Sunday, June 8, 2008

...الزهرة والمريخ


الأسطورة بتقول إن في الأصل البنات كانوا عايشين علي كوكب الزهرة لوحدهم, بيزرعوا الورد ,يروحوا المولات ويزورا بعض

والرجاله كانوا علي كوكب المريخ لوحدهم, بيبنوا المصانع ويخترعوا الإختراعات الجديده

في يوم من الأيام إخترعوا التليسكوب وكان في واحد بيجربه فشاف البنات اللي عايشين علي كوكب الزهرة وقال للرجاله كلهم وقرروا إنهم يسافروا الزهرة

فعلا سافروا وقرروا انهم يتجوزا لكن كانت المشكله هيعيشوا فين؟

الزهرة رقيق أوي علي الرجاله والمريخ جامد أوي علي البنات

اتفقوا إنهم ينزلوا الأرض ويعيشوا عليه كلهم

عدت السنين والكل نسي إنه جاي من كوكب تاني


بغض النظر عن الهدف الأساسي من الأسطوره دي
محدش يعرف أول مركبة فضاء راجعة الزهرة منين والساعه كام؟

54 comments:

zordeak said...

دمه خفيف البوست

:)

لا انا صراحة معرفش الزهرة دى بيروحولها منين

وبعدين ماله المرييخ

كوكب احمر وشكله حلو وزى الفل

قال ارض قااال

رومي اللي هتتجنن said...

بصراحة البوست جميل
ومتهيألي الاسطوره دي تكون حقيقه
بس المشكله في الاسطوره دي انهم نزلو الارض
لأ معرفش المواعيد بس هسألك امتي الصاروخ هيطلع هناك؟
اصل انتي عارفه الصيف بقي بتكون كل الصواريخ مليانه ومفيش مكان لحد
السنه اللي جايه
سلام يابنت الخاله

هوندا said...

يابنتى دى مش اسطورة ولا حاجة ده مجرد تفكير افترضه الكاتب بتاع الكتاب يعنى مش حقيقه وهتفضلى عايشة على كوكب الأرض لا محالة ههههههههههههههه بس ممكن نبنى مدينة بنات واحجزلك فيها انا فعلا بحلم بحاجة زى دى

محمد عبد الغفار said...

انا اعرف مواعيد المريخ بس

Free Zone said...

تم إكتشاف محطة صواريخ سياحية متجهة إلى كوكب الزهرةفي منطقة اللسان الواقع على شاطئ قرية الفردوس ....و على العائدات إلى كوكب الزهرة الإلتزام بمواعيد الرحلات و هي في تمام لحظة الشروق و في تمام لحظة الغروب من كل يوم
تحذير: نظرا للتعديلات الدستورية فقد تمت تغييرات خطيرة على الكوكب ......متتخيليش إنه لسه رقيق زي زمان
إربطي الحزام علشان قانون المرور الجديد

No Fear said...

السلام عليكم
هي تقريبا في نفس ميعاد أول رحلة راجعة المريخ

يا مراكبي said...

إبقى خديني معاكي الزهرة علشان أرجع الحاجة

امرأة تقول الذي لا يقال said...

محدش يعرف أول مركبة فضاء راجعة الزهرة منين والساعه كام؟

بجد ضحكتيني وأنا مش عايزة أضحك
إلهي يخليكي لو عرفتي ابأي قوليلي ((:

أحمد عبد الفتاح said...

معلش لو فيها رخامة ممكن تسالي ليا معاكي عن اول اي حاجه راجعه المريخ انشاء الله فلوكة حتي

جـيـداء said...

انا لو جت لى فرصة اروح الزهرة و اعيش مع الستات بس ممكن يجرالى حاجة او يجيلى نقطة

التغيير حلو برضه

buffy said...

i love ur post tgnny as usual

la3lahakhier said...

ههههههههههههههههههههههههههه
طاب مانرجعهم المريخ ونخلص
هههههههههههههههههههههههههههه

Ma 3lina said...

