Sunday, June 14, 2009

الفرصة الثانية




لما كنت في ثالثه ثانوي كان عندي امتحان في درس الفيزياء
ويوم توزيع الورق المدرس بتاعي ساب ورقتي للأخر خالص و قبل مايديني الورقه قالي غلطتي , هي اه غلطه صغيره لكنها نقصتك درجه, غلطه لو كنتي ركزتي مكنتيش غلطتيها
انا قلتله اني معنديش مشكله اني اغلط, لأن الحاجه اللي بغلط فيها مش ممكن انساها, وعشان كده استحاله اني اغلط فيها تاني في امتحان أخر السنه, يعني اني اغلط مش حاجه وحشه بالعكس دي حاجه مفيده
يومها هو ضحك وقال حبيت احرجها لأنها غلطت فحرجتني هي وطلع الغلط حق مكفول للجميع

يمكن عشان كده انا مؤمنة تماما بالفرصه التانيه, لأني مش ممكن هغلط نفس الغلطه مرتين
وطالما انا شايفه ان الفرصه التانيه من حقي اللي ممكن احارب عشان اخادها, فأكيد ماينفعش اني احرم منها غيري وتكون حق مكتسب ليا أنا بس
بس كمان تجارب الحياة أثبتت ان الناس اللي بتتعلم من اخطائها قليلين جدا
وإن في ناس كتير لو اتحطوا في نفس الموقف مليون مره هيعملوا فيه نفس اللي عملوه في المره الاولي حتي لو كانوا متاكدين انهم غلط 100% ومعندهمش شك في ده
لكن لما تكون محطوط في موقف انك تدي لغيرك فرصه تانيه فمش من حقك انك تحرمه منها وترجع تطالب بيها لنفسك الفرصه التانيه حق لكل الناس وهم احرار انهم يتعلموا من الاولي او يغلطوا نفس الغلطه تاني
لكن الأكيد ان مفيش فرصه ثالثه مهما حصل

24 comments:

تــسنيـم said...

طب يارب يكون ناصح ويتعلم من فرصته التانية.. وإن كنت أشك في ده


أصل إحنا مبنتعلمش :))

شيماء زايد said...

الغريبه ان فلسفة الفرصه التانيه دي منعدمه في حياتنا اليوميه

ودايما بنصدر الحكم من اول جلسه

وفي ناس لو اخدت الف فرصه حتكرر نفس افعالها

تحياتي

راسبوتين said...

السلام عليكم
الإنسان العاقل هو من يحسن دائما استغلال الفرصة الاولى
شكرا ...وأرجو قبول مرورى

صدفة جميلة said...

السلام عليكم ورحمة الله وبركاته
اولا ربنا ادانا عقل ودانا ماضى هذا الماضى يكون مايسم بالخبره لان كل مايزيد الماضى تزيد الخبره وتقل الاخطاء والانسان الحق هو من يتعلم من ماضيه واخطائه والا سيكون انسان محروم من نعمة العقل
لكن غاليا الخطا الاول بيكون صعب فلذلك على الانسان ان يعد نفسه جيدا ويستفيد من خبرات الاخرين بطرق عديده

blue-wave said...

صح اوى اوى اوى الكلام دا

micheal said...

أكيد..قليلون من يتعلموا من أخطائهم
في وقتنا الحالي لا تمنح الحياة فرصة ثالثة أبدا وفي بعض الأحوال لا تنمنح فرصة ثانية من أساسه
تحياتي

لاسع افندى said...

مش كل الناس بتقدر تستفيد من الفرصه التانيه



تحياتى

dandana said...

مابحسش انها فرصة تانية
وخصوصا فى يومياتنا
بحس انها فرصة للبدء من جديد
بحبها كدا أكتر

بس بخصوص اللى مابيتعلمش
موافقة جدا

mohamed ghalia said...

معاكى حق المهم نصحح الغلط فى المرة التانية

safa7_karmooz said...

انا اديت حد قبل كده 5 فرص ...ومستغلهاش صح :D

الجواز و سنينه said...

فعلا
المفروض لو هاسمح لنفسى بفرصه تانيه
يبقى لازم اديها لغيرى
بس ده على حسب الغلطه
فى غلطات مش محتاجه اى فرصه تانيه

FadFadA said...

من أقوال أينشتاين الرائعة

الجنون هو أن تفعل الشيء مرةً بعد مرةٍ وتتوقع نتيجةً مختلفةً

من لم يخطئ، لم يجرب شيئاً جديداً

تذكرت هذه الكلمات بعد قراءة تدوينتك

محمد

بسمة said...

اشك ان في حد مؤمن بفلسفة الفرصة التانية

الناس ببساطة بقت بتخاف من بعض جدا لدرجة تمنعها انها تدي الامان لحد جرحها تاني..واحتمال كبير انها بتخاف من نفسها اكتر

وعلى فكرة..يمكن جداً اكون انا واحدة من الناس دي بس مش واخدة بالي..بس لو عليا نفسي اخد فرصة تانية في حاجات كتير قوي ومستعدة ادي فرصة تانية لأي حد محتاجاها لو اقدر

:)

Fkrny said...

فركتونى باللذى مضى

maioya said...

انا فعلا مع فلسفه الفرصه التانيه
وبعتبرها انها ممكن تبقي
فرصه حياه او موت
ولازم الكل ياخدها
سواء احنا ولاغيرنا
بس تبقي اخر فرصه
لان مش الكل بيتعلم

اسماء واحلام فى وجدانى said...

الاميرة مش سندريلا

طيب دارى على اخوكى

كده بردة

على العموم انتى دايما بتنورنينى

ومش عارف اقولك حمدلله على السلامة ولا اقولك اعتذر عن التاخير لانى اتعودت انى اجى هنا والاقى بوستك زى ما هو بس المردةدى الحمد لله لاقيته اتغير
دمت فى رعاية الله وحفظه

Anonymous said...

السلام عليكم ورحمة الله وبركاته

elsha3er said...

السلام عليكم

انا جيت اسلم يارب تكونى بخير

تحياتى


احمد الشاعر

Pinky said...

معتقدش كل غلطة تستحق فرصة تانية
في غلطات بتكلف البني ادم كل الفرص

mahasen saber said...

احنا مبنتعلمش بالساهل ابدا

المهم ايش لونك وحشتينى جدا
تخيلى

بنت أبيها said...

جميل انك تدي لغيرك فرصة تانية

كتير مش بيعمل كده

جريدة الصباح العربي said...

انتهينا من اختيار الفائزين في مجالي الشعر والقصة القصيرة وذلك لعددنا الأول ولكن مازلنا نرحب بكل الأعمال لأن المسابقة دورية , من يريد أن تصل أعماله من مدّونته الى جمهور القراء فى مصر والوطن العربي , ارسل لنا أعمالك من قصة وشعر وخواطر الى البريد الألكتروني التالي
arabicsabah@yahoo.com
كما نرحب بمقالاتكم التي ستنشر فور ارسالها على جروب الجريدة وستصبح مفتوحة لمناقشتها بين القراء ... تابعونا على جروب الجريدة
http://www.facebook.com/group.php?gid=78080770039
انتظرونا قريباً في الاسواق
تحياتي
الصباح العربي

صدفة جميلة said...

السلام عليكم انتى فين يارب تكونى بخير

Diyaa' said...

lol @ tasnim :D


اسراء
بعض الأخطاء مينفعش تتكرر مرتين
ولكن لو حصل سماح
فده كرم أخلاق أكيد

 

The Lost Princess © 2008. Design By: SkinCorner