Thursday, May 31, 2007

pray 4 mony


أختي منة في ثالثة ثانوي أزهري
عندها 20 ماده
بتوع الثانويه العامه يحمدوا ربنا ويبوسوا ايدهم وش وظهر ويعرفوا النعمه اللي هما فيها
هتمتحن كل يوم من 2/6 : 24/6
هتقولوا وايه المطلوب؟
المطلوب من حضراتكم انكم تدعولها عشان ربنا يوفقها كده ويسهلها, ويبقي كتر خيركم لو نزلتوا بوستات تضامن عندكم في مدوناتكم تقولوا فيها ادعوا لمنة وتبعتوا تقولو لبعض
.البنت مش هتدخل ثانويه كل سنه
عايزين نشوف دعواتكم بقي


----------------------------


في خبر كده ياجماعه لازم أقولكم عليه
خطيبة حسام, اللي كتب كتابه عليها
جالها وعكة صحية وحسام مش هينضم للمنتخب عشان هيقعد جنبها
أنا ماليش دعوه ياجماعه
أنا سامحته وشهدتكم علي ده
يبقي انا ذنبي ايه بقي
والله بريــــــئه

58 comments:

zordeak said...

ربنا يوفقها ويسهلها يا رب

وان شاء الله الامتحانات هتيجى سهلة

عشرين مادة المفتريين

ربنا معاها بجد

بندعيلها كلنا واكيد الدعاء هييجى بفايدة ان شاء الله


أما بالنسبة بقى لخبر حسام

فانا مش هتكلم

مش هضحك ولا هقول اى حاجة

اكيد ملكيش ذنب

هع هع هع هع

:P

:D

Mohamed A. Ghaffar said...

ربنا يحميها ويهديها ويقويها على الى هى فيه ويكتب لها خير نيجه

اما بالنسبه لحسام انت مصدقه انك ملكيش ذنب؟

Tamer Nabil said...

ربنا يوفقها

وينور لها الطريق

وان شاء الله اعلى الدرجات

تحياتى

أمـــاني said...

ربنا يوفقها إن شاء الله

ملحوظة: سرك باتع
:)

مصر هى أمى said...

ربنا يوفق منة
ربنا يوفق منة
ربنا يوفق منة
ربنا يوفق منة
ربنا يوفق منة

والله هدعيلها كتير اوى
انتى بعد التهديد اللى انتى حطتيه ده تفتكرى محدش هيدعيلها

ايه اللى انتى عملاه ده هيا لحقت تتعب وكمان هيسيب المنتخب علشانها
الرحمة حلوة يا اسراء

طب ما تنشنى على امنا الكبيرة وابونا الكبير عايزين نشوف بركاتك

إنـســانـة said...

يااااااااااااااارب ينجحك يا منة ونعملك حفلة فى المدونات كلهااااا

اميييييين يااااااااارب

اما موضوع حسام ده انا مقدرتش امسك نفسى هههههههههههههههههههههههههههههههههههههههههههه

يخرب عقلك يا مصيبة .. البت هتروح ههههههههههههههههههههههه

ههههههههههههههههههههههههههه

ربنا يسترررررررر

انا همشى بقا قبل ما تغضبى عليا انا كمان

ههههههههههههههههههههههههه

REEMOO said...

ربنا يوفقها يا رب
وان شاء الله الامتحانات تكون كويس وتعدى على خير

بخصوص موضوع حسام
فانا برجوكى يا بنتى
لازم تساعدنى
انت مش ممكن سرك باتع بجد
كلى أمل فيكى يا اسراء :)))

تحياتى

esraa said...

zordeak:
أيوه كده ادعي بضمير



بالنسبه بقي لحسام
ليه هو انت لسه عايز تضحك
مش كفايه اللي انت ضحكته لما عرفت
لازم تصدق اني ماليش ذنب

esraa said...

Mohamed A. Ghaffar:
ربنا يخليك يامحمد


وأكيد طبعا مصدقه اني ماليش ذنب
طب انا مالي؟

esraa said...

Tamer Nabil:
ربنا يخليك ياتامر
ويوفقك

وشكرا انك ماتريأتش علي موضوع حسام

esraa said...

أمـــاني:
ويوفقك يامون

حتي انت مش مصدقه اني ماليش ذنب؟

esraa said...

مصر هى أمى:
ربنا يخليك يامحمد
ادعلها بضمير ها


طب انا مالي بس يامحمد
حتي انت كمان هتقول اني السبب؟ ):

عايزهم يطلقو بعد السن ده مش عيب عليك؟

esraa said...

إنـســانـة:
يارب ياياسمين يارب


طب والله كويس اني ضحكتوكو
كاميكاز ضحك ولا انت بس؟.