Men from mars women from venus

:))

انا برده نفسى نرجع الزهرة بعيد عن المريخ ده

حلوة اوى الفكرة دى :))

yasmina said...

احلفك بايه
وحياتك اما تعرفي الزمان والمكان اوعي تنسيني
عاوزة اكون اول وحدة ترجع معاكي الزهرة

احجزي لي

:)))))))))

سلام

بيسوو said...

لو عرفتي...امانة عليكي ياشيخة تحجزيلي معاكي تذكرة
:)

اهو ده عيبه said...

عزيزتى
ادعوكى للاشتراك فى جروب مدونى بورسعيد على الفسيبوك
http://www.facebook.com/group.php?gid=16270740901

ارجو التواصل والمشاركة
تحياتى

Anonymous said...

gmela :)

Ahmed

may said...

البوست تحفه بصراحه
بس لو عرفتي المواعيد
مش مهم مركبه فضائيه
لو حتي هاناخد توكتوك ونطلع
رحله خاصه :D
عدي عليا :lol:

عاشقة الوطن said...

السلام عليكم

ازيك يااسراء
وحشااااانى

بقولك يااسراء لما تعرفي ميعاد اول مركبة فضاء طالعة لازهرة ابقي قوليلي عشان اجى معاكى ان شاء الله


تحياتى ياقمر

esraa said...

zordeak:

ميرسي

اه قلت رايحه الزهره لازم التقليد بقي

ياسيدي المريخ كويس جدا

esraa said...

رومي اللي هتتجنن:

سلامتك من الجنان

هي من جهة ان المشكله انهم نزلو الارض فدي فعلا مشكله كبييره

هتيجي معايا يعني ولا ايه؟

esraa said...

هوندا:

لأ هو صاحب الكتاب مش صاحب الفكره

انا كنت اعرف الفكره دي من قبل الكتاب

اعتقد انه استغلها في اسم الكتاب وتوضيح الفروق

احجزيلي لحد ماشوف هينفع نسافر ولا ايه؟

esraa said...

محمد عبد الغفار :

طب ماتسألنا علي الزهره؟

esraa said...

Free Zone:

لأ انا مقدرش علي الشروق دي ماضمنش اني اكون صاحيه

ممكن اشوف موضوع الغروب

لأ مالتعديلات الدستوريه دي اللي عملها رجالة الارض

ودول مش موجودين هناك

ولو حتي كان كده احنا نروح نظبطه تاني

esraa said...

No Fear:

وعليكم السلام ورحمة الله وبركاته

اللي هي امتي بالظبط؟

esraa said...

يا مراكبي :

مش ممكن تتخيل يابشمهندس انا ضحكت ازاي اول مره قريت فيها الكومنت

عايز تيجي عاشن ترجع الحاجه بس؟

طب اديهالي وانا هكتبلك وصل

انا عايزه رقم تليفون الحاجه بقي

esraa said...

امرأة تقول الذي لا يقال:

المهم انك ضحيكتي ياسيتي

محدش واخد منها حاجه

من عيوني بس شكلي كده لازم ابدأ أخد نسبه من الناس اللي هتسافر

esraa said...

أحمد عبد الفتاح :

امال مين اللي هيقعد في الارض

لو كلكم ناوين تسافرو خلاص بلاش احنا نتعب نفسنا بقي

كفايه انتو

esraa said...

جـيـداء :

خلاص كويس اهو ان في حد لسه هيقعد هنا

بس وقت ماتغيري رأيك اعرفي اننا نشيلك علي راسنا

esraa said...

buffy:

هو كمان بيحبك

(:

esraa said...

la3lahakhier:

والله فكره

بس افرضي ان في حد لسه عايز يقعد هنا؟

esraa said...

Ma 3lina:

خلاص هحجزلك معانا

esraa said...

yasmina:

بس كده من عيوني

بس انا هاخد نسبه بقي

(:

esraa said...

بيسوو :

حاضر

بس بالدور ياجماعه ياريت الكل يقف في الطابور

esraa said...

اهو ده عيبه :

ان شاء الله

esraa said...

