Thursday, August 14, 2008

...بكره ممكن يكون متأخر أوييي

تحديث
في ناس قلقت عليا واعتقدت اني عيانه او اني هموت بسبب البوست ده
بس انا مكتبتوش بسببي, أنا الحمدلله كويسه
في حد أعرفه ربنا أختاره بنفس الطريقه اللي توفي بيها بن خالتي, ربنا يرحمهم هم الاتنين
فالموضوع فكرني بيوم ماكتشفت ان بكره بقي متأخر أوي
--------------------

رغم إيمانا التام بأن الموت ممكن يجي في أي لحظه, وإنه معندوش أي قواعد أو مقايس وإن مفيش فرق بين العجوز أو الطفل أو شاب في عمر الورد

رغم إننا مؤمنين إن النفس اللي بنخرجه مانضمنش ندخله تاني, ولا إن قلبنا يدق بعد الدقه دي مرة تانية إلا إننا مابنتعاملش مع الناس علي أساس إن دي ممكن تكون أخر لحظه في حياتهم ولا إن ده ممكن يكون أخر يوم في عمرهم

مابنفكرش إن اللي ظلمناه أو جرحناه أو وجعناه, دي ممكن تكون أخر حاجه نعملها معاه

مابنفكرش إن ممكن يكون وجعنا له أخر لحظه في حياته

تصرفاتنا وكلامنا هيختلفو كتير لو فكرنا إن قرارانا ده ممكن يكون أخر لحظه في حياة أقرب الناس لينا

معرفش ليه لازم الحد ده يعمل حادثه ويعيش منها بمعجزه عشان نفتكر إن الموت بيجي في لحظه وعشان ساعتها بس ناخد بالنا إننا مانقدرش نعيش علي الارض وهو مش عليها

قليلون جدا هم المحظوظين اللي مش بيقولو جملة ياريته كان عاش وانا كنت عوضته عن أي ألم سببتهوله في يوم من الايام

لأن قليلين اوي هم اللي بيعيشو بعد الحادثه وبيكون عمرهم لسه ماخلصش لما عملوها

العمر أقصر بكتير من إننا نضيعه في حاجات مالهاش أي لازمه

فكر من منظور تاني وأكيد هتعيش الحياة بشكل مختلف


فكر إن لو ده أخر يوم ليك هنا علي الأرض هتعمل فيه ايه ومع مين؟ بغض النظر عن الظروف لأن الظروف إحنا اللي بنخلقها

فكر لو ده أخر يوم ودي أخر لحظه في حياة أقرب ماليك في الدنيا

فكر لو انك فعلا هتفقده للأبد

55 comments:

pcsolotto said...

Interesting topics could give you more visitors to your site. So Keep up the good work.

blue-wave said...

ممممممممممممم
كلام مؤثر اوى بجد
ياريتنا نقدر
قبل ما نندم
تحياتى

mohamed said...

بسم الله الرحمن الرحيم

{كُلُّ نَفْسٍ ذَائِقَةُ الْمَوْتِ وَنَبْلُوكُم بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ }الأنبياء35

لو علم الكل أن الدنيا دار أختبار وليست دار بقاء, وأن الكل يجزى بما عمل
وأنة لو أساء لأحد سيحاسب وأنة لو أحسن لأحد سيثاب

ولكن هؤلاء قوم الهتهم متاع الدنيا وأنانيتهم


{أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْمٍ وَخَتَمَ عَلَى سَمْعِهِ وَقَلْبِهِ وَجَعَلَ عَلَى بَصَرِهِ غِشَاوَةً فَمَن يَهْدِيهِ مِن بَعْدِ اللَّهِ أَفَلَا تَذَكَّرُونَ }الجاثية23

Baher said...

مممممممممم ايه هى اخر حاجة اعملها فى حياتى ؟
والله سؤال صعب لأنى لو عرفت انى هاموت بعد ساعة مش هايكون لى نفس لإى حاجة
حكمة الموت انه بييجى فجأة عشان صعب اوى ان الواحد يعييش وهو عارف انه هايموت بعد شوية
تحياتى,,,

maioya said...

