Wednesday, May 23, 2007

كتب كتاب حسام يوم الخميس


أول مره شفته فيها علي الحقيقه كنت في ثانوي
كان هو بالنسبه ليا عادي, شفته وهو نازل من الباص وماعرفش ايه اللي حصل
حاجه كده حصلت من أول نظره
ولقيتني بقوله حسام
حسام: نعم
أنا عايزاك تمضيلي
حسام : حاضر
ولقيته جه وقف جنبي, أنا طبعا اتلبخت وحتي ماعرفتش أطلع القلم من الشنطه واخدت قلم منة ومضيته وفضلت أتلكم معاه شويه وقولتله انه كان بيلعب في ماتش فرنسا كويس بس عشان مكنش بيلعب في مركزه
طبعا مش ممكن تتخيلو سعادته بالكلمتين دول خصوصا اننا اتغلبنا الماتش ده 5 لأن حسام كان واقف دفاع, فأكيد أنا الوحيده في العالم اللي قولتله كده
طبعا ضحك وقالي ربنا يخليكي ليا
واتكلمنا شويه وبعد كده دخل الفندق , واكتشفت ان العيبه كلهم دخلو خلاص, منة أختي كانت مضت لاعيبة الزمالك كلهم وأنا واقفه معاه بس
السنه اللي بعدها كان المنتخب هنا بردو في بورسعيد بس المره دي كلمته في التليفون
علي تليفون الفندق, وكان لسه محترف في فينورد ومكنش بيلعب أساسي, قلتله مبروك علي الاحتراف وان شاء الله هتلعب أساسي, وقالي أه ياسراء ربنا يخليكي ادعيلي
طبعا مش محتاجين اني أقولكم انه بعد الدعوه دي لعب أساسي
بس ياجماعه, وفضلت أحبه, وفجأه عرفت انه خطب, ويومها كنت عارفه ان الموضوع مش هيكمل, أصلكم مش ممكن تتخيلو بركاتي
مفيش حد مارضاش عنه وجوزاته تكمل, عندي لعنه كده غريبه بتنزل علي الناس, ده لو كنت بسخر جن مكنش ده حصل, يعني مثلا توم ونيكول اطلقو عشان انا مش عاجبني نيكول, عادي جدا, وماتجوزش كيتي غير لما أنا رضيت عنها, رونالدو ياعيني عليه مش بتنجحلو جوازه, عادي جدا بردو
فاكرين لما بيكهام كان هيطلق فيكتوريا؟ أصلي مش بحبها, بس العيال صعبو عليا عشان أنا بحبهم فشيلتها من دماغي وربنا ستر
فكان طبيعي اني أعرف انه ساب خطيبته بعد كده
طب فين المشكله بقي
المشكله انه خطب تاني, هتقولولي ودي فيها ايه؟ زي ماساب الأولي يسيب التانيه
الصراحه أيام ماعرفت انه خطب تاني كنت مشغوله في موضوع كده فمعرفتش أركز معاه, وقلت هو يعني هيطير لما أفضاله أبقي أفركشها
لكني عرفت ان هيكتب كتابه يوم الخميس, وهو كان مبسوط وهو بيتكلم, فصعب عليا, طب أنا مش عارفه أسيبه يتجوز وأسامحه بقي وأشيل لعنتي من عليه, ماهو عيب يعني كل مايخطب واحده يسيبها الناس يقولو عليه ايه يعني, وبعدين هو كمان قاعد في انجلترا لوحده فصعبان عليا بزياده
وعشان كده انا قررت اني أسامحه وأسيبه ربنا يسهله ويتجوز ياجماعه, خلاص ياحسام ربنا يوفقك, أنا مسمحاك

51 comments:

شادي فايد said...

