Friday, December 28, 2007

...الكتاكيت


استدعى الاب ابنه لغرفته وما ان رأه امامه الا وبادر بتوجيه هذا السؤال
الاب : هتعرف يابنى تحافظ على الثروه اللى هتورثها من بعدى

الابن : طبعا يا ابا تربيتك

الاب : يعنى هتعرف تربى الكتاكيت زى ما انا ربيتهم

الابن : ( باندفاع وحماسه الشباب ) اكيد يا ابا

الاب : طيب هات الكرتونه اللى فيها الكتاكيت دى

سارع الابن باحضار الكرتونه ووقف امام ابيه

الاب : اقلب الكرتونه على الارض وورينى ازاى هتقدر تلم فيها الكتاكيت

وبسرعه قلب الابن الكرتونه وما ان رفعها حتى انطلقت الكتاكيت فى ارجاء الغرفه واندفع الابن خلفها يحاول جمعها مره اخرى لكن هيهات ، وبعد ان ادرك الفشل وقف امام ابيه وقد ارتسمت على وجهه البلاهه والغباء ولم يوقظه الا صفعه قويه من ابيه

الاب : شوف يا غبى اللى هاوريهولك ده خلاصه 25 سنه فى تربيه الكتاكيت

ثم اخذ الاب الكرتونه بعد ان جمع فيها الكتاكيت اخذ يهزها بقوه يمينا ويسارا وسط صراخ متواصل من الكتاكيت ما لبس ان تلاشى وانقطع نتيجه ما اصابها من اعياء

الاب : الان فقط نقلب الكرتونه

وما ان رفعها الا وشاهد الابن الكتاكيت لا تحرك ساكنا ممااصابها من اعياء ودوار ثم قام بتعبئتها فى الكرتونه بمنتهى السهوله واليسر

الاب : دلوقت يا ابنى اتعلمت اهم حاجه فى تربيه الكتاكيت وهى

( اتعبهم يريحوك لكن لو ريحتهم هيتعبوك )

لو عرفت مين هو الاب ومين هو الابن ومين هما الكتاكيت ؟ ادخل عشتك وخليها فى سرك

42 comments:

zordeak said...

هههههههههههه

حلوة القصة دى

مبتكرة

انا مش هقول مين الراجل ولا مين الكتاكيت ولا مين ابنه العزيز عريس الدولة

انا هدخل العشة من سكااااات

وانام

هشششششششششششش


:D

inspector said...

السلام عليكم حمد الله على السلامة ده بقوله لنفسي بما انى كنت غايب
هو الولد اكيد طفل من عطارد تبناه الرجل ده اللى هو فى الاصل من المريخ والكتاكيت فى الاصل كانوا ديناصورات عدا عليهم ميكروباص رمسيس
او انا عارف بس بستعبط
انا عندي امتحانات مش ناقصة

mahmoud said...

صوصوصوصوصوصو
:))

Amr Ahmed said...

اول مرة سمعتها كانت من بابا

بس جامدة اوي اصلا

هههههههههههههههههههه

كتاكيييييييييييييييييت

ترعة المحموديييييييييية

Anonymous said...

:/
de 3shan tnamy 3al emails kda :/
w mateb3atehaash le5watek ya kalba :/

تــسنيـم said...

أيوة يا موون شوفتي تقعد مدكنة الإيميلات الهادفة المهمة وبعدين تنشرها في بوستات جااااااامدة


عموما أنا معرفتش بتتكلمي عن مين ;)

عروستي

Unknown said...

ياسلااااااااااام بقا هو ده؟؟؟؟

خشى نامى يابنتى بلا وجع دماغ هي ناقصة صوصوة
:D

Anonymous said...

إيه ده إنتم بتتكلموا عن مين

أياً كان

الواضح جداً إن العيب فى الكتاكيت

إللى مافيهمش واحد نط ونقر عينه أول لما بدأ يدوخهم

محمد عبد الغفار said...

كوكوكوكوووووووووووو

يا مراكبي said...

إيه ده؟ يعني أنا كتكوت طول الزمن اللي عدى ده كله وأنا مش عارف؟ وكتكوت دايخ كمان؟

الكتاكيت طول عمرها ما هتكبر وتبقى فراخ وديوك؟ وألا بتندبح أول ما تشم نفسها وتكبر؟

المعني في بطن الشاعرة جامد قوي المرة دي .. وأنا ماليش في السياسة

أحمد said...

قصة حلوة ومعبرة جداً يا اسراء
:))

almowazaf masry said...

تدوينة جميلة انا قريتها في مدونة المصري البورسعيدي
عموما المدونة كلها حلوة
أرجو زيارة مدونتي فالعبد لله بورسعيدي أيضا
http://almowzaf.blogspot.com

Anonymous said...

هههههههههههههه
لا جامده جدا القصه دي ...يا كتكوت :p

بس خلي بالك للراجل ياخد باله من الكتاكيت وهي بتتكلم عليه كدا فاهماني ;)

تحياتي ...الكتكوت الحيران:d

david santos said...

Very, very good, thank you.


have a good day

basma saghir said...

