أنا عارفه انك بتحبني
بجد كتيييييير اوووي بفكر ايه اللي أنا عملته عشان تحبني
واكيد مش بلاقي اجابه؟
رغم اني دايما بغلط, وأحيانا ببعد
لكنك دايما بتسامحني, ولما برجع بتقبلني ده لو مكنتش انت اللي مرجعني
انت عارف انا بحبك اد ايه, وعارف ان اللي جوايا مش هقدر أعبر عنه
بس أنا بجد بحبك اويييييييييييييي وعمري مازعلت منك
انت عارف, مانت اكيد عارف, يوم ماقلتلك اني هنت عليهم وده عادي لكني هنت عليك انت ازاي؟
انا كنت عارفه اني مهنتش عليك ولا حاجه
بس انت عارف احساسي كان ايه ساعتها
ويمكن قلت كده عشان تثبتلي اني مهنتش عليك, وفعلا أثبتلي
أنا دلوقتي بقيت عارفه كل اجابات الأسئله اللي سألتها زمان اللي كانت دايما بتكون ليه؟
أنا عارفه انها كان ليها سبب عندك , بس انا كنت عايزه أعرفه
أنا دلوقتي موافقه علي السبب ده
مفيهاش حاجه لو خسرنا سنين عشان حاجه بجد هتيجي بعد كده وتستاهل
ساعتها بس بنقول ان السنين دي مش بتساوي حاجه قصاد يوم مع الحاجه اللي تستاهل
عادي اننا نقابل الناس الغلط, وعادي اننا نتجرح منهم
أمال هنعرف قيمة الناس الصح ازاي؟
انا بجد دلوقتي راضيه اويييييي
ومبسوطه من اختيارك ليا
ومتأكده اني لو كنت فكرت 100 سنة مكنتش هوصل للاختيار الصح اللي انت اختارتهولي
أنا دلوقتي لما بقول حاجه ببقي متأكده انها هتحصل
ولما أصحابي يسألوني انت متأكده اوي كده ليه؟
بقولهم ان ده لأني واثقه فيك اووي
في منهم بيرد وفي منهم مش بيلاقي حاجه يقولها فبيسكت
بس مع الوقت انت بتثبتلهم ان ثقتي فيك صح
بس مع الوقت انت بتثبتلهم ان ثقتي فيك صح
انا دلوقتي مش بختبر الثقه دي, كنت الأول بقول وأشوف هيحصل ولا لأ
وأقول لنفسي لأ عيب انت واثقه فيه
يمكن عشان كنت لسه في الأول
دلوقتي بجد بقيت متأكده ان اللي انا واثقه فيه هيحصل حتي لو اتأخر
وبقيت عارفه اني واثقه في الوحيد اللي يقدر يعمل كل حاجه
عارف المره اللي قبل الأخيره لما كنت مخنوقه, لما عيطت في البلكونه وأحمد أخويا شافني وسألني و زعل عشان قلتله من غير سبب, هو زعل لأنه افتكر اني خبيت عليه
بس انت عارف انه فعلا كان من غير سبب
بس انا قلتلك ساعتها اني فعلا زعلانه
انا مبسوطه اووي بجد انك دلوقتي أسعدتني
واديتني أكتر مما كنت أتخيل
ساعات بفكر انا عملت ايه بجد عشان تديني ده
بس برجع أقول ان ده عشان انت بتحبني
وأكيد الحب ده مالوش أسباب
لأني أكيد معملتش حاجه أو موقف ممكن يخليك تحبني كده
انا مبسوطه اووي انك جنبي
وانك دايما معايا
انا دلوقتي معنتش بخاف
بقيت عارفه انك هتعملي الأحسن ليا
وبقيت بنام وانا مطمنه ومش شايله هم
وبقيت عارفه انك هتعملي اللي انا عايزاه وهتوفقني فيه
وبقيت عارفه انك هتعملي اللي انا عايزاه وهتوفقني فيه
انا بحبك اووي بجد وانت عارف ده
بجد أسفه علي كل غلطه غلطها في حقك
وبجد شكرا انك سامحتني ودايما بتسامحني ودايما بتوافق اني أرجع
بس ده العادي مش انت الغفور الرحيم الكريم
.jpg)
31 comments:
السلام عليكم
كتبت تعليق كبير ورااااح
امرى لله اكتب تانى
انا اول مرة اجى هنا
وصحيح مش فاهمة الموضوع اوى
بس حسة انك ماشاء الله مبسوطة
ربنا يسعدك
ويهدى بالك
انتى عارفى ؟؟
انا نفسى يجى اليوم اللى اكتب بوست زى دا
يمكن عشان ارتاح واخلص من الحيرة اللى انا فيها
انا مش بحسد
انا بقر بس
:D
لا بجد بهزر
ربنا يسعدك
تحياتى
رمضان كريم
تصفيق حاد للبوست دة يا اسراء
بجد جميل أوى
مين غير الغفور الرحيم الكريم اللى بيسمع شكوانا ويستجيب دعانا .. لو اشتكينا لأى حد , أقصى حاجة هنلاقيها المواساة أو محاولة لتهوين الأمر ويمكن سعى غير مضمون لتخفيف الشىء اللى بنشكى منه , لكن الوحيد اللى الشكوى له لذة وراحة وحل هو الله عزوجل
أدام الله لكى حبك
وكل عام وأنت الى الله أقرب
:)
ربنا يجعل ما بينك وبينه دائماً عمار
اللى كاتبه التعليق اللى قبلى شكلها فهمت البوست غلط اوى او مش قرأته للأخر ..يعنى قرأت شويه وبعدين حست انها هتحسدك قالت اكتب كومنت واخلص :d
ربنا يسعدها
بس انا عايز اقولك الموضوع جميل اوووووووى وبجد قولت البنت دى هايمه اوى كدا ليه ..هو لسه فى اولاد تتحب بالطريقه دى ...بس فى الاخر اكتشفت انك طول البوست كنتى بتبعتينى ....بجد موضوع جميل ...والحمد الله انه غفور ورحيم وفوق كل ظالم
:)
كل سنة وانتى طيبة وربنا يريح بالك دايما
الله الله الله جميل قوي قوي يا اسراء والله
تحياتي
و
رمــضان كريــم
وكل عـام وأنتـم
بخيـر
..