هههههههههههههههههههههههه
ههههههههههههههه
هههههههههههههههههههه
ههههههههههههههه
هههههههههههههههه
هههههههههههههههههههههه
ههههههههههههههههههههه
ههههههههههههههههههههه
هههههههههههههههههه
هههههههههههههههههههههههههههه
هههههههههههههههههههههههه
ههههههههههههههههههههههههههه
هههههههههههههههههههههه
هههههههههههههههههه
ههههههههههههههههههههههه
هههههههههههههههههههههههه
هههههههههههههههههههههههه

Amr Ahmed said...

هههههههههههههههههههه

بتفكريني بواحد صاحبي

اربع بنات كانوا مخطوبين وفشكلوا


هههههههههههههههههههه

REEMOO said...

يا قلبك الطيب يا إسراء
والله انتى تستاهلى كل خير
لو مكنش بس قلبك طيب وبيصعب عليكى
كله بيقعدلك يا بنتى
طول ما قلبك ابيض كده
ربك هيسهلها على عبيده
بس معلش أنا ليا عندك طلب كده
فى حد نفسى ارتباطه يفشل
ممكن احكيلك عليه وتحطيه فى دماغك
وتعملى فى أختك ثواب :)
ياريت تردى عليا للضروروه القصوى
looooooooool
تحياتى يا قمر:)

safa7_karmooz said...

هههههههههههههههههههههههههههههه

انتى عالطوول كده يا اسراء

ضحاياكى ....كتير اوى

ههههههههههههههههههههههه
هههههههههههههههههههه
ههههههههههههههه
ههههههههههههه
هههههههههه
هههههههه
هههههه
هههه
هه
ه

مصر هى أمى said...

لا بجد يا اسراء مش قادر
هموت من الضحك
انا دلوقتى عرفت السبب انى مش عارف اتجوز
علشان خاطر البشرية وسمعة مصر معلش سيبيه يتجوز

انا مش عارف جمال مبارك وحسام غالى وتوم كروز

الرحمة حلوة برده يا اسراء

طب لو انا نويت اتقدم لحد هتسيبينى ولا لا

بنى أدم مع وقف التنفيذ said...

للدرجة دى
اية الطيبة دى كلها

تسـنيم said...

حسبي الله ونعم الوكيل

مش مكفيكي ان التاني كتب كتابه يوم عيد ميلادك كمان عايزة ده يعمل إييه

خليكي انتي عمالة تسامحي فيهم وانتي قاعدة جنب الحيطة وبتسمعي زيطة الأفراح بتاعتهم


هههههههههههه

esraa said...

شادي فايد:
قلت نكته انا؟

esraa said...

Amr Ahmed:
مش ممكن
في حد عنده زي بركاتي دي؟

esraa said...

REEMOO:
طيبه مش كده

هههههههههه
بصي ياسيتي في واحده صاحبتي قالتلي كده قبل كده
اني أحطلها حد في دماغي الصراحه أنا أخدت الموضوع هزار, بس طبعا مش عايزه أقولك انهم فعلا كانو هيطلقوا, أنا أول ماعرفت شلت الموضوع من دماغي عشان كله الا خراب البيوت يعني
لو الموضوع بتاعك مافيهوش خراب بيوت ممكن أفكر (:

esraa said...

safa7_karmooz:
لأ دول كتير أوييييييييييييييي

esraa said...

مصر هى أمى:
محسسني اني بقولكم نكته
ياجماعه دي مشاعر
عيب كده
مانا هسيبه أهو
هو جمال وحسام وتوم وبس
خليني ساكته
أنا مش عايزه أقول علي الباقي عشان خايفه عليكم


اتقدم انت بس وربنا معاك((:

esraa said...

بنى أدم مع وقف التنفيذ:
طول عمري
بس مين يقدر

esraa said...

تسـنيم:
بتحسبني في أختك
مش عيب عليكي
يابنتي التاني كتبه في عيد ميلادي من حبه فيا
وحسام بقي صعب عليا , حرام فركشتله خطوبه قبل كده, كفايه يعني

قلت أسامحهم وأخد ثواب بقي
وبعدين بقي أصلهم مش فرسان

The Groom said...


