Thursday, June 14, 2007

ليه بتحبني؟


هي: أنا عايزة اعرف انت ليه بتحبني؟؟ ايه اللي خلاّك تحبني؟؟
هـو: ماقدرش اقولك السبب بس أنا فعلاً بحبك
هي: ماتقدرش تقولّي السبب؟ أمال انت بتحبني ازاي وانت مش عارف ليه بتحبني؟؟
هـو: صدقيني.. معرفش السبب.. بس انا بحبك موت
هي: لا مش ممكن.. لازم اعرف السبب.. حبيب صديقتي دايماً يقولها ليه هو بيحبها.. لكن انت ماتعرفش
هـو: اوكي اوكي.. انا بحبك لانك حلوه قوي، ولان صوتك حلو يهوس، ولانك بتهتمّي بيّـا وبتحبيني، ولان روحك كلها امل وتفاؤل.. ولان ابتسامتك ساحرة وجذابة، واحبك لكل حركة تعمليها وكل خطوة تمشيها

---------------------------

لسوء الحظ ..بعد بضعة ايام حصل للمرأة حادث بليغ واصيبت فيه اصابات بالغة وعندما اتى الرجل لزيارتها.. وضع بجانبها رسالة قصيرة كتب فيها

عزيزتي لجمال صوتك أحببتك.. ولكن الآن هل تستطيعين الكلام؟
كلاّ..
إذن فأنا لا أستطيع أن احبكِ
ولانك تهتمين وتحبين.. احببتكِ، ولكن الآن هل تستطيعين اظهار هذه المشاعر؟
كلا..
اذن.. فأنا لا استطيع ان احبكِ
ولابتسامتك الساحرة.. احببتكِ.. ولكل حركة تتحركينها كنت احبكِ
ولكن.. الآن
هل تستطيعين الابتسام؟؟.. هل تقدرين على الحركة؟
كلاّ..
لهذا السبب فانا لا استطيع ان احبكِ
عزيزتي
لوكان الحب يتطلب أسباباً.. فانت الآن لا تملكين اي سبب لكي احبك ِ من أجله
إذن
هل يحتاج الحب أسباباً ؟؟
أبـــداً.....
فانا لا أزال أحبـكِ.. وسأظل أحبـك ما حييت
------------------------

طبعا حملة الدعاوي لموني لسه شغاله

بس ادعوا بذمه ربنا يخليكوا

الامتحانات رخمه وأكيد هحكيلكوا علي اللي بيحصل في بوست مخصوص ان شاء الله

:ملحوظه

البانر ده من تصميم أحمد فؤاد مع نفسى

51 comments:

Epitaph said...

:)))

That's REAL LOVE
Pure Love

naah Genuine Love

:)

Rabena m3 Menna insha Allah
my sister is 2nd secondary w me7tasa w me7taseen m3aha bardo

Rabena yekremhom kolohm ya Rab

westtewest said...

المدونه جميله جدا دى اول زياره ليا وان شاء الله مش الاخيره
البوست جميلو فكرنى ببوست قديم عندى اسمه
بتحبنى
بتحبنى؟؟
إيه السؤال الغريب ده؟
بس جاوب بتحبنى؟
طبعاٌ
ليه؟
لأنك كذا وكذا وفيك وفيك
يبقى بتحبنى بعقلك
بتحبنى؟؟
إيه السؤال الغريب ده؟
بس جاوب بتحبنى؟
طبعاٌ
ليه؟
مش عارف
يبقى بتحبنى بقلبك

The Groom said...


اللهم ارزقني حبا أكثر من هذا يا رب

بوست جميل

ربنا يكرم منه ويهديها ويوفقها للخير ويكرمها هي وكل من يمتحنون يا رب

تحياتي لك من ماناساس البلد

منة الله said...

اسراء

ادعوك للمشاركة في استطلاع راي

عن اكثر عشرة مدونات تاثيرا في قرائها

عل مدونتك واحدة منهم

اليك الرابط

http://www.6ef.blogspot.com/

الريس said...

الله على ده حب..انا فكرت وانا بقرا اول كم سطر ان مفيش سبب ممكن يتقال للحب لكنه حثيقة موجودة ..مش لازم تعرف تفسرها 100% لكنك بتبقى عارف مفاتيح ممكن تبرر بيها لنفسك سببه ولو راحت المفاتيح برضه بيفضل الحب

REEMOO said...

