تعديل الدستور هيكون يوم الاتنين ان شاء الله
ولازم كلنا نروح نقول رأينا, ومحدش يقول هو رأيي هيعمل ايه, لو كلنا قلنا لأ, مش هيقدرو يخلوها نعم.
هيلغوا الاشراف القضائي علي الانتخابات, يعني هي بتتزور دلوقتي, تخيلوا لو اتلغي ايه اللي هيحصل؟.
هيعملوا قانون جديد اسمه مكافحة الارهاب, ده قانون الطوارئ أرحم, هيقدرو يدخلوا أي بيت في أي وقت عشان ياخدوا أي حد, هتقوقوا ماده اللي بيحصل, ماهم بيعملو كده وده مش قانوني, مابالكم بقي لو دستروه.
عشانا وعشان الأجيال الجايه, عشان مصر اللي اتظلمت معانا ومعاهم ومش لاقيه حد يقف ياخد حقها, لازم كلنا نروح ونقول لأ.
لأ للتوريث
لأ لتزوير الانتخابات.
ولأ لقانون ارهاب المواطنين.
.jfif)
45 comments:
اسراء
احلى حاجة عاجبانى ان كل المدوونيين بيتكلموا عن رفضهم للتعديلات الدستورية والمصيبة ان المنافقين بتوع الجرايد الحكومية عماليين يهللوا للتعديلات ويوصفوا فى جمالها واهميتها للبلد وا طيور الظلام هيا اللى عمالة تخرب التعديلات لمصلحتها اللى هيا ضد مصلحة البلد
تفتكرى ان الحفيين دول فاكرين نفسهم هما بس اللى بيفهموا واحنا مبنفهمش حاجة
لا طبعا احنا بنحب البلد ديه وهما بيحبوا الريس وبينافقوه لكن مش بيحبوا البلد ديه
تفتكرى يو م الاتنين بالليل بعد ما نتيجة الاستفتاء ما تتطبخ هيقبضوا على كل المدونيين ولا لأ
اسراء: لا للتعديلاات الدستوريه الظالمه التي ترجعنا الي عصر الظلمه والقسوه كلنا بنقول لا وهنفضل نقول لالا طول ما فينا نفس يقول شكرا ليكي
كل واحد هيقول لاء لازم يعرف الاول بعد لاء هيعمل ايه
المهم بعد الـ لاء فيه ايه
في حد عارف بكره هيعمل ايه ولا كل واحد يصحى الصبح وزى ما تيجى يبقى يكون؟
قبل ما تقول لاء فكر ممكن تعمل ايه وانت عاوز ايه الموضوع مش لاء وبس الموضوع احنا عاوزين ايه؟
بعد ما نقول لاء هم هيسالوا طيب انتوا عاوزين ايه؟
حد عارف؟
لااعتقد ان فيه ٥٠٪ عارفين عايزين ايه يعنى هم بيقولوا لاء علشان لاء بس
مصر هى أمى:
بص ياسيدي, كل المدونين مش عاجبهم التعديلات الدستوريه عشان احنا من طيور الظلام, اللي بتبوظ مصلحة البلد(((:
وطبعا احنا اللي بنحبها بجد, وهم مش يهمهم غير رضا الريس وابنه.
بالنسبه لسؤالك الأخير , طبعا هيتقبض علينا,بس ده بقي يوم الاتنين بالليل ولا الصبح لسه مش عارفه (:
والله أنا طول عمري نفسي أشوفكم , بس يالا بقي نتقابل في المعتقل مش مشكله (:
fares:
برافو عليك يافارس, لازم نقول لأ, وميعادنا يوم الاتنين ان شاء الله ((:
Sokomonoce:
بص ياسيدي, بعد لأ ان طبعا مواد الدستور دي ماتتعدلش.
وتتعدل ماده فترات الرئاسه, وتبقي فترتين بس, 12 سنه حلو أوي يعني.
مايكونش في سجن للصحفين, ومفيش حاجه اسمها اهانة الرئيس, يلغوا قانون الطوارئ من غير قانون ارهاب, يفرجوا عن المعتقلين من غير تهم.
يعملو دول, عقبال مأفكر في الباقي
علي صوتك أكتر
يمكن أصواتنا كلها تهد حيطان محفور عليها تاريخ بالي أسمه حضارة سبعة آلاف سنة ونبدأ من جديد ونبني يمكن يكون في المستقبل حياه
سلام
إبراهيم:
ماهو زمن الصوت الواطي خلاص عدي, وبجد ماينفعش صوتنا يفضل واطي أكتر من كده, بجد احنا صوتنا يقدر يعمل حاجات كتير, المهم اننا مش نحبسه.