هو انا أقدر أغضب عليكي بردو؟

esraa said...

REEMOO:
يارب

لو الموضوع مفيهوش خراب بيوت
أكيد هعمل اللي أقدر عليه (:
ابعتيلي ايميلك ياريم وانا أضيفك
أو لو تعرفي حد معاه ايميلي خديه منه وأبعتيلي ايميل قوليلي ان ده انت عشان أضيفك
هستناكي ياجميله

الريس said...

ربنا ينجحها يارب ويسر لها الامتحانات

sendbad said...

ربنا يسهل لمنة ونشوفها في التلفزيون وتقول لولا دعوات المدونين مكنتش طلعت الاولي
اما حسام خفي ياماما مش كده

انتظار مؤقت said...

يااااااااااااااااااارب هيه و كلو الي بيمتحنو ربنا يوفقهم
..... بالنسبه لموضوع حسام بذمتك برييييييييييييييييييييئه؟؟؟؟ ماشي

الدمعه said...

ربنا معاها يا رب ويوفقها وتجيب اعلى مجمووووووووع اللهم امين

elkamhawi said...

بتهرجو ..لالالا.بجد بتهرجوا
هى منه اختك
اللى هى منه المدونة
ولا اية

Amr Ahmed said...

ربنا معاها ياااااااارب

ومعايا انا كمان

______
موتتي البنت خطيبة حسام يا اسراء

حرام عليكي

هو لحق يفرح

.:.-=- ELGaZaLy-=-.:. said...

ربنا يكرمها يارب ويوفقها

ان شاء الله ويحميها

بس لحسام انا مش مصدق حاسسها مش من قلبك

A.SAMIR said...

لا حول ولا قوة الا بالله
يعني خطيبة حسام غالي فيصت بدري بدري كدة
دة انتي سرك باتع
العفو والسماح العفو والسماح
وبعدين ندعي ايه بس
دة انتي بقدراتك الخارقة دي قادرة تنجحيها وهي نايمة في بيتها
عموما
ربنا يوفقها هي وكل اللي بيمتحنوا
تحياتي لكى

•«ρяoιd»•™ said...

ربنا يوفقها هي و كل المسلمين يا رب

إن شاء الله خير

و معلش يا حسام

ربنا يشفيهالك عشان تلحق المنتخب يا اخويا

تحياتي

esraa said...

الريس:
ربنا يخلي فخامتك
والمهم رضا سيادتكم عنها.

esraa said...

sendbad:
ادعوا انتو بس وهي هتقول في كل حته انه بسبب دعواتكم

حتي انت مش مصدق اني ماليش ذنب

نورتني

esraa said...

انتظار مؤقت:
يارب ربنا يوفقهم كلهم

وطبعا بريئه (:

esraa said...

الدمعه:
أمــيــن
أمــيــن
أمــيــن

esraa said...

elkamhawi:
لا والله مش بنهرج
بجد ياعلاء
اها منة موني ذا أنجل أختي (:

esraa said...

Amr Ahmed:
أخد انت الموضوع لحسابك
تدعيلها وليك انت كمان


أنا ماليش دعوه
وبعدين دي وعكه صحيه بس ياعمور

esraa said...

.:.-=- ELGaZaLy-=-.:.:
يارب أمين

والله كانت من قلبي
أنا ماليش دعوه

esraa said...

A.SAMIR:
دي وعكه صحيه بس (:

لأ أنا قدراتي مش للدرجه دي
لكل حاجه حدود

esraa said...

•«ρяoιd»•™:
يارب أمين

انت مصدقني اني ماليش ذنب
صح؟

مادو said...

ربنا معاها يا رب
بس المهم إنك ترحمي الناس من بركاتك عشان يدعولها بنفس
ههههههههه

The Groom said...


مالوش دعوة بيكي خالص

الموضوع نصيب وقضاء وقدر والمرض بيد الله مش بيدنا

احمدي الله كثيرا انك مش السبب

--------

ربنا يكرم منة ويرحمها ويدخلها الجنة ويغفرلها و يوفقها وتطلع الأولى يا رب

تحياتي لك من ماناساس البلد

ody911 said...

يارب يسا منه تنجى يارب


وعملتى إيه فى أمتحان النهاردة


يارب يكون خير


وعادى بقة
أودى

esraa said...

مادو:
يارب أمين


أرحمهم
حتي انت
طب أعمل ايه عشان تصدقو اني ماليش ذنب

نورتني (:

esraa said...

The Groom:
الحمدلله
ربنا يخليك يارب
في حد مصدقني (:

يارب ياخويا يارب
ربنا يسمع منك ويوفقها

esraa said...

ody911:
الحمدلله كان كويس
دعواتكم بقي في الباقي (:

safa7_karmooz said...

