Friday, March 7, 2008

...غزة


(1)
الـخـبـر مـالـى الـصـحـافـــة...والإذاعـــة كــل ثـــانــيــــة

الـخـبــر عـن شـهـدا غـــزه...سبـعـة تـسـعة عـشرة ميـة

والـشهـيـد لـو م الـعـروبــة...يـبــقــى مــالـــه أى ديــــة

الخـبـر كان عـن حـصارهـم...عـن جـريمـة صهـيـونـيـة

والصمـم صـاب اللى خانـوا...والعـمـى فـى الحـكم غـيــة

الـعـمى مــانـع جـنــابـهــم...فـى مـمـالـك جـمـهـــوريــة

مـا يـشـوفــوش الـدم أبــداً...أو شـهـيـد لابـس كـوفـيــة

(2)
غــزه يـا واهـبــة حـيـاتـنـا...بـالـشـهـادة والــشــهــيـــد

لـمــا دم الــشـهــدا يــــروي...فــى الأراضـى بــالـصـديــد
تـطــرح الأرض الـفـــدائــى...لـلـمـقــاومــة مـن جــديـــد

انـتـى أروع حـاجــه فـيــنــا...والإرادة مــن حـــــديـــــــد

فـيـكـى عــزتـنـا وكـــرامـــة...فـى زمـن سـاد الـعــبــيـــد

سـادوا خـصـيـان الـعـروبـة...انـمـا فـــيـكــى الأســـــود

يـبـهـر الـعـالـم صـمــودهــم...انـتى يـا رمــز الـصــمــود

(3)
لــمــا صـــوت الأب حـــنــا...جـانـى ثـايـر على الـفجـور

الـلى عـمـلـوه الـصـهايــنـة...لــجــل تـبـقــى غــزه بــور

لـجــل تـسـتـسـلـم وتـــركــع...زى مـا اسـتـسلـم كـتـيــر

جـانــى ثــايــر عـالـطـفـولـة...والـمــشـافــى والــصــدور

والـتــواطــؤ الـلـى مــالــى...دنـيـا فــاقــده لــلـضــمـيـر

قـلـت فـيـنكـم يـا شـيـوخـنـا...تـفــتـــوا فـى كــل الأمــور
!دى قــضـيـه مـهــمــه جـــداً...زى ارضـــاع الـكــبــيــر
نـفـسـى أبـوس الأب حــنــا...الـلـى صحى لـنـا الـشـعـور

(4)
اعـــذريــنــى غــــزه انــــى...مـش مـعـاكـم فـى الـدمــار

مـش مـعـاكـم لـيـلة ضلـمـة...والاّ فــى عــــز الــنــهــــار

مـش مـعـاكـم فى المقـاومــة...والـشــهـادة والــحـصـــار

نـفـسـى جسمى يبقى طـلـقـة...تـنـفـجــر تــفـتــح جـــدار

تـقـتـل الأعـداء تـصـيـبـهـم...تــحـــرق الـخـونـــة بــنـار

وابـقـى فى عـرس الشهادة...يـفــتـخـر بـيّـه الــصــغــــار

نـفـسى لكـن غــصب عـنـى...بـاعــوا أصـحــاب الـقـــرار

(5)
قــولـوا لـصحـاب الـفخامـة...غزه صارخة فين ضميركم؟

مــا بـقـاش فـيـكـم كــرامـة؟...ذل سـاكـن فـى عــيـونـكـم

مـا بـقـاش فـيـكم شـهـامــة؟...لـجـل مـا تـكبـر كـروشكـم

الـهـرب لـجـل الــســلامـــة...ده جـريمة مـش تـفــيـدكـم

غــزه ولــيــوم الـقــيـامـــة...صامـدة مسـتـنيـة صـوتـكـم

والـلـى سـاكـت عالجـريمـة...غـزه عـاره وبرضه عاركـم

والــتــواطـــؤ لــو يــطــوّل...غـزه راح تـقلع عـروشـكــم

الـشـعـوب الـثـايـرة تـطـلـع...لـجل تـاخـد تــارهـا مـنـكـم
----------------------

شعر: اسماعيل بدر

27 comments:

zordeak said...

