Friday, July 11, 2008

...جاءت أخيرا


ابتسم عندما رأها تقترب منه فلقد انتظر ذلك منذ زمن بعيد
جلست بجواره فأسند رأسه إلي الخلف, وضعت يدها علي قلبه فازدات ابتسامته, فتحت باب قلبه فسمع صوتا يدل أن هذا الباب لم يفتح منذ مدة طويلة
دلفت إلي الداخل فبدأت الراحه تسري في جسده
وجدت عند أحد الأركان ألام فحملتها للخارج, وجدت علي الجانب الأخر أحزان فأشارت لها بالخروج فخرجت الأحزان طائعه
وجدت الحب مختفي تحت بعض الغبار فحملته ووضعته في المقدمه
أزالت الغبار عن جدران القلب ولونته بما تحب من الألوان
وضعت ابتسامتها مكان الألام وقبلتها مكان الأحزان , نثرت بعض السعادة في المكان فشعر بها تتسرب إلي روحه
نظرت حولها لتجد أن قلبه أصبح أجمل قلب دخلته في حياتها
عندما انتهت عادت للجلوس بجانبه فاعتدل, احتضنته وطبعت قبلة علي خده وأخبرته أن ميعاد ذهابها قد حان, ضمها إلي صدره بقوة وأخبرها أنه لن يسمح لها بالرحيل, فلقد أمضي ماذهب من عمره في انتظارها

48 comments:

maioya said...

هوا اللي يستني حد طول عمره
ممكن يفرط فيه بسهوله
اشك ;)
جميله اوي

Anonymous said...

سلام عليكي يا اسراء
جميلة جدا .اسلوبك جميل في الوصف .:ت شايفة ل الي بتعمله البنوتة جوه قلبه ..
لو في يوم كتبتي جزء تاني للقصة متخليهاش تبعد عنه وخليه هو كمان يفضل معاها و مفيش حاجة تبعدهم عن بعض عشان الحزن ميسكنش قلوبهم

سلام
مها

blue-wave said...

الللهههه
بجد تحفه
ما احوجنى واحوجنا جميعا لواحدة مثلها
تحياتى

Cold air said...

esraa

إيه الجمال و الروعة دي
حقيقي خاطرة غاية في الجمال و أتقنتي وصفك الملائكي للفتاة و لحبها الطاهر الذي يبحث عن جلب السعادة لحبيبها دون أن تنتظر المقابل

أما وصفك للقلب و خاصتا حين فتحت
الباب و سمعت صوت يدل علي أن القلب لم يفتح منذ زمن بعيد فده شغل محترفين والله
سعيد بعودة الحياة لكلماتك ودامت لنا إبداعاتك
برافو وشكرا عالخاطرة و ياااااااه لو كانت الفتيات مثل هذه الملاك الرقيق

شكرا و سلامي وتحياتي لك

RaRa said...

ايه الرومانسية دى ياأسراء
بجد تحفه مالهاش حل بجد

yasmina said...

يا سلام
فعلا عمره ما لازم يتركها تروح

تحياتي

Unknown said...

تجنن يا إسوو بجد

أية الشقية الشعنونة said...

الله يا اسراء الله
تصفيق حاد وصفارة
لا اتنين
اول واحدة تخرجى من مود الكابة وتخرجينى معاكى
عسل بجد
تفاؤل وحب حقيقى وبجد
هو ده الشباب وهى دى الحياة
دمتى مبدعة يا بنت بورسعيد
تحياتى يا سوسو

Unknown said...

جميل اوي انه طلب منها تفضل ..
و كويس.. انه خد باله ان اللي حصل في قلبه دة كان منها هي ..
...
وصف جميل أوي :)
خاطرة حلوة ..
سلمت يداكِ.

كلام وخلاص said...

دى الساحرة الطيبة اكيد جميلة مشاعرك والاجمل لو عشتيها
سلام

shabfa2re said...

بوست حنين اوى :)

عاشقة الوطن said...

السلام عليكم

ازيك يااسراء

جميل اوى شعور الحب والاحساس باللى بتحبيه وقربك منه
جميل جدا

تحياتى ليكى ياقمر

زئير الحب said...

يا يا اسراء
ايه الكلام ده ... انا بجد حسيته قوي

انا بدأت مدونة جديدة اسمها كلام في الحب

وبجد انا مبسوط ان لسة فيه قلوب بالحنان ده

تحياتي يا اسراء

وبصراحة كل ردود الناس الحلوين اللي عندك جميلة

نفسي ادخل لمدوناتهم كلهم ... بس بجد مش فيه اي وقت خالص لكني هعمل كده واحدة واحدة
علشان انا مش عايز بصراحة افوت فرصة التعرف علي الناس الحلوة ديه

تحياتي يا شباب

زئير الحب

العراف said...

كلمات جميله جدا تسلمى على الاحساس الجميل ده وانا مستنى منك جديد

momken said...

فى حجات بتتولد وتكبر جوانا متقدرش
نتخلى عنها
صح ولا لاء

البوست حلو
تحياتى

wade7 said...