عن ابن عباس رضي اللّه عنهما أن ناساً من أهل الشرك كانوا قد قتلوا فأكثروا، وزنوا فأكثروا، فأتوا محمداً صلى اللّه عليه وسلم فقالوا: إن الذي تقول وتدعو إليه لحسن لو تخبرنا أن لما عملنا كفارة، فنزل: {والذين لا يدعون مع اللّه إلهاً آخر ولا يقتلون النفس التي حرم اللّه إلا بالحق ولا يزنون}، ونزل: {قل يا عبادي الذين أسرفوا على أنفسهم لا تقنطوا من رحمة اللّه} (أخرجه البخاري ورواه مسلم وأبو داود والنسائي)
Hadota .. حدوتة:
وعليكم السلام ورحمة الله وبركاته
نورتيني ياسيتي (:
ان شاء الله هيجي اليوم اللي تكتبي فيه بوست زي ده وأحسن كمان(:
الله أكرم
وربنا يكرمك يارب
مبرمج حر:
بتبسط اوووووووي بجد يااحمد لما تقولي تصفيق حاد دي(:
طبعا مفيش
هو أقربلنا مننا(:
وانت كمان(:
Mohamed A. Ghaffar:
اللهم أمين(:
Anonymous:
علي فكره لسه في ولاد فعلا تستحق انها تتحب كده
هو طبعا مش لدرجة حبنا لربنا
لكن يستحقوا انهم يتحبوا اوووووووي لأنهم بيحبوا اويييييييييييييي
انا مكنتش ببعتك ولا حاجه والله
بس انا فعلا كنت حابه اني مقولش مين المقصود غير أخر البوست
ده انا حتي كنت عايزه صوره ماتكشفش الموضوع (:
الحمدلله ان ربنا هو ربنا(:
dead man:
وانت طيب
ويارب أمين
انت عارف انا لما شفت الكومنت اتبسطت اوووووووووي
واعتقدت انك رجعت تاني ورجعت بوستاتك اللي انت شلتها
ياريت ترجع بجد ياهواري
ibn nasser - ابن ناصر:
انت أجمل(:
الله أكرم
وانت بخير
The Groom:
الحديث ده حلو بجد ياعبدالله
ربنا يعزك يارب
ربنا يكرمك و يتقبلنا و اياكي من الصالحين
Sampateek:
يارب أمين (:
ياااااه يا اسراء
ايه يابنتى البراءه والجمال ده
كل سنه وانتى اقرب واكثر حبا لله
ربنا يباركلك ويكرمك يارب
رمضان كريم
وكل سونه وانتى بألف صحه وسلامه
ربنا يعوده عليكى بخير وبركه
آميــــــــن
من اول كلمة توقعت نهايتها
...:)
الحمد الله على نعمة الاسلام
ربنا يبسطك يا رب علطول ...
Reemo:
ربنا يخليكي ياريم(:
يارب أمين
الله أكرم
وانت بصحة وسلامه ياحبيبتي(:
safa7_karmooz:
(:
ياجامد
الحمدلله (:
mohamed hesham:
يارب
ويبسطك انت كمان (:
from the first word I knew that u r talking about rabena :)
u deserve all the good things in this world really
ramdan kaream
وانا بضم صوتى لصوت لميا وهضيف على كلاامها...كل سنه وانتى طيبه يا قمر
رمضان كريم اولا
اما بالنسبة للبوست فهو بوست جميل اوي فية من المشاعر الجميلة الكثير
أسلوب جميل يااسراء ماشاء الله عليكى
بحبك وحبك فى قلبى كبير .. لأنك حبيبى وربى يوم الدين
LAMIA MAHMOUD:
(:
ربنا يخليكي بجد(:
الله أكرم
camera_girl:
ربنا يخليك ياجميله(:
وانت طيبه
عمرو غريب:
الله أكرم
ربنا يخليك ياعمرو(:
mohammed alsha3r:
ربنا يخليك
Post a Comment