حلو البوست اوي
بس بطبع الانسان انه مش بيقدر
قيمه الحاجه الا لما تضيع منه
وتروح خلاص من ايده
وقليل اللي بيقدر بس موجودين
لو اخر لحظه ليه لاقدر الله
معتقدش اني وقتها ممكن افكر
اعمل حاجه غير اني اكون معاه
بس
yarab tkon el fos7a tmam
br3'm bra2t mamdo7 isma3eel
3ade et3wdna 3la el7agat de :S

Bob said...

[جميل الموضوع
فالانسان يبعث بعد الموت على اخر شئ عملة سواء كان خير او شر
لذلك يجب علينا التيقن من حقيقة الموت ولاجدال فى ذلك
وشكرا

حامد سليمان said...

تم اضافة مدونتك فى … مدونة اعجبتنى ” دليل المدونات المفضلة للمدونين والقراء العرب ” بناءا على رغبة احد (المدونين / القراء)

نرجوا ربط مدونتك معنا …..
shofha.blogspot.com

تشرفنا زيارتك ويهمنا رايك فى المدونات المفضلة لك …

بالتوفيق دائما
ادارة المدونة

واد غلبان said...

كلنا لا يحب الكلام عن الموت
وانا اقرا البوست احسست بطابع من الامتعاض
بل وجرت عينى على السطور
وانزلقت يدى على الماوس لتأتى لى بالبوست التالى
قرأته وحمدت الله على سلامة رجوعك
وحينما بدأت الحديث عن امور اشد امتعاضا عندى مثل ممدوح اسماعيل والثورة وكل هذه الامور
وثبت يدى فوق الماوس مرة اخرى لتذكرنى بالموت مرة اخرى
وعندا تذكرت اعتبرت
وقبل ان انهى التعليق ساكون نسيت
تحياتى
وارجو زيارتك

Zanooba (Zeinab sab9n) said...

أولاً دي أول زيارة لمدونتك و إنشاء الله الجيات أكتر من الريحات ...صح و الله كلامك كله صح الحياة قصيرة فليه نضيعها في الكره و الحسد و الألم و الهم و التفاهة ..أغلب الناس بتعتبر الكلام عن الموت كلام وحش و فال فقر بس الحقيقة أن الواحد لما يفهم الموت بتهون عليه مصايبه لأنه مش ضامن إذا كان حيعيش لحد ما اللي خايف منه ده حيحصل ...و ساعتها حيفكر يعيش الحياة اللي بيستحقها بجد

تقبلي مروري و السلام عليكي

المحرر الصحفي والشاعر : عمــاد الدين يوســـف said...

كلامك جدا حلو ومؤثر
تحياتي وادعوكي لزيارة مدونتي المتواضعه

العراف said...

اولا موضوع اكتر من رائع واهنيكى على حسن اختيارك الموضوع بصى كل من عليها فان ويبقى وجهه ربك زل الجلال والاكرام يعنى دى حقيقه وربنا وحده اللى يعرف نصيب كل واحد وكل واحد وعمله وانا لو كنت عارف انى فى حد قريب منى ووقته قليل فى الدنيا اكيد هفضل معاه وهعامله اكتر من كويس شوفى بقى لو كان قريب كان منى قوى هعمل ايه لو كنت اقدر اعيشه الحياه كلها فى الكام يوم اللى بقين له هعيشه ودمى لنا بالجديد وانتظرى منى موضوعى عن هذا الموضوع فى الحقيقه هيا خلصانه من زمان بس كنت مستنى انزله امته واهه جه وقته بهنيكى على الموضوع الرائع ده

esraa said...

pcsolotto:

thx
(:

esraa said...

blue-wave:

بس ده نادر اوي انه يحصل

esraa said...

mohamed:

صدق الله العظيم

مفيش حد بيشوف نفسه انه غلطان اصلا يامحمد

الشجاعه انك تعترف انك غلطان وتصحح غلطك

esraa said...

Baher:

ليه بس

الموت بيجي فجأه عشان احنا نكون ساهين عنه ومش عاملين حسابه

هو اكيد صعب

بس مابالك لو اقرب الناس ليك هو اللي هيموت؟

esraa said...

maioya:

ربنا يخليكي ياجميله

طب مالانسان هو اللي خله ده طبعه

ربنا يسعدك ياحبيبتي
(:

ههههههههههه
لأ بايني لسه ماتعودتش

esraa said...