اسراء
طول عمرك نفسك تشوفينى
وملقتيش غير المعتقل اللى نشوف بعض فيه
بس على فكرة الحكومة بتاعتنا بتطبق مبادى الشريعة الاسلامية فى منع الختلاط فا اكيد هتكونى انتى فى معتق وانا فى معتقل تانى فا حتى امنيتك ديه الحكومة برده هترخم عليكى ومتحققهاش ليكى
تصدقى انا اللى هكون متنكد جدا انى مش هاعرف اشوفك
يالا ممكن نتقابل باه فى معتقل امن الدولة دول مبيطبقوش اى حاجة من المعاملات الانسانية ومبيمنعوش الاختلاط لان نفس القلم والشلوت اللى الراجل بياخده البنت هتاخده برده
يالا بالشفا
مش هنصوت مش هنقول ان مبارك ريس علطول
دستور ايه اللى انت جاى تقول عليه
كل اللى اقدر اقوله
دستور يا اسيادنا
موضوعك أكتر من هايل وخصوصا منطقة الجدعان
reagrds
أحب أهدى كل مصرى بيحاول يمنع التعديلات الدستورية
أغنية روبى
أبقى قابلنى
مصر هى أمى:
أنا طبعا كان قصدي معتقل أمن دوله, هم أعداء مصر أمثالنا يروحو فين غير هناك.
يالا ياجماعه اتبسطو اجتماع المدونين القادم هيكون هناك ((:
ياريت لو حنروح عشان نقول راينا بجد لازم نقرا التعديلات ونفهمها..مش عايز نبقي حد ملوش شخصية بيسمع ويكرر اللي بيتقال
مبادرة جميلة منك يا اسراء علي فكرة انا حاطط التعديلات الدستورية المقترحة عندي في بوست..لو لحقتي تقريه قبل الاستفتاء
يلا سلام..انتي نخاصماني ولا ايه انا مش بشوفك عندي بقالي فترة
Hello!
Thank,s for you work and have a good weekend
حتى لو قولنا لا مش هتتسمع غير الصعوبات الى بنواجهها علشان نروح ندلى بصوتنا وفى الاخر مفيش غير كلام الناس اللى حاكمة هو اللى هيمشى
لك الله يا مصر
Hi Dear,
This is simply an invitation to visit my blog & read the translation of the rapport issued by the Italian National Institute about the violence on women in Italy, 2006.
http://chiccopolis.blogspot.com/
Really interesting
Karim
ربنا يستر
yousef:
ربنا يخليك يايوسف.
بس احنا بجد لازم نروح نصوت ونقول لأ.
الأباصيرى:
احنا فعلا لو روحنا لوحدنا مش هنعمل حاجه, وعشان كده لازم كلنا نروح نقول لأ, كل صوت مش هيروح صوته هيتزور, يعني لو انت ماروحتش, في ورقه باسمك هتقول نعم, لو كلنا روحنا, مش هيلاقو أصوات يزوروها.
أحمد عيسي :
أنا فعلا مقصره معاك وبقالي فتره مش روحت عندك ):
معلش بس انا أكيد هروح طبعا.
انا اصلا ارفض وبشده قانون الطوارئ يقوموا يزودا الطين بلة ويعملوا قانون الارهاب
هي البلد ناقصة مافيها اللي مكفيها
ومفيش دوله في العالم بتعمل زي ما مصر بتعمل
انا على قد ما شفت ورحت ولفيت ملقيتش زي مصر
بس مصر هاتفضل حلوة بناسها واهلها الطيبين
مصر هي امي نيلها هو دمي
david santos:
thx , wc
hend:
لا يغير الله مابقوم حتي يغيرو مابأنفسهم.
ماينفعش احنا نقعد في البيت, ونستني ان ربنا يصلحهلنا.
اولا السلام عليكم ورحمة الله وبركاته
ثانيا :انا بحب اشكر اسراء على انها عرفتني على (المدونه)
واشكرها على مساعدتها ليا
ثالثا :احب اقولها اني سعيد جدا ان اول كومنت اكتبه في المدونات كان في مدونتك انتي
واتمنى تشرفيني في مدونتي البسيطه ويارب تعجب
мїяάЖάгїм ™:
i`ll read it insaallah.
wc.
mansourawy:
هيستر ان شاء الله.
بس ماتنساش تروح تصوت.
Z ShArK:
أها شفت ياعمرو, أصل احنا خلصنا من قانون الطوارئ عشان يجبولنا قانزن ارهاب, هو احنا فعلا ناقصين؟
ومبروك دخولك عالم التدوين ياعمرو, وربنا معاك ويوفقك.
انا مقاطع
كده كده التعديلات هتمر
دى مش سلبية
المقاطعة فكر ايجابى فى بعض المواقف
ادام كل كلب بلدى من بتوع الحزب الوثنى
ربنا يقدرنا ونحرر مصر بجد
وانا معاكي
لا
وألف لا
مدونتك جميلة
اول مرة ادخل عندك
ما تعملوا اعلانات يا جماعة
خلاص النهارده الاستفتاء وكل سنه واحنا طيبين وانا بعد ما روحت ميدان التحرير امبارح عشان الاعتصام قررت ابقي مدون وبس ههههههههههه ده محدش شاف اللي شوفتوا
تحياتي
shabfa2re:
لأ يامحمود, المقاطعه ماتنفعش النهارده.
انت قلت انها هتمر, يبقي ماتمورش بتزوير صوتك.