بيتك..بيتك..بقى يابنتي
هتخليهم يهدوا العشة على دماغنا كلنا

ربنا يخليلو كتكتوه..ننوس عين مامته وباباه

معبرة يابنتي والله..معبرة جدا

Ma 3lina said...

looooooooool

I know who r u talking about :)
Nice story and happy new year

انا مش معاهم said...

الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد ... كل عام وأنتم بخير
عام مضى وعام يأتي ويارب السنه دي تكون أحسن من الي قبليها
تحياتي
سيف الاسلام

elkamhawi said...

على فكرة فى كتاكيت جدعان قوى اليومين دول
بجد
صدقينى اكيد هنخرج من الكرتونة ونطلع تيت ام الواد وابواه

Unknown said...

zordeak:

(:

ايه ده انت تعرف الحج صاحب الكرتونه ولا ايه؟

تصبح علي خير

(:

Unknown said...

المهاجر :

وعليكم السلام ورحمة الله وبركاته

حمدالله علي السلامه طبعا

(:

احسن حاجه ان الانسان يستعبط بمزاجه

ربنا معاك ويوفقك يارب

Unknown said...

MOODY:

ايه الكتكوت الحلو اللي بيصوصو ده

(:

Unknown said...

Amr Ahmed:

يعني لازم تجيب سيرة بابا يعني

احنا نروح في داهيه مش مشكله
لكن الراجل ذنبه ايه بس؟

Unknown said...

Mony The Angel :

مانا نمت عليه عشان أنزله بوست بقي

اعتبريني بعته ياقمر

(:

Unknown said...

تسـنيم :

امال يعني ابعتهالكم ولا ايه؟

ايه الناس الغريبه دي

(:

عروستي؟؟؟

حد خلي عيد ميلادي يبقي عيد قومي

;)

Unknown said...

إنـســـانـة :

هو مين؟؟؟؟؟

حاضر
تصبحي علي خير

Unknown said...

Anonymous :

لأ ماهم بدأو ينطو دلوقتي

بس لسه شويه علي نقر عينه

ربنا معاهم

Unknown said...

Mohamed A. Ghaffar:

صوصو

(:

Unknown said...

يا مراكبي :

ماتقلقش ياباشمهندس مش انت لوحدك

أكيد طبعا بتندبح

هي دي عايزه سؤال؟

يعني أنا اللي ليا؟؟؟

Unknown said...

مبرمج حر :

انت أحلي يااحمد

Unknown said...

almowazaf masry:

(:

شكل المشكله في بورسعيد

ان شاء الله أكيد

Unknown said...

commandor of the world :

انا كتكوته مش كتكوت (:

هو أخد باله

بس لأنه راجل ديمقراطي سايبهم يتكلموا

بيقول الكتاكيت تقول اللي هي عايزاه

وانا أعمل اللي أنا عايزه

Unknown said...

david santos:

thx david

have anice day

(:

Unknown said...

بيسوو :

عشة ايه اللي يهدوها بس؟

اللي بيقول عليهم كده الناس الوحشين اللي عايزين يشوهوا صورتهم

هم بردو بتوع الحاجت دي؟

ربنا يخليكي ياقمر

Unknown said...

Ma 3lina:

ايه ده عرفتي ازاي؟

اذا كنت انا ماعرفش؟؟

(:

كل سنة وانتي طيبه ياجميله

Unknown said...

انا مش معاهم :

كل سنة وانت طيب ياسيف

يارب أمين

(:

Unknown said...

elkamhawi:

ألف مبرووووووووووووك علي تيت ياعلاء

(:

الأباصيرى said...

طبعا أنا هعمل نفسى ميت
ومش فاهم أنتى بتتكلمى عن مين

بس خلى بالك أنا عارف أن الكلام كان على عم حسنى الفرارجى اللى مغرق البلد بالبيض
لما الناس جالها صفار مزمن

سلام بقى عشان سامع حد بيصوصولى فى العشة

Unknown said...

الأباصيرى :

مش انت قلت هتعمل نفسك مش عارف هو مين؟

تقول اسمه ليه بقي؟؟

روح بسرعه شوف مين؟

(:

رجل من غمار الموالى said...

أنا بالأصالة عن نفسى وبالنيابة
عن زملائى
أوكد أن الكتاكيت مبسوطة ..بالدوخة
وكله تمام
والسلام
وبلاش تفتحوا عنينا على حاجات وحشة
احنا لسه صغيرين
..........
كل عام وانت بخير

Unknown said...

رجل من غمار الموالى:

بقي الكتاكيت قالتلك انها مبسوطه؟

ياراجل حرام عليك

احنا مابنفتحش عنين حد

انتو اللي عنيكم مفتحه لوحدكم

(:

وانت بخير

موجة said...

تصدقي قصة جميلة يا اسراء
تعرفي انه طريقة حلوة
تمشي على الكتاكيت
و على اللي بياكلوا الكتاكيت من الشعوب
نظرية برضه
ههههههههه

خالص تحياتي
احمد

Unknown said...

موجة :

هههههههههههه

اها مش كده بردو؟

 

The Lost Princess © 2008. Design By: SkinCorner