

zordeak:
ومعاك ياحمد
هندعيلك أكيد عشان امتحاناتك ان شاء الله
ماتقلقش

تحفه ازاي يعني؟
خارجه من المتحف يعني (((:

ربنا يخليك انت كمان ياحمد (:

Unknown said...

الريس:
ده الناس العادين اللي يخافوا
مش حضرتك يعني

اها ادعيلها كتير
ومعاك يارب.

Unknown said...

أحمد مختار عاشور:

أيوه كده((:
ادعيلها كتير ياحمد.

Unknown said...

محمد بدرى:

اها والله المثل ده حقيقي يامحمد
بس هي تبقي أنصاف وماتبقاش أقل من كده.
أكيد طبعا الحمد لله
وماتنساش تدعي لموون

Unknown said...

إنـســانـة:
الحاله دي ياياسمين بتبقي فتره
وكل مره هتبقي أقصر من اللي قبلها
ماتفقديش ثقتك بالناس اللي تستاهل عشان وثقتي في ناس مش تستاهل
لأن اللي يستاهلو مالهومش أي ذنب

هم مش 100 وش بس ياحبيبتي ممكن 1000000 أو أكتر كمان (:

وخليكي واثقه ان ربنا هيكشفلك دايما الناس اللي ماتستاهلش

--------

اها (:
اللي في الصوره دي موون

ماما كمان ربنا يخليكي يارب

لأ ده أنا هخلي سوسو تدعيلك, ولا تقلقي.

Unknown said...

إبراهيم محسن:

مش كده بردو
لازم تخلص دراسه عشان تفضي للتعليم ((:

ربنا يوفقك انت كمان

farfasha said...

ده يبقى فيهعمار كبير اوى بينك وبين ربنا
ربنا يديمها عليكي نعمه
انا عامله فكره ياريت لو تشاركيني فيها وتقوليلي رايك فيها
ياااااريت تشجعيني

Unknown said...

farfasha :

فكرتك فعلا حلوه

وأنا علقت عندك

ربنا يوفقك يارب

بس ماتنسيش تدعي لمنة(:

Unknown said...

شريف:

لأ هو انت بس اللي مش عارف منة

لأن أكتر الناس هنا عارفين ان أنا ومنة وتسنيم اخوات

منة أول لينك عندي , هتلاقيه تحت

البانر الأول مش صورة منة , دي صوره عاملها أحمد مبرمج حر

لكن بتاع أحمد فؤاد اللي في أخر بوست ده صورة منة

أنا مانكرش ان في حاجات مكنتش بتبان قبل كده

بس دلوقتي ايه
كله بيبان ياشريف والله (:

dead man said...

ربنا يكرمها ان شاء الله

Amany Y. El-Saeed said...

إنتي بتخوفينا عشان منكدبش عليكي يعني...ماشي يا ستي...وصلت
:)

انتظار مؤقت said...

يارب يا منه يارب تحققي اعلى درجات و اشوفك احسن الناس ...دعوة بلوجر ساعة كومنت
بالتوفيق انشاءالله

Anonymous said...

ربك بيقول انا عند حسن ظن عبدي بي ، فشوفي ظنط بالله ايه وهو ان شاء الله هيعطهولك ، وان شاء الله منة من الناجحين المتفوقين

حقى اهرتل said...

قالوا المقاومه ادب انا قلت ما يكفى
بعتولى اشيل همهم قلت اللى بى يكفى
والحر مهما اتجبر يصبح عزيز الروح
داالعزبه ليهاولد من الفرح مستكفى
ربنا يوفق منى
لو احتاجت حاجه فى الكيمياء ممكن تسالنى

Unknown said...

dead man:

ان شاء الله

Unknown said...

أمـــاني:

ههههههههه
تصدقي فكره ((:

Unknown said...

انتظار مؤقت:

أمين يارب(:

Unknown said...

قلوب حائرة:

أنا مؤمنه بالموضوع ده جدااااا

يارب ان شاء الله(:

Unknown said...

حقى اهرتل:

يارب

ربنا يخليك بس مش كنت تقول من بدري, هي امتحنت الكيمياء خلاص ((:

نورهان مفيد said...

مافيش أجمل من كده
الحمدلله رب العالمين

جملة مافيش أجمل منها
وربنا مع منه واللي زيها
ويارب يدي كل واحد علي قد تعبه
تحياتي

Anonymous said...

الحمد لله على كل نعمه علينا وان شاء الله ربنا يوفق منه اختك بس ابقى افتريكنا بالحاجة الصاقعة

Unknown said...

نورهان مفيد:
اها فعلا, الحمدلله

يارب يانور

نورتيني ((:

Unknown said...

hend:
أكيد طبعا الحمدلله علي كل حاجه

ادعيلها انت بس بضمير وانا أجيبلك اللي انت عايزاه ((:

 

The Lost Princess © 2008. Design By: SkinCorner