هاهاهاا طيب اللي حبيتها و ارتبطت و خلفت نقك بيجيب عليها نتيجة؟

:P

ربنا يكرمك و يحميكي

ويرزقك :))

تحياتي لك من ماناساس البلد

A.SAMIR said...

طب انا الحقيقة لسة مش خاطب
بس ناوي اول مااخطب ان شاء الله هعمل حاجة من اتنين:
يااما هخليها في الخباثة وماتعرفيش علشان لعناتك ماتحلش عليا لا انا ولا الغلبانة
ياما هاجي استأذنك واستسمحك انك توافقي وتباركي لنا الخطوبة
بوست رائع طبعا
تحياتي ليكي

بندقه said...

لا يا اسراء بقه كل الفركشات دى من تحت ايدك
لالالالالالالالا
ده الواحد يخاف منك بقه احسن
ههههههههه

esraa said...

The Groom:
بيجيب مع كل الناس وكل الحالات انت بس تؤمر

ربنا يكرمك انت كمان(:

esraa said...

A.SAMIR:
لأ انت تقولي وأنا أباركها
عشان ربنا يوفقك كده ((:

esraa said...

بندقه:
اها كلها
ومش عايزه أقولك علي الباقي
لأ عيب تخافو ليه بس
نورتيني

.:.-=- ELGaZaLy-=-.:. said...

هههههههههههههههه

حلوة بجد يا اسراء

احلام هايلة

esraa said...

.:.-=- ELGaZaLy-=-.:.:
دي مش احلام
دي حقيقه
كل اللي أنا قلته عن بركاتي حقيقه
تحب تجرب؟ ((:

zordeak said...

هههههههههههههههههههههههه
ههههههههههههههههههههه
ههههههههههههههههههههههه


بجد تحفة

التلقائية اللى بتحكى بيها دى

ايه ده يا بنتى


بعد كده لما اجى اخطب بقى لازم ابقى اجى اخد منك الاذن الاول

دستوووووووووووووووور يا سيادنا

وحدووووووووووووووووه

;)

esraa said...

zordeak:
(:
ربنا يخليك ياحمد

طبعا هتيجي تاخد الاذن
هو انت مش ناوي تقولي علي المشروع من قبل مايبدأ ولا ايه
طب اياك ياحمد أعرف انك حبيت وقلت لحد قبلي
عارف الطوب اللي رميته علي أحمد مبرمج هيبقي في منه كتير عندك وأكتر من كده كمان
لما نشوف

•«ρяoιd»•™ said...

ههههههههههههههههههههه

معلش معلش

كله بيطلع في الغسيل

هههههههههههههههههههه

تحياتي

انتظار مؤقت said...

ممكن ابعتلك اسمي و اسم امي تشوفي انا متجوزتش لدلوقتي ليه بركاااااااااااااتك يا برنسيسه

صديقة خيالية said...

يا طيبة لا طيبة بجد بس انا سلمت علي كله بس مش فكره اذا كنت سلمت عليه ولا لا

Moody said...

بركاتك يا ست الشيخه

esraa said...

•«ρяoιd»•™:
الحمدلله انك طمنتي
أصلي بحب الطقم ده جدااااااااااا

esraa said...

انتظار مؤقت:
دلوقتي بقي كل حاجه تحصل تقولو ان أنا السبب
أنا معرفش غير اللي أنا عملته بس
وانت انا بريئه من دمك ((:
نورتني

esraa said...

صديقة خيالية:
لأ ماسلمتيش عليه
هو مفيش حد وقف معاه غيري أصلا

esraa said...

Moody:
انت تؤمر يامودي
مش هنخدم اعز منك

تخاريف said...

هههههههههه

فظيعه بجد...
هروح اكمل بقيت المدونه...
:)
تحفه بجد

ذو النون المصري said...