Ahmed:

rabna y5lek

esraa said...

may:

لأ انا احب اكون مستريحه في السفر

دي مسافه طويله لازم نوفر سبل الراحه فيها

esraa said...

عاشقة الوطن :

انتي كمان والله وحشاني

دي الصحبه هتبقي حلوه اوييييييييييييييي

Cold air said...

انا ممكن آجي معكن
أسوقلكن المكوك اللي رايح الزهرة
أصلي معايا رخصة قيادة مكاكيك

وسيبكن من المريخ

أهو الواحد مننا لازم يغير جو
مكوك للبنات فقط
و السعر شامل الضريبة
مهي الضريبة انثي برضه

^-^ ^-^ ^-^ ^-^
وأشركن علي حسن تعاونكن
أموت وأعرف
مين الرايق اللي أخترع نون النسوة ده

VEЯŎ said...

nice

wafaa said...

لو عرفنى ميعاد الزهرة احجزيلى معاكى,
وتزكرة كمان للمريخ عشان ارجع ابو العيال احسن بنحرف بعد ما اطفش, والعيال بقا خليهم هنا ارض الله واسعة

rara said...

لوعرفتى بيروحوا ازاى قوليلى يمكن افكر واروح معاهم

كاتب مصري said...

مش عارف احنا الرجالة ليه كده دايما متطفلين على البنات..بس خير خير خير
هي الدنيا معقول تمشي بدون كده
كلامك حلو لا ومش كده بس بتفكري كويس جدا بس الكلام ده كان امتى قبل كام سنة يعني
ولو لقيت مركبة فضاء جاية هقولك..هههههههه
تحيتي
على فكرة نفسي تشرفيني في المدونة ده يكون شرف كبير جدا لي يمكن تلاقي هناك حاجة من الكوكب بتاعكوا ولا حاجة
يارب تيجي مستنيكي
مدونتي هناhttp://kanyatklam.blogspot.com/

Oma said...

da kan one waaay
ta2riban el mrakeb elly betegy 3la el ard msh btnzl tany
el nas elly beyego mn henak bey2olo el el matar 5alas hayfloh ba3d ma kol el banat sabo el zahra w nezlo el ard

ya3ni e7na etkabt 3alina ne3esh fe el manfa 3latoool :)))

أمل فتحى عزت said...

اسعدنى المرور بمدونتك وأتمنى لك التقدم والمزيد من الاهداف النبيلة


كما أدعوك لزيارة مدونتى والتى محتواها


تعالوا نسافر المسافات الى زمن من المحبة لاينتهى


كما أدعوك لقرأة قصتى


(بكل لغات العالم أحبك)

amal said...

طب كويس ان ربنا هداهم لكوكب الارض

البوست جميل اوى
ومدونتك عجبتنى

واللى عجبنى فى الموضوع بقى انك بورسعيديه بلدياتى :)

esraa said...

Cold air:

لأ كده ماينفعش

اللي تسوقه لازم تكون واحده بنت

احسن تهرب ولا حاجه تبقي مشكله

اللي اخترعها اكيد واحد بن حلال

esraa said...

VEЯŎ:

فينك من زمااااااااااااان

والله ليك وحشه

esraa said...

wafaa:

صح أهم حاجه تحافظي علي اخلاقه

والله عندنا احساس بالمسؤليه مهما عملو

اه يمكن الاولاد يعرفو يعيشو هنا

esraa said...

rara:

لأ حاولي تحددي موقفك

esraa said...

كاتب مصري:

قدرنا بقي هنعمل ايه بس؟

الكلام ده كان قبل مايكون في بشر علي الارض

أكيد هاجي عندك ان شاء الله

esraa said...

Oma:

ليه كده بس؟

:/

خلاص يبقي نخترعها احنا بقي

esraa said...

أمل فتحى عزت :

أكيد ان شاء الله

(:

esraa said...

amal:

ماحنا عايزين نرجع هناك بقي تاني

ربنا يخليكي

(:

 

The Lost Princess © 2008. Design By: SkinCorner