هو لسه فى حب كده يا اسراء
انا تقريبا فقدت اى ايمان بوجود حب من غير سبب معين
مش عارفه بس دايما تلاقى الواحد بيحب واحده علشان سبب معين
أو تلاقى الواحده بتحب الواحد علشان برده اسباب معينه
تقريبا الحب الحقيقى اللى هو حب للحب وبس من غير اى اسباب مبقاش موجود فى حياتنا
ولو لقيناه هتلاقيه اتشوه بماديات طغت على عصرنا وبقت زى الوباء
متشائمه أنا صح :)))
======
البوست حلو أوى يا قمر
محبتى

Sharm said...

هو فعلا احساس الحب بيبقى من غير سبب

Noony said...

انا واحدة من ناس عارفة إن النوع دة من الحب موجود ومقتنعة بيه جداً..بس حاسة إنه انقرض...يعني اللي يلاقيه..يمسك فيه بإيده وسنانه...عشان بقى نادر أوييييييييي

:)
ربنا يوفق منة وينجحها

:)
نوني

ibn nasser - ابن ناصر said...

مفيش حب كده ...او لايتواجد
ودعايا لاختك وتحياتي

تسـنيم said...

:)

Sampateek said...

الفكرة حلوة و الصياغة احلى
برافو عليكي


تحياتي

sharkawoo said...

:)

جميل ذلك الحب الذي ليس فيه مصلحة غير أنه حب قلب لقب ...

تحياتي ...

camera_girl said...

يااااااااااااااااااااااااااااااااااااااااااااااااااااااااه

انت ىعارفه انى طول عمرى بحل باللحظه لما ارتبط بواحد واقولو انت بتحبنى ليه يقولى من غير اسباب

يعنى يقولى انو بيسحس انو بيحبنى وبس....بوست جامد اوى...وربنا مع منه بس هى دى منه الى هى mony angel

عالشان لو هى نكثف الدعااااااااء

camera_girl said...

سورى فهمت انها منه اختك عموما ربنا معاها يارب

esraa said...

Epitaph:
اكيد لازم يكون ده الحب الحقيقي

ربنا مع أختك يارب
هم وكل اللي زيهم

esraa said...

westtewest:
ربنا يخليك
تنورني طبعا
اها اكيد بيحبها بقلبه(:

esraa said...

The Groom:
أمين يارب
والله ياعبدالله انت تستاهل كل خير

أمين يارب ((:
تحياتي لك ولماناساس البلد(:

esraa said...

منة الله:
ان شاء الله هروح اصوت ((:

بس ادعي لمنة اختي (:

esraa said...

الريس:
اكيد طبعا الحب مالوش سبب
وهو ده الحب اللي بجد

esraa said...

REEMOO:
في ياحبيبتي
والناس الكويسين اللي زينا هم بس اللي هيلاقوه ان شاء الله ((:

انت مش متشأمه بس احنا اللي بنشوفه كتيرررررر
بس صدقيني, ان شاء الله هنلاقيه ((:

esraa said...

Sharm:
أكيد طبعا


وادعي لموني كتييير ((:

zordeak said...

الفكرة جامدة جدا

وحقيقية

كتير من البنات بيكونو عايزين يعرفو سبب الحب

وبيسألو كتيير

يمكن يكونو مستنيين كلام حلو يتقالهم

بس الحب اللى بجد مش شرط يكون ليه سبب

الحب اللى بجد بيكون هوا نفسه سبب

أنا بحبك علشان بحبك

ده أفضل تفسير

وبيتهيألى لما حد بيحب حد كده

يبقى كفاية اوى عليه الكلمة دى وميسألش بعدها


بس يا ستى

احنا بندعى لمونى

ربنا يوفقها يا رب

وتدعيلنا هيا بلقى لما النتيجة تطلع

:)

esraa said...

Noony:
منين موجود ومنين انقرض بس يانوني؟

هو بس بقي قليل شويه
يمكن عشان عدد الناس بقي كتير ((:
بس هو موجود

شطوره ادعي لمنة (:

esraa said...

ibn nasser - ابن ناصر:
لأ في
بلاش العقد دي
صدقني في وبكره تشوف ((:

شطور ادعي لمنة(:

esraa said...

تسـنيم:
ربنا يبسطك كمان وكمان(:

esraa said...

Sampateek:
الأمانه هي مش صياغتي(:

ماتنسيش تدعي لموني(:

esraa said...

sharkawoo:
اها
جميل اووي
نورتني
وماتنساش تدعي لمون (:

esraa said...

camera_girl:
اطلبيها من ربنا ياحبيبتي وهو هديهالك (:

اها هي موني ذا أنجيل
الدعا بضمير بقي ((:

esraa said...

zordeak:

عجباك اوي الفكره
ها
ماشي

البنات فعلا بيحبوايسألو بتحبني ليه وأد ايه؟
سؤالين مهمين جدا

ودايما الاجابه بحبك عشان بحبك
ومقدش أعرف بحبك اد ايه

وطبعا احنا مش بنريح نفسنا وبنسأل تاني ((:

احنا كده

عارفه والله ياحمد انك بتدعيلها
ربنا يخليك يارب


وماتقلقش احنا كمان بندعيلك

elkamhawi said...