الاول ربنا مع منه ...ومعانا برضه ...هما بيطحنوا.....واحنا تم طحننا من زماان ..:)

--------------------------

بركات عيونك يا اسرااء

يعنى مش عارف ااقولك ايه بس

انتى شكلك سامحتيه...بس لسه مش سامحتى خطيبته

الواحد يخاف ليزعلك كده

هههههههههههههههههههههههههه

ياسر سليم said...

السلام عليكم
ربنا يوفق منه يارب وتطلع بشمهندسة دكتورة صيدلانية محاسبة وتشتغل فى اجدع شركة بترول للإستيراد والتصدير

وبعدين كده فى يومين فاضين عند منه مش وراها من 2 لحد 24 يبقى فى يومين اجازه فى النص اهوه .. هنطمع ولا ايه ؟

hamsa said...

بركاتك يا سوسو
ربنا يستر علينا ياحبيبتي
احنا اللى ييجي علينا ما بيكسبش
ربنا يوفق منه ياااااارب
وتدخل الكليه اللى تتمناها يارب
يارب
يارب
مش تنسي بقى الشربات لينا
باى يا سوسو

esraa said...

safa7_karmooz:
ربنا معاها يارب


تفتكر ان السبب اني ماسامحتش خطيبته
طب انا مالي بيها
انا ماعرفهاش (:

esraa said...

ياسر سليم:
وعليكم السلام ورحمة الله وبركاته
ربنا يخليك يارب
بس هي هتطلع كل ده
ممكن والله
الدعوات بتعمل معجزات (:

اليومين دول بتوع انتخابات مجلس الشوري
تقول ايه علي ناس طماعه
نورتني ((:

esraa said...

hamsa:
لأ هو الحق يتقال
احنا فعلا اللي بيجي علينا مش ممكن يكسب ((:


ربناغ يوفقها يارب
مش شربات بس
اللي انت عايزاه ((:

نورتيني (:

شريف said...

جميل اسراء
انا اول مرة ادخل مدونتك
بس بصراحة يها شئ شدينى ليها
ولعل يكون فية
بينا صداقة دائمة
بصراحة مدونتك حلوة بس استمرى فى النجاح
ويارت تزور ينا فى مدونتى الصغيرة
تسمحيلى ان اضيفك عندى؟

اتفضل

انا كنت عارف انك مش هترفضى

اية بتقولى لا ؟

لية كدة
انا بردة كنت شاكك انك مش هتقولى لا



هههههههههه
اهلا بيكى فى مدونتى
ويارت تزوينى
شريف والحب

الملاح التائه said...

تمنياتنا بالتوفيق لمنه
وباقصاء ناظريك عن الناس الغلابه
ياسااااتر
:D
سلامو عليكو

الكلام نوعان :كلام فارغ وكلام مليان كلام فارغ said...

ربنا نجح مونى ان شاء الله
وعشان حسام بقى هوه اللى خشران حد يسيب اسراء العسل دي ويروح لخطيبته
يلا اهو ربنا بيخلص

esraa said...

شريف:
ربنا يخليك ياشريف
نورتني
هههههههههه
أكيد ان شاء الله هجي عندك
بس ادعي لمنة (:

esraa said...

الملاح التائه:
ربنا يوفقها يارب

عن الناس الغلابه
ده أنا اللي مسكينه ((:

esraa said...

الكلام نوعان :كلام فارغ وكلام مليان كلام فارغ:
ان شاء الله

قوليله يابنتي
مين بس اللي يقدر؟

أخف دم said...

ربنا معاها يا إسراء ويوفقها يارب .ز مع انكم محسسنى انكم دايرين تشحتوا على ابواب المدونات .. بس مفيش مشكلة .. انتوا اخترعتوا فايدة تانية للمدونات وهيه شحاتة الدعا .. ربنا يوفقها مرة تانية وسلامى ليها

ibn nasser - ابن ناصر said...

ربنا يوفقها ... هههه وبالنسبه لحوسحوس خليه جمبها هناك هههه
تحياتي

elkamhawi said...

سبحان الله
وعلم الانسان ما لم يعلم

esraa said...

أخف دم:
لأ يأشرف
احنا مش بنشحت علي أبواب المدونات
احنا بنشحت في مدونتنا احنا بس (:
والله يسلمك, يوصل ان شاء الله(:

esraa said...

ibn nasser - ابن ناصر:
ربنا يخليك (:

وبالنسبه لحوسحوس ماهي وعكه صحيه بقي
لازم يكون جمبها يعني (:

esraa said...

elkamhawi:
انت مكنتش تعرف بجد ولا ايه؟

أُكتب بالرصاص said...

بركاتك

esraa said...

أُكتب بالرصاص:
)):

 

The Lost Princess © 2008. Design By: SkinCorner