رمضان بدأ والشيطان بقاله أربعة أيام محبوس, وأظن إن كل الناس أخدوا بالهم من الفرق بين وجوده وعدمه
كلنا عارفين إن شوشو بيتحبس في رمضان , بس مش إحنا بس اللي عارفين ده , هو كمان عارف ده كويس
يمكن نكون لاحظنا كمية الخلافات اللي حصلت بينا وبين ناس حوالينا في أخر 3 شهور
أنا عن نفسي خلال الثلاث شهور دول سمعت عن كمية خناقات ومشاكل وانفصالات كثيره جدا, دول اللي أنا سمعتهم شوفوا اللي ماسمعتهمش بقي وانا أصلا مش بسمع كويس
لأن الشيطان عارف انه هيتحبس في شهر رمضان كامل فحضرته بيكثف شغله في أخر 3 شهور قبل رمضان, وبيكون شهر شعبان أكثر كثافه, بيعمل مشاكل كثيرة, و دايما بيوصلها لطريق مسدود وبطريقة ماينفعش انها تتصلح, ما هو مش يتعب طول الشهور دي وانتم تصلحوا كل حاجه بمجرد مايتحبس هو, لأ هو بيبوظ الدنيا بجد عشان تبقي خلاص اتقفلت بجد
المشكله الوحيده اللي عرفتها قبل ماتخلض قلت لأطرافها كلها يومين وشوشو يتحبس, استنوا بس وشوفو ايه اللي هيحصل, والحمدلله المشكله فعلا اتحلت
طب ايه بقي؟ احنا عرفنا اننا مكناش احنا اللي بنتخانق في الثلاث شهور دول
يمكن أغلبنا وصل لطريق مسدود في المشاكل دي, لكن هو ده اللي الشيطان كان بيخططله قبل مايتحبس
ايه, هنسيبه يمشينا زي ماهو عايز للمرة الثانيه؟
هو دلوقتي مش موجود واللي بيقوي نزعة الشر جوانا النفس الأمارة بالسوء ودي مقدور عليها
صالح وسامح وافتح صفحه جديده مع الناس كلها وقول للشيطان انت ماقدرتش تهزمني
بص للسماء وقول أنا سامحت عشانك يارب فسامحني انت
افتح صفحه جديده مع كل اللي حواليك وان شاء الله هتكون صفحه سعيده
كل رمضان وأنتم بخير
.jfif)
20 comments:
السلام عليكم ورحمة الله وبركاتة
كل عام وانتى بخير
بارك الله فيكى
احلى حاجة التسامح
ارحم من فى الارض يرحمك من فى السماء
فى رعاية الله
رمضان كريم
ومن عندك انا ايضا مسامح اى حد انا زعلته او هو زعلنى مش فارقة المهم اللى انا مسامح فى اى حاجة
ياجماعة اذ كان ربنا بيسامح احنا مش هنسامح
يابخته يابخته من سامح فى رمضان
نرجو التواصل
بهاء
احم احم بدايه الكلام اتخضيت
قولت ايه دا هو انا بتحبس فى رمضان لا والكل عارف كمان )):
وبعدين لما شفت الباقى عرفت انه الشيطان مش انا :D
الحمد لله انا يوم عيد ميلادى اللى هو قبل رمضان بكام يوم فعلا سامحت كل حد
وطلبت من الكل انه يسامحنى
و ان شاء الله رمضان السنه دى نقدر فعلا نسامح ونطلع منه مغفور لنا
كل عام و انتى بخير
رمضان كريم
(:
ساعات التسامح بيبقى صعب اوى
و فى ناس بيجرحونا اوى
على العموم هحاول
ممكن فى الشهر الكريم ربنا يساعدنى
جزاكى الله خيرا
سلامات :)
اصحى يانايم وحد الدايم رمضان كريم
تحيــــاتى
المصـــــــرى
يارب نقدر فعلا نفتح صفحه جديدة
وربنا يكرمنا بالتوبه
كل سنه وانت طيب ياريس ؟
كل سنة وانتى طيبة
وربنا يعينا على مجاهدة انفسنا ويعينا على التغلب على الشيطان
جزاك الله كل خير
نحن ضد ان يصل قرشا واحدا من العرب الى اسرائيل حتى ولو سيصل العرب اضعاف اضعافه.. قاطعوهم بلا هواده واثبتوا عروبتنا
تابع حمله مقاطعه كوكاكولا
سر الاثيلين جليكول
شوشو متحبس لسه موجود دةأخواته الكبار هما التحبسو
عاشقة لدين:
وعليكم السلام ورحمة الله وبركاته
وانتي بخير
واياكم
Bob:
الله أكرم
المهم انك تسامح فعلا
اها ماحنا نسامح عشان ربنا يسامحنا
ShimaaMahdy:
لأ مش انتي بعد الشر
الحمدلله, مش كل الناس تعرف تعمل ده
وانتي بخير
الله أكرم
MaGn0liA...:
ماهو كل مايبقي أصعب كا ماثوابه يكون اكبر
ان شاء الله هيساعدك
واياكم ياجميله
almasry:
الله أكرم
blue-wave:
اللهم أمين
صوت من مصر:
طبعا الريس طيب
oRiGiNaL HeArT:
وانتي طيبه ياجميله
يارب أمين
مقاطعـــــــــــــون:
واياكم
rego:
لأ
هو واخواته كلهم محبوسين
دي النفس الأمارة بالسوء
Post a Comment