فاكرين نادينا؟
البنت الصغيرة الأمورة البريئة اللي كانت بتغني فولا فولا بالومبيلا؟
يمكن نادينا والأغنية دي بتمثل جزء مهم أوي من زكريات طفولة كتيييير مننا
البنت الصغيرة الأمورة البريئة اللي كانت بتغني فولا فولا بالومبيلا؟
يمكن نادينا والأغنية دي بتمثل جزء مهم أوي من زكريات طفولة كتيييير مننا
كلنا لما بنفتكر الأغنية دي بنفتكر البنت الصغيرة اللي واقفة علي المسرح بتغني
ودايما بنفتكرها كبنت صغيرة ومش بنفكر إن زي مالسنين عدت علينا أكيد عدت عليها هي كمان
وإن أكيد هي كمان معدتش البنت الصغيره اللي واقفة تغني بكل براءة
نادينا قررت إنها تعيد توزيع الأغنية وإنها تغنيها تاني بعد مرور السنين دي كلها
وده من وجهة نظري قرار مكنش صح أبدا , بالعكس كان خطأ فادح
نادينا خلت الأغنية إيقاعها سريع عشان ينفع يترقص عليها, أو بمعني أصح عشان هي تعرف ترقص عليها في الكليب
أنا لما شفت الأغنيه بالنيو لوك بتاعها زعلت أوي وافتكرت أغنية زمان
ومبقتش عارفه هي ليه عملت كده؟
ليه تشوه زكري حلوه من زكرياتنا بالشكل ده؟
يمكن هي شايفه انها صاحبة الأغنيه وان اللي عملته من حقها
لكن الحقيقة إن الأغنية دي ملك لأجيال سمعتها وحبتها من نادينا البنت الصغيرة
أنا مش هحط الكليب الجديد ولا حتي صورة نادينا بعد ماكبرت عشان عايزاكم تفضلوا فاكرينها كالبنت البريئة اللي واقفة علي المسرح
ولو حد فيكم شاف إعلان للكليب أو جاله لينك له, نصيحة أخوية بجد انه مايتفرجش عليه
عشان نقدر نحتفظ بزكريات طفولتنا زي ماهيا ومانسمحش لحد مهما كان إنه يشوة منها أي حاجة
أسيبكم بقي مع أغنية زمان بتوزيع زمان بتغنيها نادينة زمان
ودايما بنفتكرها كبنت صغيرة ومش بنفكر إن زي مالسنين عدت علينا أكيد عدت عليها هي كمان
وإن أكيد هي كمان معدتش البنت الصغيره اللي واقفة تغني بكل براءة
نادينا قررت إنها تعيد توزيع الأغنية وإنها تغنيها تاني بعد مرور السنين دي كلها
وده من وجهة نظري قرار مكنش صح أبدا , بالعكس كان خطأ فادح
نادينا خلت الأغنية إيقاعها سريع عشان ينفع يترقص عليها, أو بمعني أصح عشان هي تعرف ترقص عليها في الكليب
أنا لما شفت الأغنيه بالنيو لوك بتاعها زعلت أوي وافتكرت أغنية زمان
ومبقتش عارفه هي ليه عملت كده؟
ليه تشوه زكري حلوه من زكرياتنا بالشكل ده؟
يمكن هي شايفه انها صاحبة الأغنيه وان اللي عملته من حقها
لكن الحقيقة إن الأغنية دي ملك لأجيال سمعتها وحبتها من نادينا البنت الصغيرة
أنا مش هحط الكليب الجديد ولا حتي صورة نادينا بعد ماكبرت عشان عايزاكم تفضلوا فاكرينها كالبنت البريئة اللي واقفة علي المسرح
ولو حد فيكم شاف إعلان للكليب أو جاله لينك له, نصيحة أخوية بجد انه مايتفرجش عليه
عشان نقدر نحتفظ بزكريات طفولتنا زي ماهيا ومانسمحش لحد مهما كان إنه يشوة منها أي حاجة
أسيبكم بقي مع أغنية زمان بتوزيع زمان بتغنيها نادينة زمان
clip codes latest movies |
.jfif)
22 comments:
السلام عليكم
عندك حق ساعات كتير بيكون لينا ذكريات حلوة بنزعل قوي لما بنقدها بس حتي لو شفنا الأغنية علي ما أعتقد بردوا مش هنفتكر غير القديمة
علي فكرة هي فولا فولا و لا بولا بولا أنا كنت بسمعها بولا بولا هأسمعها تاني و أشوف
أنت هتبوظي لي الذكريات و لا أية؟
:)
أنا بقى للأسف شفت الاغنية قبل ما حد يحذرنى واتضايقت جدا جدا من شكلها ورقصها واللى عملته
ببساطة لو كانت الدنيا كلها حاولت انها تبوظ صورة نادينا عندى مكانوش عرفو
بس نادينا نجحت فى ده بجدارة بالفيديو كليب بتاعها
انسى يا اسراء زى مقلتلك وخليكى فاكرة البنت الصغيرة اللى انتى حطاها وخليكى فاكراها وهيا بتقول فولا فولا ببراءة
