Wednesday, June 27, 2007

ادعوا لأحمد


أخونا العزيز الغالي أحمد فؤاد مع نفسه عنده امتحانات مهمه يوم 28/6 و 2/7
وزي مانتم عارفين أحمد في سنة 5 طب ولسه ياعيني ماتخصصش
وعشان كده احنا لازم ندعيله كتيييير ان ربنا يوفقه ويحل كويس ويتخصص بقي بدل ماهو كاسفنا كده
ربنا يوفقك ياحمد
وتبقي أحسن دكتور في الدنيا يارب

ادعوا بضمير وانتوا متوضين

------------------

البانر الحلو ده, والبانر التاني الحلو بردو, من تصميم أخويا العزيز أحمد مبرمج حر
----------------------
تحديث:
أحمد حل كويس الحمدلله في الامتحان الأول
دعاوتكم بقي عشان الامتحان التاني ان شاء الله

40 comments:

عمرو المصري said...

الي اولئك الذين المهم صور اقتتال الاخوة الاشقاء في فلسطين


الي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها


الي كل من انجر وراء حملة التضليل الاعلامي التي ساقوها علينا

الي كل ساع الي الحقيقة

الي كل هؤلاء اهدي

التبيان في اقتتال الاخوان

تجدونه فقط

في

ارض الحرب

الكلام نوعان :كلام فارغ وكلام مليان كلام فارغ said...

ياستى والله احنا بندعي لكل اللى بيمتحنوا
بس فين بوستاتك الروامنسيه الجميله انتى بقى؟

vision said...

يا عينى يا ربى انتو مالكم عاملين فالولد كده عموما الصورره مأسااه فظيعه يعنى ...تعاطفك لوحدو مش كفايه طالب طب...ربنا معاااااااااااااااااك يا احمد يا فؤاد قادر يا كريم

Ehab said...

ربنا يكرمهم جميعا اللي بيمتحنوا
هو انتي عامله مركز لجمع الدعوات للممتحنين
كل شويه عايزانا ندعي لحد بيمتحن
طيب لما تيجي الأنتخابات برده هاتقولي ادعو لأخوكم الحاج زعبله ينجح في الأنتخابات
عموما ربنا يوفق الجميع
سلاااااااااااااااااااام

friend said...

ربنا يوفقه ويكون معاه في امتحاناته
ويبعد عنه المراقبين والناس اللي بتذعق في المايكات فاكرين صوتهم حلو
وخيبه

Anonymous said...

يا عينى الصوره قطعت قلبى وفكرتنى بايام ما كنت بامتحن ربنا ما يعيدها ايام ربنا يوفقهم جميعا وهادعى وانا متوضى

سندباد said...

يادكتور احمد ياريت تتخصص في الاسنان لاني اسناني تعباني جدا ربنا يبارك فيك وتبقي احسن دكتور في الشرق الاوسط

Unknown said...

ههههههههه
احنا هنقضيها دعوات للى بيمتحنوا ولا ايه
وبعدين محدش عملى بانر ادعوا لياسمين ولا حاجة عاااااا

لا ان شاء الله هتنحج يا زودياك انا متأكدة كدة ان شاء الله .. قدها وقدود يعنى يا حنكلولو

ويارب كل اللى بيمتحنوا ينجحوا يااااااارب امييييييييين

S H A H said...

انا هدعيله و من قلبي

بس مينساش يظبطني في الكشف كدة بكرة لما يكبر ان شاء الله

basma saghir said...

ربنا مع الجميع يارب

Unknown said...

عمرو المصري:
أنا روحت هناك (:

Unknown said...

الكلام نوعان :كلام فارغ وكلام مليان كلام فارغ:

ماشي ياسيتي

رومانسيه, أيوه بقي ياسيتي (;
ماشي حاضر((:

Unknown said...

camera_girl:

مش احنا اللي عاملين
دي الامتحانات يابنتي(:

أمين يارب

Unknown said...

الشنكوتي الكبير:

ماهي الدعاوي ليهم وليكوا
مش الملايكه هيقولولكم ولكم مثلها(:

لألألأ أنا مش هقول علي الحج زعبله ده خالص

Unknown said...

جزر:

أمين يارب

Unknown said...

westtewest:

فعلا يابخت كل اللي خلص امتحانات

وعقبلنا يارب

أمين

Unknown said...

sendbad:

أمين يلرب

ان شاء الله هقوله حكاية الأسنان دي(:

Unknown said...

إنـســانـة:

لألأ بلاش عياط يامينو

انت مش محتاجه بانر عشان حد يدعيلك
بندعب من غير بانرات ((:

أمين يارب

وبلاش الحنكلولو ده خلي الامتحانات تعدي علي خير (:

Unknown said...