جميلة و رقيقة جدا

بس كان نفسي تتطلع مراته هى اللي بتبوسه .. مش صاحبته..

احنا يا جماعة فيه خطه في كل الافلام ان الناس تتعود ان فيه بنت وولد بيتقابلوا في شقة و يعيشوا حياتهم عادي جدا .. ولا ذكر للجواز و لا تنويه ان دي حاجة حرام ..

انا خايف على بنتي عندها 3 سنين ربنا يستر

يا مراكبي said...

هو فيه حد في الدنيا ممكن يسيبها بعد كل اللي عملته ده؟ مستحيل

أية الشقية الشعنونة said...

فين جديدكيا اسراء
فى انتظارك

buffy said...

nice post so simple but so deep too

jimms said...

كلمات رائعة بجد


فتحت باب قلبه فسمع صوتا يدل أن هذا الباب لم يفتح منذ مدة طويلة

دى جامدة اوى

Bob said...

بجد خاطرة جميلة
ونرجو المزيد

Ehab said...

يا بختهم

ااااااااااااااه الحب حلو قوي

سلااااااااااااااااااام

كريم البحيرى said...

دى اول مرة ادخل مدونتك الا انى بجد واخد انطباع هايل عنها وعجبنى جدا اسلوبك فى الكتابة وان شاء الله متكونش الاخير
كريم البحيرى
معتقل المحلة
فى احداث 6 ابريل

Unknown said...

maioya:

مممممممممممم

والله هو في ناس بتفرط
معرفش بسهوله ولا لأ
بس بيحصل

انتي أجمل

(:

Unknown said...

maha:

ربنا يخليكي ياجميله

عشان خاطرك انتي بس مش هبعدها عنه
(:

Unknown said...

blue-wave:

المهم انها لما تبقي معاك ماتضيعهاش

Unknown said...

Cold air:

(:

ربنا يخليك

محترفين مره واحده
ربنا يخليك يارافع من روحي المعنويه

الملائكه لا يعيشون علي الأرض

(:

Unknown said...

rara:

ربنا يخليكي ياجميله

يسعدني انها عجبتك

Unknown said...

yasmina:

ياريت

(:

Unknown said...

إنـســـانـة :

انتي اللي تجنني ياحبيبتي

هكلمك عشان اعرف في ايه؟

Unknown said...

أية الشقية الشعنونة:

(:

اوعي بس ايدك توجعك وانتي بتصقفي

لأ مانا مابحبش مود الكأبه
شكله هو اللي بيحبني
(:

ربنا يخليكي ياجميله

Unknown said...

قهوة بالفانيليا - شيماء علي:

بالظبط ياشيماء المهم انه كان يعرف ان هي اللي عملت ده
ويعرف قيمة اللي عملته

الله يسلمك ياجميله
(:

Unknown said...

كلام وخلاص :

اها هي بالظيط

عرفتي ازاي؟

اول ماهعيشها هقولك علي طووووووووووول
(:

نورتيني

Unknown said...

shabfa2re:

(:

Unknown said...

عاشقة الوطن:

وعليكم السلام ورحمة الله وبركاته

هو فعلا جميل محدش يقدر يقول حاجه

ربنا يخليكي ياجميله
(:

Bob said...

جميلة ياسراء بس لازم يكون فى تكملة للقصة
لمعرفة نهايتها
بس على العموم هى قصة قصيرة رومانسية رائعة
وشكراااااااا
بوب

Unknown said...

زئير الحب:

(:

ربنا يخليك

واهلا بيك في عالمنا الافتراضي

Unknown said...

العراف :

تسلملي

(:

Unknown said...

momken:

هو انا شايفه انه صح

بس ممكن يكون غيري شايف انه لأ

Unknown said...

wade7:

ربنا يخليك

هي مكنتش مراته ولا صاحبته

الفكره كانت في دماغي عن ساحره بتداوي القلوب التعبانه

ربنا يخليلك بنتك ويفرحك بيها, وهاخد بالي بعد كده ان شاء الله

Unknown said...

يا مراكبي :

مش في ناس بتعمل المستحيل يابشمهندس؟
(:

Unknown said...

أية الشقية الشعنونة:

معلش يايويا كنت مسافره
هو انا غلطت اني ماقولتش
(:

Unknown said...

buffy:

يسعدني انه عجبك
(:

Unknown said...

جيمس:

ربنا يخليك

نورتيني

Unknown said...

Bob:

يسعدني انها عحبتك

نورتني

Unknown said...

الشنكوتي الكبير:

هو حلو محدش قال حاجه

بس يابخت اللي بالي مرتاح

Unknown said...

كريم البحيرى:

كريم باشا

نورت المدونه وشرفتها

ربنا يخليك بجد ياكريم ويحميك
ومبروك انك افتركت الباسوورد للمدونه تاني
(:

Unknown said...

Bob:

هي المفروض انها كده خلصت

هي شكلها انها محتاجه تكمله؟

 

The Lost Princess © 2008. Design By: SkinCorner