عارفها وعارف موقعها
وشوفت صورها وقرفت
ميرسي أوىىىىىى ع الأغنية...أنا نفسي كنت نسيت إنها من ذكريات طفولتي...أما الأغنية الجديدة فأنا مشوفتهاش بس أوعدك هدور عليها
:)
ما أنا لازم أشوف شكلها بقى عامل إزاي دلوقتي
:)
الله الله على الذكريات
شيئ جميييييل اوي اننا نفتكر زمان وايام زمان
خالص تحياتي
ملحوظه: الاتنين اهم عشان الفرق يكون واضح
http://eskndria.blogspot.com/2007/08/blog-post_20.html
يااااااااااااه على الذكريات الجميله انت رجعتينا لايام الطفوله والذكريات بس بجد الاغنيه لما اتجددت وغنتها وهيا كبيره ضيعت حلوتها بس اكيد الواحد بيحب التجديد بس مش ننسى الماضى شكرا على شغلك الجميل ده
الاغنية دي عاسشة في وجدننا كلنا
وحتعيش
وحنورثها لأولادنا
لكن الاغنية الجديدة دي ممكن نرقص عليها شوية
وحتموت لوحدها
زي أغاني كتير
ولا إية
؟؟؟
سينما الاطفال كل جمعة
جولة الكاميرا كل احد
ماجيفار و فتى الكراتية اخترنالك كل اربعاء
أوبريت اللعبة نيللى
ماما نجوى وبقلظ كل اثنين
اليوم المفتوح كل خميس
كارتون صباح الخير يا مصر 7:20
ذكريات كتير جدا جت فى دماغى مع قرأتى للبوست مرتبطة بالأغنية مش بالمغنية تحديدا.
صحيح المغنية كبرت وعملت توزيع تانى للأغنية بس مستحيل الذكريات دى يتعملها توزيع تانى فى دماغى حتى لو كل الذكريات دى اتعمل منها نسخ احدث بشكل مختلف.
بس الجزء الكويس فى التوزيع الجديد انه خلانى افكر فى النسخة القديمة وافتكرها وافتكر حاجات حلوة كتير، وخلانى افكر ان الوقت جرى كتير من ساعة ما كنت قاعد منتظر الاغنية دى تيجى فى برنامج أعزائى الصغار على القناة الثانية وبين انى اتفرج على ميلودى تون اشوف الاغنية بعد ما تطورت.
ميرسى كتير على البوست الرائع كالعادة
فعلا زى ما انت قلتى كانت طفله بريئه لكن دلوقتى كبرت وةكبرت معاه حاجات تانيه
تحياتى ولاء
اه انا بحب الاغنيه القديمه بس مشفتش الى انتى بتتكلمى عليها عندى فضول اشوفها لما كبرت :).
بس واضح كدا انها مش لزيزة
ZORDEAK
جبلى اكتئاب منها
عندك حق كنت بموت فى الاغنيه دى
كنت باسميها يا عصفوره
ولما شوفت تقرير عن البنت دى كرهت الاغنيه والذكريات
واستغربت من تبدل البنات
عارفه الاولاد مش بيتغيروا بالحده دى
يعنى الواد المؤدب والنكسر هو صغير بيكون شبه كده وهو كبير
والعيل قليل الادب بيكون رد سجود وبلطجى او منحرف او حتى روش وهو كبير
لكن التغير فى البنات بيطون منهتى منتهى الحده
تحياتى
No Fear:
وعليكم السلام ورحمة الله وبركاته
فعلا احنا مش بيفضلنا غير الزكريات
لأ هي فولا فولا انا بردو وانا صغيره كنت بسمعها بولا بولا
(:
zordeak:
أنا فعلا مش فاهمه هي ليه غنتها تاني؟
ماكانت تغني أي حاجه وخلاص
حاضر
أنا نسيت خلاص أهو
(:
moodysalihamidzic:
عندك حق تقرف
أمـــاني :
العفو يااماني
أنا لو منك مادورش عليها يابنتي
صدقيني بلاااااااااااااااااااش
اسكندراني اوي :
مانا لو حطيت الجديده هبقي بساعد علي تشويه زكري حلوه
وكلكم كنتم هتقولولي ربنا يسامحك وليه كده
العراف:
كانت أيام جميلة اوي فعلا
هو التجديد حلو فعلا
لكن يكون تجديد مش تشويه
شادي فايد :
بالظبط كده
انت قلت المفيد
القديمة هتفضل عايشة, لكن الجديده هي اللي هتموت
محمد بدرى :
الله
ايه الحاجات الحلوه دي كلها
(:
walaa:
طب هو مش ممكن تكبر وتفضل بريئه؟
سؤال برئ يعني
(:
نورتيني
Najwan:
بلاش الفضول ده صدقيني
بلاش منه خاااااااااالص
هي وحشه اوي بجد
وأحمد عنده حق فعلا
momken:
انت شفت تقرير بس
يعني كمان ماشفتش الأغنيه
اعمل زي وانسي كل ده
افتكر البنت الصغيره الأموره اللي واقفه تغني علي المسرح بكا براءه
Post a Comment