-----------------------------
التاج التاني من أحمد مع نفسى
مين اكتر ست اشخاص بتحبهم ؟؟؟
ماما
بابا
أخواتي
عيلتي
اصحابي
دول أكتر من 6 بكتيييير
هل أنت سعيد ؟
اها الحمد لله
لو اجتمعت مع حسنى مبارك فى مكان واحد هتعمل ايه ؟
هقوله حكمت فعدلت فأمنت فنمت ياعمر, هو حضرتك بتنام بالليل؟؟؟
لو معايا مليون ونص أعمل ايه ؟
هخلي ماما تحج عشان هي نفسها تحج تاني وطبعا هروح معاها
وهفتح محل الهدايا
وهتبرع بجزء منهم
بتحب مصر ؟
أكييييييييييد
أنت مسلم ؟
اها الحمد لله
ليه ؟
هو الصراحه انا اتولدت مسلمه أصلا
بس كان نفسي طول عمري أقرأ الانجيل
وفي حاجات قرأتها منه بس من ورا سوسو محدش يقولها(:
واتأكدت ان القران هو الصح وأنا مؤمنه به
مين أكتر شخصية متقدرش تستغنى عنها ؟
سوسو
ايه أكتر موقف محرج ؟
ممممممم, الصراحه الصراحه, لما واحد يطلب يرتبط بيا, وببقي عارفه ان ردي عليه هيكون لأ
قبل ماأقولها بيبقي نفسي أختفي من الوجود
الأمنية اللى اتمنى تحقيقها ؟
كل حاجه بحلم بيها حاليا (:
طبعا انتو عارفين ان اللي اتدبس لازم يدبس(:
محمود شاب فقري
محمد عادل مصر هى أمى
أحمد فيمتو فى زمن المعجزات اصبح للمجانين مدونات
يوسف يوسيفيهات
أماني لمحات أماني
رضوي طآآن بس جنان
أشرف أخف دم
معتز بيجاسوس المصرى
مودي عالم سي مودي
عادل كراكيب عادل
.jfif)
33 comments:
85%
انا طلعت 84 % .., يعنى قريبين من بعض
التاج التالت انتى عملتيه مش كده
اه صحيح
ده انتى اللى بعتهولى
احمد مبرمج حر بيحب يبعت التاجات دى لانها مزاج عنده يدبس النت كله
:D
انا قلتلك انا ببعتهالك ليه
المهم ان سوسو كده عرفت انتى بتعملى ايه من وراها
;)
يللا ثانكس على اجابات التاج
وعقبال التاج الجاى
:)
انا جاي اسلم
واشوف الاجابات
:)
انا طلعت 82 يعنى حالتى مش صعبة اووى زيك :)
ليكوا وحشة والله..بس منزلتيش غير موضوع واحد فى الفترة ديه كلها :)) الاختبار ده لازم يتاعد :)
ازيك ياجميل
ايه اخبارك
نسبة ادمانك للتدوين كويسة
لسه ماوصلتيش لنسبة خطيرة يعنى
التاج حلو اوى
وانتى اصلا زى العسل وجميلة
تحياتى ياقمر
هو انا لما ارجع الاقى عندك تاج
وبرده من احمد مبرمج حر
انا لو منك تفجرى المدونه عنده :)))
ولا على ايه سيبيه للقدر:)))
كل تاج وانتى طيبه
محبتى
برافو عليكي
انا احب الأجابات الصادقه
وعموما لما تفتحي محل الهدايا اوعي تنسي اتفاقنا بتاع زمان انك تعمليلي خصم كبير
سلااااااااام
zordeak:
(:
اها شفت, طلعنا فعلا قريبين
اه انا اللي بعتهولك مره من نفسي
باين فعلا انه مزاج عن أحمد, يالا بقي هنعمل ايه بس(:
مفيش ثانس علي واجب, لكن مش قادره اقولك الجاي وبعد الجاي, مش قادره أنطقها D:
كراكيب عادل:
الله يسلمك(:
وأتمني نشوف اجاباتك قريب (:
FemTo:
كل اللي فوق 75 يبقي حالته صعبه ياحمد (:
ياسيدي اعتبره باللي نزل قبل كده(:
عاشقة الوطن:
ربنا يبشرك بالخير يارضوي (:
مش هو عجبك اووي, مررتهولك ياجميله
حليه بقي (:
ربنا يخليكي بجد (:
Reemo:
حمدالله علي السلامه (:
انا قلت الطيب أحسن يابنتي
الشنكوتي الكبير:
ربنا يخليك
لأ ماتقلقش مش هنسي, أول هدية هتشتريها هتبقي عليا ياسيدي(:
جميل قوي
تحياتي
اجاباتك حلوه اوييييييييييييييي
بس ده ادمان لذيذ ميضرش
تحياتي
خلاص يا جماعة النواة تكونت و سنبدا ان شاء الله جريدتنا
و على السادة:
ياسمين
منة
عمرو المصري
max.adams
اسراء
عاليا حليم
حدوتة
علا
المهاجر
التقدم بطلبات الترشح لرئاسة تحرير الجريدة
البيانات المطلوبة كالتالى:
1-هل ترغب فى الترشح
ليه
ما هى خبرتك او مؤهلاتك
تعليمك
ايجابات حلوة بس اكتر حاجة عجبتنى اكتر موقف محرج اتضح انك انسانه بمعنى الكلمه
تحياتى
ماتقلقيش يا قمر انا مش ناسياكي بس عملت بوست كنت بحكي على البلاوي اللى حصلت في الفرح
وعقبالك يارب
وتعيشي وتدبسيني
ياااى 85 بس
لا لا مش مستواااى
العنبر اللى جنبى محفوظ يا ريت تشرفينى فى اى وقت
ههههههههههه
يا اسراء انا اعتقد انك معانا فى الفكرة
ولابد من ان تعلنى ترشحك او انسحابك من الترشح لرئاسة تحرير جريدتنا والاكتفاء بالتصويت
فارجو التعليق هنا بالرفض او الايجاب
www.eg-migrator.blogspot.com
متوقفين عليكى
انا مجربتش اللعبة دى لسة بس عجبتى اجباتك اوى
ibn nasser - ابن ناصر:
ربنا يخليك (:
Ert3ashat :
ربنا يخليك
اتفضلها(:
sendbad:
ربنا يطمنك, بس متأكد يعني؟
المهاجر:
حاضر(:
ضد الظلم:
هو حقيقي بيكون موقف وحش جدا
ومش ببقي عارفه المفروض أقول ايه, او أتصرف ازاي
لأني حقيقي مش بحب أجرح حد
الكلام نوعان :كلام فارغ وكلام مليان كلام فارغ:
ههههههههه
اها قراءته
ولا يهمك
حليه لما تفضي
Ma-3lina:
ههههههههههه
مش اووي يعني
الفرق بسيط(:
المهاجر:
معلش والله أسفه علي التأخير
.:.-=- ELGaZaLy-=-.:.:
والله لو كنت أعرف كنت مررتهولك
معلش بقة جيت متأخر , كان فيه مشكلة فى الرواتر
المهم
ما انا قلتلك قبل كدة
التاج عندى = فاكركم يا اصدقائى + احترامى ليكم لا يوصف
شوفتى بقة أنا هاكلك بالكلام ازاى يا اسراء
((:
لا بجد هو دة معنى التاج عندى
وبعدين تعالى هنا
ما انتى مررتى التاج لأمة لا إله إلا الله فوق اهوه
:)))
مبرمج حر:
سلامة الروتر (:
فعلا أكلتني بالكلام(:
ماشي ياسيدي
يعني انتو الاتنين طلع عندكم أسباب وجيه عشان تدبسوني فيه, وكمان أسباب تخليكم تدبسوني فيهم للأبد ):
انا بمرره عملا بالحمكه الشهيره اللي اتدبس لازم يدبس(:
بس أكيد بكون نفسي أعرف هيجابوا ايه؟
Post a Comment