Bob:

اها هو حقيقه بس بننساها

او بنعمل نفسنا ناسينها

esraa said...

حامد سليمان :

(:

esraa said...

واد غلبان:

(:

ايه افتكرت اني مت ولا ايه؟

المهم نكون بنعتبر

نورتني(:

Mony The Angel said...

Tomorrow is always late :)

I once told u :)

محمد عبد الغفار said...

غافلون

esraa said...

Zanooba (Zeinab sab9n:

نورتيني

اكيد الحياه اقصر بكتير من ده كله
هي حتي اقصر من اللي خايفين منه

وعليكم السلام ورحمة الله وبركاته

esraa said...

المحرر الصحفي والشاعر : عمــاد الدين يوســـف:

ربنا يخليك

أكيد ان شاء الله
(:

esraa said...

العراف :

ربنا يخليك بجد
(:

ده أكيد اي حد هيعمل كده
فليه بقي مانعاملش بده علي طوووووووول؟

اكيد هستناه

ميرسي(:

esraa said...

Mony The Angel :

اها حصل يافندم

esraa said...

محمد عبد الغفار:

جدا

hend...hanady said...

ياريتنا نحط فى دماغنا كلنا حديث الرسول صلى الله عليه وسلم اعمل لدنياك كأنك تعيش أبدا .. واعمل لآخرتك كأنك تموت غدا

ساعتها هتلاقى كل واحد بيراعى ربنا ويراعى اللى حواليه

Gelaan said...

بسم الله
الموضوع كتير حلو
ومؤثر اكتر واكتر
لو عرفت انى هموت كمان شويه
الحاجه الوحيدة الى هعملها والى بجد نفسي اعملها
انشر القصائد والمواضيع بتعتي واشتري كتاب اعلام الفلاسفه لهنري توماس
بس
تحياتى

المدون / أحمد كجول said...

السلام عليكم
بعد التحية و السلام نفيدكم علما بأن مدونة
شباب الصحبة
بدأت المرحلة الاولي من العمل و نحن نقدم الان أجرأ و أكثر المقالات التي تتنوع ,, نرجو منكم المشاركة من جديد ابداء الرأي علي المواضيع وبدأ التعليق ,, كما أرجو المشاركة في الاستفتاء

دة أمل ليا و شرف ,, انا حكون سعيد لو تمنحهولي

مجهود أكثر من 5 شهور ينتظر أجابة فرد

و جزاكم الله خيرا علي كافة الاحوال
http://so7bah.blogspot.com/

wafaa said...

أحبب من شئت فإنك مفارقه
هيا دى الحياة

تحباتى
وفاء

abo salah said...

بعد السلام عليكم

عندك حق فى كل كلمة

لا أعلم لماذا دوما لا نشعر بقيمة الشئ الا بعد فقدانه

بعد فوات الأوان

ونظل نندب حظنا ونندم ونتحسر
حيث لا ينفع الندم والحسرة

موضوع رائع

تحياتى ليكى
وكل سنة وأنتى طيبة

عاشقة الوطن said...

السلام عليكم

ازيك يااسراء ايه اخبارك ياجميل

موضوعك مهم اوى
لان فعلا احنا كل يوم ممكن نفقد حد عزيز علينا ونقول ياريت كنا اتعاملنامعاه احسن معاملة
طيب لو احنا فعلا زى ماانتى بتقولى ديه اخر لحظة فى حياتنا او اخريوم ممكن نعمل حاجة مفيدة نرضي بيها ربنا عزوجل
ممكن نعمل خير ربنا يجزينا عنه خير برضه ويكون سبب فى دخولنا الجنة
ممكن نساعد حد محتاج عشان نخليه يضحك بجد من قلبه
ممكن نسعد اقرب الناس لينا ونتعامل معاهم اكننا فعلا ده اخر تعامل معاهم

لو فكرنا فعلا باخر لحظة فى حياتنا هى اللحظة ديه وفكرنا اننا نعمل فعلا الصح ونعمل حاجات منندمش عليها اكيد الناس كلها هتتغير والموضوع هيختلف والناس هتحب بعض بجد


معلش ياجميل طولت عليكى
بس فعلا موضوعك جميل جدا وداخل دماغي كمان

ربنا يكرمك يارب ياجميل ويوفقك

تحياتى

كاتب مصري said...