S H A H:

طبعا الدعوه لازم تكون من القلب وبضمير (:

ادعوا انتو بس وهو يعملكو كل اللي عايزينه (:

Unknown said...

بيسوو:

أمين يارب

zordeak said...

بجد والله مش عارف اقولك ايه يا اسراء

انتو بجد اخواتى والله

الحمد لله الامتحان كان كويس النهاردة اكيد من دعاويكم طبعا

بجد والله فرحت اوى لما لقيت انكو فاكرينى كده

والبانر اللى احمد عمله جميل جدا

شكرا يا احمد على تعبك


وانتى بقى يا اسراء حافظى عالبانر ده متخليهوش يتكرمش ولا يتوسخ علشان هتعلقيه تانى ان شاء الله فى الامتحانات الدموية بتاعة اخر السنة اللى هتبدأ 1/9 ان شاء الله


:D


هانت مش كده

;)


ميرسى بجد تانى على تعبك معايا

zordeak said...

معلش انا عايز اقول لسندباد انى مينفعش اتخصص اسنان لان دى كلية لوحدها اسمها كلية طب وجراحة الاسنان غير كليتنا اللى اسمها كلية الطب البشرى واللى بيكون البكالوريوس بتاعنا فيها اسمه بكالوريوس الطب والجراحة


انا حبيت اوصلك بس المعلومة دى وشكرا على دعوتك الجميلة

:)


وبالنسبة ليك يا شاه

انا عملتلك فيزيتا مجانية مدى الحياة

ادعى انت بس يا ريس

;)


وشكرا ليكو كلكو يا جماعة على الدعاء

ربنا هيردهولكم والله

:)

الدمعه said...

ربنا معااااااااااااك يا رب يا احمد

Mony The Angel said...

rabena m3aah bgad
isA y7el kwais w yerga3lena belsalamaa

Unknown said...

zordeak:

ماتقولش حاجه ياحمد(:

هي دي حاجه فيها شك؟

الحمدلله وعقبال الامتحان الجاي

لازم نكون فاكرين طبعا, هي دي حاجه تتنسي؟

حاضر هعينه لحد يوم الامتحانات D:

من نحية هانت فهي هانت خالص

انت تعبك راحه ياباشا (:

Unknown said...

zordeak:

ينفع كده يعني؟

افرض سندباد بطل يدعي دلوقتي

كنت تستني لحد ماتخلص الامتحان الجاي ونقوله ان شاء الله

شاه :

ابسط بقي ياعم, هتكشف ببلاش طول الحياة, مين قدك (:

Unknown said...

الدمعه:

أمين يارب(:

Unknown said...

Mony The Angel:

ان شاء الله

Ahmed EIssa said...

هو الامتحانات دي حتخلص امتي؟
يااااااه كاس وداير علي الكل
ربنا يوفق اللي بيمتحنو كلهم ان شاء الله
منه عملت ايه في الامتحانات صحيح؟؟

Unknown said...

أحمد عيسي:

انت عارف ياحمد, نظام طب ده مختلق عن بقيت الكليات, دي امتحانات أحر السنه لسه في شهر 9 (:

أمين يارب

منة الحمدلله حلت كويس

دعواتكم بقي لحد مالنتيجه تطلع

انتظار مؤقت said...

ربنا يوفقك يا احمد ياااارب...بقولك بما انك متبنيه الدعاوي للامتحانات...من انتظار مؤقت ل رزان في تالته ابتدائي و ديما في اولى ابتدائي و رهف في الحضانه ادعو معايه ربنا ينجحهم و بهديهم هما و منه و احمد اغنية الناجح يرفع ايدو
تحياتي و دعواتي

صاحب البوابــة said...

ادعو الله أن يوفقه

تحياتي

Eric Matt said...


ربنا يوفقه ويعينه يا رب ويوفق جميع الممتحنين

تحياتي لك من ماناساس البلد

Unknown said...

انتظار مؤقت:

ههههههههههههههه

بس دول خلصوا امتحانات من زمان

والنتيجه طلعت كمان (((:

Unknown said...

صاحب البوابــة:

اللهم أمين

Unknown said...

The Groom:

أمين يارب

بس المهم انت عامل ايه ياعبدالله؟

وناوي ترجع للكتابه امتي؟

قومى الى الابد said...

بالتوفيق انشاء الله يا دكتور احمد يا عم انت ايه اللى ذنقك الذنقة السودة دى انت ناسى انك بقيت فى بلد السباك بشمهندس

Unknown said...

قومى الى الابد:

ربنا يخليك

معلش بقي غلطه وندمان عليها (:

3rby said...

باقولك ايه يا اسراء
ماتغيري اسم البلوج وتخليه دعوات
:D

Unknown said...

3rby:

هههههههههه

طب ليه؟ مافتح واحد تاني يكون خاص بالدعوات احسن (:

 

The Lost Princess © 2008. Design By: SkinCorner