حلوة اوى القصيدة دى ومعبرة عن الواقع البائس

حالنا بقى يصعب عالكافر

ومفيش فى ايدنا غير الدعاء على كل ظالم

:(

آلام وآمال said...

ربنا يفك كربنا

ويفك قيدنا

مدحت محمد said...

غزة الالم والامل
اصبحت جرحا عميقا وسط جراحات امة تنزف من كل مكان

walaa said...

جميله القصيده صراحه
اللهم ما اعز الاسلام وعز المسلمين
وانصرهم على اعدائهم يارب العالمين
فرحت قوى امبارح لما قدروا يردوا على اليهود بس عشره ماتوا مش كفايه
تحياتى ولاء

أحمد عيسي said...

حلوة القصيدة دي

بيسوو said...

واقع مر وكئيب مش عارفة ليه الصمت القاتل ده مغلفنا..وعاملين نفسنا مش شايفين

يارب نفوق

FemTo said...

ربنا يحفظك ياغزة ويخفى الناس للى عاوزة الدنيا والعة عشان نفسهم بس

david santos said...

Excellent, Esraa!
Thank you.

العراف said...

حلوه قوى القصيده مليانه تعبيرات عن الواقع الاليم وغزه الحبيبه التى انتهكت على يد السفاحه الاسرائليه شكرا على موضوعك الجميل ده واتمنالك التوفيق

كراكيب عادل said...

قمة الاسي والحزن في قلوبنا

ربنا يلطف

oceaneyes said...

حلوة اوى الكلمات وبسيطة اوى اوى

ربنا يفك كربهم يارب ويصبرهم على ما ابتلاهم

تحياتى

:)

بيجاسوس المصرى said...

الامة تنزف و العرب غافلون
الامة تبكى و العرب نائمون
الامة بين الحياة و الموت و العرب يتصارعون

اليوم غزة و بغداد و بيروت فمن عليه الدور القادم؟

اين العرب ؟
سؤال لم أجد له أجابة

ابوزياد الفاتح said...

جميله جدا جدا
ربنا يكرمك
شكرا على القصيده الرائعه دى

وربنا يغفر لنا تقصيرنا فى حقهم والله

ابوزياد الفاتح said...

مشكوره على القصيده الحلوه دى
ربنا يكرمك

ومدونتك رائعه جدا والله
ان شاء الله هازورها كتير

تحياتى

esraa said...

zordeak:

ماهي دي المشكله

الدعاء مهم جدا بس بجد نفسي نكون بنعرف نعمل حاجه غيره

وياريتنا بنعمله بضمير أصلا

esraa said...

آلام وآمال :

يارب أمين

esraa said...

مدحت محمد :

وامتي النزيف هيقف بقي؟

esraa said...

walaa:

اللهم أمين

هم كلهم بجد مايساوش واحد من شهدائنا

esraa said...

أحمد عيسي:

ربنا يخليك يااحمد

esraa said...

بيسوو:

احنا بنتبع سياسة لا أري لا أسمع لا أتكلم

esraa said...

FemTo:

هعمل نفسي مش أخده بالي انت بتتكلم عن مين

(:

esraa said...

david santos:

thx david

(:

esraa said...

العراف :

ربنا يخليك

esraa said...

كراكيب عادل:

):

esraa said...

oceaneyes:

ربنا يصبرهم ويحنن قلبنا عليهم

esraa said...

بيجاسوس المصرى:

هو أنا أقدر اجاوب عن سؤالالدور لأنه علي سوريا

لكن فين العرب دي لو انت عرفت ابقي قولي

esraa said...

ابوزياد الفاتح:

ربنا يخليك

يارب امين

 

The Lost Princess © 2008. Design By: SkinCorner