أنا مش عارف أقول ايه بس معلش لك تاج عندي..أدخلي مدونة أوراق وأسرار من البروفايل بتاعي وشوفي التاج وحليه يا فندم..معلشي بأه

VEЯŎ said...

gamela bgad :)

يا مراكبي said...

البقاء لله أولا

ثانيا .. العمر قصير جدا مهما طال .. واللي بيحسسنا إنه طويل هو طول الأمل

ربنا يحسن لنا الخاتمة جميعا

مواطن مصري said...

كلام حلو

Diyaa' said...

تفكير صعب
بس هو يا ريتنا كلنا علي بالنا اللحظات دي ومش ننساها
لأننا مخلوقين لإمتحان
مش عيشة والسلام وانبسط واجري
فالإمتحان لازم أقفله قبل ما الوقت ينتهي وأنا مش عارف الوقت هينتهي إمتي
عشان كده مش لازم أتخيل إن النهاردة أخر يوم
لأ كل يوم يبقي كأنه أخر يوم
وعلاقتي بربنا وباللي بحبهم تبقي مثالية
بس الكلام سهل..لما بنيجي للواقع بننسي أغلبه

بس التأمل ده دخل دماغي :)

وشكراً لإضافة الفيس بوك :)

david santos said...

Really beautiful!!!
Congratulations.

esraa said...

hend...hanady:

ياريت

esraa said...

Gelaan:

بعد الشر عنك ياجميله

وان شاء الله تحققي كل احلامك

نورتيني
(:

esraa said...

المدون / أحمد كجول :

وعليكم السلام ورحمة الله وبركاته

ان شاء الله أكيد
(:

esraa said...

wafaa:

هي من جهة هي فهي فعلا

esraa said...

abo salah:

بعد وعليكم السلام ورحمة الله وبركاته

ايوه ماهي ليه دايما دي اللي انا كنت عايزه اعرف سببها

بس بردو ماعرفتوش
(:

ربنا يخليك

وانت طيب
(:

esraa said...

عاشقة الوطن:

وعليكم السلام ورحمة الله وبركاته

الحمدلله تمام
(:

هو احنا فعلا ممكن نعمل حاجات كتييييييييير اوي

ولا يهمك انتي تطولي زي مانتي عايزه

يارب أمين

وانتي كمان
(:

esraa said...

كاتب مصري:

تاج
ياااااااااااه

ربنا يسهل ان شاء الله
(:

esraa said...

VEЯŎ:

انت اجمل
(:

عين ضيقة said...

تعرفى

أنا اكتشفت فعلا قريب ان بكرة متأخر أوى

ـــــــــــــــــــــ
الموت بقى اول مرة اجربه قريب منى الفترة اللى فاتت

تعرفى انه امر شىء ممكن يحصل

ــــــــــــــــــــ
كل رمضان وانتى طيب
ومعلش اتاخرت عليكى

esraa said...

يا مراكبي:

ونعم بالله

اللهم أمين

esraa said...

مواطن مصري:

ربنا يخليك
(:

esraa said...

Diyaa':

أيوه هي المشكله فعلا ان الكلام هو اللي سهل

الحمدلله انه دخل ياباشا
(:

العفو

esraa said...

david santos:

thx david
(:

esraa said...

عين ضيقة:

):

ساعتها بتكتشفي انها مش حاجه بتحصل للناس وبنسمع عنها وبس

لأ بتكون حقيقيه وبنحس بشعورها للي مش ممكن اي كلام يوصفه

وانتي طيبه ياحبيبتي
ولا يهمك ياجميله
المهم تكوني بخير

Anollipian said...

حلو اوي الموضوع ده ، و سبحان الله لو فعلاً قبل كل حاجة نعملها بنفكر ان ممكن دي تكون اخر حاجة فحياتنا ..اكيد مكانش حال المسلمين بقى كده !!

esraa said...

Anollipian:

انتي أحلي

هو أكيد فعلا كل حاجه كانت هتتغير

Mr.Monty said...

kam gamd awy
w f3lan mo2thr awy
bokra momkn ykon mt25r awy

 

The Lost Princess © 2008. Design By: SkinCorner