Thursday, September 3, 2009

صحبتك السلامة


مودي يمكن احنا مش بنتكلم كتير، لكني دايما عارفه اني لما أحب أتكلم فانت موجود
لما سمعت انك هتسافر لأول مره ماشتركتش في الكلام ولا حتي سألت، وكأني بعدم سؤالي بنفي امكانية سفرك، حتي لما انت قلت انك هتفتقد القاهره بردو ماعلقتش علي الصورة وكأني بعدم تعليقي همنع بعدك عن القاهره, لكن لما تسنيم كتبت عن سفرك كان واضح ان الموضوع أصبح أمر واقع
أنا ماعرفتش تفاصيل سفرك غير قبل السفر بيوم وده لأني فعلا مكنتش عايزه اعرف، أصل أنا مش بحب الفراق وبخاف منه
أتمني ان السنتين دول يعدوا بسرعه وانك ترجع بالسلامه، وأتمني ان ربنا يوفقك هناك وتحقق كل اللي انت بتتمناه
هستناك لما ترجع إن شاء الله عشان أحكيلك كل اللي حصل خلال السنتين دول
هتوحشنا بجد وخلي بالك من نفسك وترجعلنا بالسلامه ان شاء الله

9 comments:

mahasen saber said...

دايما الفراق من اصعب ما يكون

ربنا يهون عننا بعدنا عن كل من نحب وبعد من نحب عننا

الازهرى said...

مش فاهم
وغالبا العيب عندى انا

الفراق هو سنه من سنن الحياه نتلاقى ونفترقونتلاقى من تانى ونفترق برضه

وتفضل الدايره على طول

تحياتى دوما

أحمد الشمسي said...

يرجع بالسلامة ان شاء الله... أنا أي نعم لي زمان ما زرتوش وماعرفتش خباره بس فعلا انتو فكرتوني بيه، واكتشفت ان كتابته كانت واحشاني فعلا

الازهرى said...

كل سنة وانت طيبه وبالف خير

كل سنة وانت اجمل والى الله اقرب

عيد سعيد على كل المسلمين يارب

الازهرى said...

كل عام وانت بخير بمناسبة عيد الفطر المبارك اعاده الله علينا وعلى المسلمين بالخير واليمن والبركات

esraa said...

mahasen saber :

أمين يارب
ويرجعهم لينا بالسلامه

esraa said...

الازهرى :

ده محمود صاحب مدونة عالم مودي وأكتر من اخويا
وهو مسافر حاليا بره مصر

ربنا يرجعه بالسلامه

esraa said...

أحمد الشمسي :

يارب أمين
طب يالا روح عنده
:)

esraa said...

الازهرى :

وانت أطيب
أمين يارب
:)

 

The Lost Princess © 2008. Design By: SkinCorner