Tuesday, June 9, 2009

منك لله


عارفه حارقة قلبها لأني عشتها قبل كده وجربتها
وكأن الحياه مش مكفيها ان حد فينا يجربها
وكأنها مكتوبه علينا ولازم ندوقها
الألم اللي فوق الوصف, والأمنية الوحيده بان القلب يبطل يدق لأن ده طوق النجاه الوحيد والحل الاوحد لايقاف الألم
الوجع اللي مفيش كلام يوصفه, والاحساس باننا اضعف بكتير من اننا نستحمله
الشعور بان الناس مهمها حاولت تفهم عمرها ماهتقدر لأنها ماجربتش
الاستعداد التام بمقايضة العمر براحة القلب
الدموع اللي بتنزل علي القلب تحرقه عشان مش قادرين ننزلها قدام الناس


مش هقولك غير حسبي الله ونعم الوكيل فيك
وان شاء الله هتدوق كل اللي انت عملته فيها
هتلف الأيام وربنا هيحرق قلبك
ربنا هينتقملها منك وهيجبلها حقها لحد عندها
هتندم ندم عمرك , وهي هتحس ساعتها براحة البال والقلب
روح ياأخي منك لله

13 comments:

Diyaa' said...

لست الوحيدة في البلاء ... فما سلم من الهم أحد ... و ما نجا من الشدة بشر


:)
إن الله مع الصابرين

وأكيد أفضليتنا علي بعضنا بصبرنا مش بسعادتنا :)

ربنا يصلح الحال بإذن الله

TAFATEFO said...

:(

تــسنيـم said...

(hug)

إنـســـانـة said...

خليها تقول اللهم أجرنى فى مصيبتى وأخلف لى خيراً منها

وتقول لعله خير

ومحدش عارف لو القلب استمر مع اللى شايفه مريحه كان حيحصل ايه فى الآخر .. يمكن يكون كويس بس اللى حواليه مش كويسين ويتعبوها

ربنا دايما بيخترلنا احسن حاجة لينا .. هيا بس تصبر وربنا قادر يكرمها ويعضوها خير

اللهم آمين

Appy said...

ايه يا لولو ده دا انتى كلماتك اصلا مش محتاجه حد يجرب دى بتوجع اوى
معلش يا حبيبتى

esraa said...

Diyaa' :

دي حقيقه

يارب أمين

هي فعلا تستاهل كل خير

esraa said...

TAFATEFO :

:`(

esraa said...

تــسنيـم:

(k)
(h)

esraa said...

إنـســـانـة :

أكيد قريت وقالت

انا شايفه فعلا ان بعده خير

منه لله بقي

esraa said...

Appy :

هو فعلا وجع قلب يابطوطه

بجد طول عمري بدعي ان عمر ماحد يجربه

ادعيلها باابي
وادعي عليه
(وش شرير

Bondok said...

ربنا يصبر القلب الموجوع
و ان شاء الله الجرح يخف المه و مش حقلك يخف خالص لان الجرح الي وصفتيه مش بيخف عمره

كيــــــــــــارا said...

ربنا معاها

وربنا اكيد هيجبلها حقها

حرقة القلب وحشه

micheal said...

تجربة وعدت وأكيد الواحد اتعلم منها يا إسراء

 

The Lost Princess © 2008. Design By: SkinCorner