اية هو ليل ونهار مش هيبقى ورانا غير مونى ولا اية؟
عموماً ربنا يوفقها

.:.-=- ELGaZaLy-=-.:. said...

هوا بيحبك وبس ودة ملهوش سبب

والفكرة هايلة بجد

3rby said...

eshme3na mena ya3ni
mana bardo fe sanwia
:(


just kiddin'
how r u doin'
miss you so much ma3lesh b2ali azmena sa7eqa ma3detsh enty 3arfa ana zay mena(fe el drasa)

hend said...

الحب مش محتاج لسبب فعلا كفاية ان اتنين يفهموا بعض ويحسوا ببعض

fares said...

ابناء مصر بنحب هنقدر هنغير
http://abna2masr.blogspot.com/

Radwa said...

الحب بيخطف الانسان واللى بيحب بيحب كل حاجه فى اللى ادامه كله على بعضه كدة تركيبه خاصه يعنى مش يحب حاجه والتانيه لا
تحياتى الشديدة

Ma-3lina said...

wow amazing story

that's real love , no reasons just pure love .


raban ykrem menna isa in her exams

esraa said...

elkamhawi:

ايه ده؟
شكلك كده مش عاجبك ياعلاء؟
ومالك بتقول ربنا يوفقها كده من غير نفس (((:

esraa said...

.:.-=- ELGaZaLy-=-.:.:

ربنا يخليك
ويسعدني انها عجبتك (:

esraa said...

3rby:

انت اللي غلطان
كان لازم تقول انك في ثانويه وعايز الناس تدعيلك
ربنا معاك ويوفقك انت وكل اللي زيكم يارب

انا الحمدلله كويسه, ولا يهمك ياسيدي ذاكر انت بس كويس هو ده المهم دلوقتي وربنا معاك (:

esraa said...

hend:

أكيد ده كفايه اوي
بس ماتبقيش تسأليه بتحبني ليه (:

esraa said...

fares:

طبعا احنا أبناء مصر وبنحب مصر وان شاء الله هتغيرها
انا رايحه أشوف اللينك اهو (:

esraa said...

Radwa:

أكيد اللي بيحب حد بيحبه كله علي بعضه حتي بعيوبه
ده ممكن كمان يدافع عن العيوب دي ومايشوفهاش
أو يستعبط ويعمل نفسه مش شايفها

نورتيني يارضوي
وماتنسيش تدعلي لموون(:

esraa said...

Ma-3lina:

(:
اها , أكيد ده الحب الحقيقي(:
أيوه كده برافو عليكي ادعيلها

الشنكوتي الكبير said...

جميله قوي الفكره برافو عليكي
اصعب سؤال هو السؤال ده بتحبني ليه
لدرجة اني ساعات بيتهايألي اني لو عرفت اجاوب السؤال ده بأسباب منطقيه يبقى انا مش بحبها ولا حاجه دي مجرد حاله من الأعجاب
الحب مالوش سبب
وبييجي كده زي الخبطه المفاجأه
من غير سبب ولا معنى كله كده دهوله
بس بيبقى حلو قوي لما يكون من الطرفين
جميل انك تحب والأجمل انك تتحب
بس مينفعوش من غير بعض
سلااااااااااااااااااااام

buffy said...

so lovely but i think tht in romantic stories not in real

esraa said...

الشنكوتي الكبير:

ساعات بيتهايألي اني لو عرفت اجاوب السؤال ده بأسباب منطقيه يبقى انا مش بحبها ولا حاجه دي مجرد حاله من الأعجاب
الحب مالوش سبب
وبييجي كده زي الخبطه المفاجأه

حلو أوي كلامك ده(:
وكله صح طبعا

esraa said...

buffy:

لأ وفي الحقيقه كمان ((:

S H A H said...

عجبني قوي قوي قوي البوست ده يا برينسيس

esraa said...

S H A H:
اتفضله ((:

يسعدني انه عجبك

Anonymous said...

الله
حلوة اوي منة
هي مرتبطة :P

mraghy said...

بوست جميل

و فعلا روعة و جمال الحب تكمن في عدم معرفة اسبابه

تقبلي مروري

 

The Lost Princess © 2008. Design By: SkinCorner