مش عارف كلامك ده حقيقي و للا قصه

الشنكوتي الكبير said...

بصي يا بنتي انا مش محتاج منك غير خدمه صغننه قووووي
كاثرين زيتا جونز
ظبطيهال وانا هاخدمك بعنيه
وايه يا اختي الكوسه دي هما ازاي سايبينك انتي واختك تمضوا اللعيبه كده هي العمليه سايبه
طيب ابقي هاتيلي تصريح انا كمان
سلاااااااااااااااااااااااااام

esraa said...

تخاريف:
(:
ربنا يخليكي
روحي ياستي بس يارب تعجبك
نورتيني

esraa said...

ذو النون المصري:
حقيقي والله (:

esraa said...

الشنكوتي الكبير:
كاثرين هتاخد مليون دولار علي كل سنه تقضيها مع مايكل, يعني لو بتحبها بجد تتمنلها ان عدد السنين تزيد, مش تفركشها


هم محتاجين تصريح ولا ايه
في الأخر بعد ماخلصت حسام جه واحد من الأمن واحنا واقفين مع حازم وقالنا كده ممنوع, بس الصراحه حازم قالو انت مش شايفهم واقفين معايا, فقاله أسف ياكابتن

لو عايز تصريح نشوفلك واحد ((:

أُكتب بالرصاص said...

بركاتك


ايه التجلي دا كلو

ربنا يجعل كلامنا خفيف عليك


بس لي ملاحظة
لازم تراجعي مصادر اخبارك...لان حسام مش ممكن يكتب كتابه

ايوة
مافيش حاجة اسمها كتب كتاب

يمكن
اعتقد انها
أكليل..!؟ او حاجة كدا

حسام مسيحي

elkamhawi said...

حسام زى العسل
ربنا يوفقة وشيلية من دماغك

esraa said...

أُكتب بالرصاص:
ههههههههه

لأ حسام مش مسيحي
أنا مصدري حسام نفسه
هو اللي قال ان كتب كتابه يوم الخميس
وكان بيتكلم عن لما كان صايم في رمضان ومشاكلهم بره وانه مرضاش يفطر وملعبش في انجلترا عشان كان صايم طول شهر رمضان.

esraa said...

elkamhawi:
هو عسل بس؟
يارب ربنا يوفقه في حياته وشغله
مانا شيلاه اهو
أعمل أكتر من كده ايه؟

أُكتب بالرصاص said...

ممممم



انا كان قصدي على أحمد حسام
:)

esraa said...

أُكتب بالرصاص:
ههههه
ياراجل (:

Medo said...

هههههههههه جميل جدااااااا البوست

وانا اول مرة ازورك بس ان شاءا لله

مش اخر مرة لان كلام جامد بجد وربنا يخليكى ليه

وحلو قوووى ان الواحد يتكلم مع حد مشهور زى ميدو او غيره

احساس حلو

واتمنى انك تزورى البلوجايه بتاعتى

ولكى جزيل الشكر

esraa said...

Medo:
ربنا يخليك
أكيد احساس حلو
وان شاء الله هزورها
نورتني (:

محمد ثروت الجابري said...

إنتِ عسل جدًا

esraa said...

محمد ثروت الجابري:
ربنا يخليك
ده من ذوقك

مادو said...

ههههههههههههههههههههه
و تلمي الإتاوات بقى
و اللي ما دفعش يجيله سعال ديكي
هههههههههههههه

esraa said...

مادو:
كده
ماشي ربنا يسامحك (:

catroz said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

مش معقوله بجد
البوست دا تحفففه اووووووى
و مبطلتش دحك
و الله كنت هفتكر ان الحكايه دى حقيقيه
انتى دمك زى العسل
هبقى اجى هنا كتير بقى
وزعلاانه اوى لان دى اول مره ادخل هنا
:D

 

The Lost Princess © 2008. Design By: SkinCorner