المقاطعه ممكن تكون فكر ايجابي, بس في دوله ديموقراطيه لو النسبه ماوصلتش فيها يلغو الانتخابات, لكن عندنا هيقفلو الصناديق لحد مايوصلو للنسبه المطلوبه.
moodysalihamidzic:
يسمع من بقك ربنا يامودي, بس روح انت صوت ومالكش دعوه بمحمود.
أُكتب بالرصاص:
المهم ان لأ تقولها هناك في الصندوق ياباشا.
ربنا يخليك, وحاضر هبقي أعمل اعلانات ((:
ibn nasser- ابن ناصر:
حلوه مدون وبس دي((:
مانت طول عمرك بتسمع علي اللي بيحصل في المظاهرات, شوف مره بقي (:
لأ وفي التلفزيون من شويه يقولوك الناس خايفين من التعديل عشان زوار الفجر مايرجعوش تاني, وأصلا الحكومه مش هتوافق انهم يرجعوا.
هم كانو مشيو امتي عشان يرجعوا؟
أسراء
قلنا لاء
ولما نشوف النتيجة بقة
وعادى بقة
أودى بقة
السلام عليكم
أنا مش مع التعديلات بس المشكلة أنا مع مين مفيش حد كويس الواحد يثق فيه دلوقتي ضحكو علي نفسهم و قالوا نشارك في تعديل المادة 76 و بعدين ضحكو كمان علي نفسهم و قالوا نشارك في إنتخابات رئاسية و بعدين ضحكوا علينا و قالوا ندخل مجلس الشعب و نغير من هناك
و فعلا قدروا يغيروا للأسواء
أنا بصراحة مش لاقي لنفسي زعيم كده الواحد يقف وراه و ورا منهجه
للأسف الجهل الثقافي و السياسي و الإجتماعي مسيطر علي كل حاجة و أنا منهم بس علشان متفتكريش إني بتفزلك ماليش أفكار خالص جهل جهل يعني
بس الأمل إن شاء الله موجود
لا للتعديلات
امتى هيبقى فيه حاجة نقولها نعم؟
امتى؟؟؟؟؟؟؟؟؟؟؟؟
ody911:
بص ياأودي, ممكن النتيجه تكون معروفه مسبقا فعلا, لكن المهم اننا قلنا لأ, عشان لما ربنا يسألنا عملتو ايه؟ نقوله قلنا لأ.
وكمان هم بيعرفو النتيجه الحقيقيه, وعارفين ان الي بيقولو لأ زادوا أوي, وان مسيرهم هيقولوها بصوت عالي, عالي أوي
No Fear:
بص ياسيدي, احنا بنروح عشان نبقي عملنا اللي علينا, معذرة لربنا يعني, وعشان نعرفهم اننا بنعرف نقول لأ, وان اللي بيقولو لأ بيزيدوا, المشكله ان كل حد يلاقو انه ممكن يكون كويس أو الناس تمشي وراه يكون مصيره السجن, زي أنور نور وطلعت السادات, لكنهم مايقدروش يسجنو مصر كلها, ياريت المصرين يعرفو كده بقي.
عين ضيقة:
مسرنا هنقول نعم, للراجل اللي يستحق انه يحكم مصر, وهو أكيد مسيره هيظهر.
أختى العزيزة أسأس ( أنا بدلعك بس زى ما أنتى دلعتينى يعنى ) ربنا يكرمك على همتك العالية و غيرتك على بلدك و خوفك عليها ، و أنا كان نفسى أقابلك من ساعة ما قرأت لك البوست إللى بعنوان " كلما قلت عقيم قالت يا رحيم " بس المقابلة متبقاش فى رعب الدولة ( أمن الدولة سابقا ) دا حتى أنا لسة صغيرة و عموما يا ستى أدى يوم التلات جه وما تقبضش علينا لسة و بمناسبة إللى حصلك أنت و وتسنيم تعيشوااااااااااا و تاخدوااااااااا غيرها ( مع إنى كنت مع الرأى إللى بيقول نقاطع و لكن اختلاف الرأى لايفسد للود قضية زى ما قلت لتسنيم فى كومنت على آخر بوست هى كتبته و سعيكم مشكور ) و كل أستفتاء و أنتوا طيبين
Tasneem:
دلعي ياتوته براحتك , حتي نلحق ندلع يومين قبل مانتلم (:
وأنا والله بجد نفسي أشوفك وأشوف كل المدونين بتوعنا, وصعب فعلا اننا نتلم كلنا في مكان واحد بس طبعا مفيش حاجه صعبه علي ارهاب الدوله, وده اسمها الصح مش رعب الدوله.
هو طبعا الاختلاف في الرأي لا يفسد للود قضيه, بس شوفي انت بقي تسنيم راحت وصوتها اتزور, أمال اللي ماراحوش ايه اللي حصل لأصواتهم؟
hey 2sraa2 ana mish 7a 7ot comment 3ala al wmadou3 dah 3ashan 3yiz anam in my room today :D:D:d and visit my site and take the tag :D:d 7a dabisik ya 3assal :d
yuri:
هو انت جاي النهارده عشان ماتعلقش ولا ايه.
مانا قلتلك المعتقل بيكون أحلي واحنا لمة.
Post a Comment