لو مقدرتش تضحك ... متدمعش ... ولا تبكيش
و إن مفضلش معاك غير قلبك .. أوعي تخاف .. مش هتموت .. هتعيش
و إن سألوك الناس عن ضي جوه عيونك ... مبيلمعش .. متخبيش
مسير الضي لوحده هيلمع .. مسير الضحك لوحده هيطلع
مابيجرحش .. و لا يأذيش
دي الأغنيه اللي غناها أحمد زكي الله يرحمه في أخر مشهد من فيلم هستريا
أجمل جزء بيعجبني فيها
و إن مفضلش معاك غير قلبك .. أوعي تخاف .. مش هتموت .. هتعيش
لأن طول مانت معاك قلبك هتعيش , مش مهم القلب ده مجروح أو مكسور مش مهم المهم انه معاك, لأنه هيعرف يداوي نفسه وبعد كده يداويك
لكن المشكله لو قلبك مش معاك, لو حد أخده معاه وهو ماشي, هتعيش ازاي؟
.jfif)
16 comments:
لو حد خده معاه وهو ماشي هتحول لوحش بتمنى موت قلوب الأخرين..
ربنا يرحمنا برحمته.
msh ha2ollek 3'er en just mat7'aleesh had ya7'do w hwa mashy..
7ebby ah, laken albek yefdal m3aaky, matedehoosh l7ad..
law hwa hab f yoom mn al ayaam yemshy, yemshy hwa, laken yseblek albek, maia7'doosh m3aah :)
تسنيم:
معتقدش انك ممكن تعرفي تتحولي لوحش لأن مش أي حد عنده القدره دي علي انه يكون انسان شرير
-----------------
موني:
شكرا علي النصيحه, لكن السؤال كان لو اخده خلاص ايه اللي يحصل؟
لو حد خد قلبى معاه ومشى..... هافضل متعلق بالحد ده وهعيش بنص قلب.. نص حياة.. نص فرح .. نص استمتاع.. نص. نص.. نص...ن
مخلوف:
الحمدلله انك هتعرف تعيش حتي لو كان نص بس
جامدا جدا
انا اول مرة اسمعها
بجد طول ما معاك قلبك
متخفش مش هتموت هتعيش
:)
لازم منخفش
تحياتي على الاختيار
LionKing:
الحمدلله انها عجبتك, احنا مايهمناش غير كده. (:
الأغنية دي عندي بصوت أحمد زكي على ما أتذكر
وعندي بصوت وجيه عزيز ملحن الأغنية الأصلي
وجيه عزيز بصوته أروع طبعا لأنه ملحن ومغني
وطبعا اللي ما سمعش لوجيه عزيز الفنان الأصيل يبقى ما سمعش أغاني !!
هو أنا قلت قبل كده في موضوع زي ده .. إن فعلا هاتعيش وكل حاجة؟
بس فيه فرق بيه العيشة والحياة
!
ده الفرق
!!!
Hamed Ibrahim:
ياريت فعلا تبعتي الأغنيه لأنها للأسف مش عندي ):
(في فرق بين العيشه والحياه) بجد دي جمله أكتر من رائعه وعندك فيها حق كبير.
دي اول مدونه ادخلها بس بجد بجد حلوة اوي بس اسف مش الكلمة الوحيده المش بتتقال السكوت لوحده كلمة مبتتقلش السكوت علي الظلم السكوت سرقة الحق والمشكلة ان احنا مش بنقفل بءنا بس لا دابنقفل بء ضميرنا كمان يبا احنا عيشين ليه مش حيتنا يستحقها حد غيرنا حد مبيسكوتش
اختك فاني
فاني:
طبعا نورتي مدونتي ياجميل, وشرف ليا اني أول مدونه تدخليها , ومبسوطه جدا انها عجبت سعادتك.
وايه الكلام الجامد ده؟
صح فعلا السكوت كلمه مش بتتقال, وعندك حق احنا لما نسكت علي الظلم والسرقه كده نبقي بنقفل ضميرنا ويمكن نقتله , وأكيد اللي عايشين كده فعلا مايستحقوش يعيشه, بس أتمني انهم يتغيرو ويعرفو يتكلمو وضميرهم تاني يصحي.
علي فكره فاني دي أختي الصغيره (:
أقولك يا ستى يوم ما سيبت قلبى مع ناس تانيين ولاحظتى سيبت فعل ماضى مش هسيب فعل مضارع
هبقا زى اللى انا عليه الان
انسان بلا عنوان
تحياتى الى من أنهت حياتى
مش أنت طبعا
yousef:
اها يايوسف لاحظت ان سيبت فعل ماضي(:
المهم يايوسف انك عايش, وان كان علي العنوان بكره يجي, وأكيد طبعا مش أنا (:
على فكره انا قلبى اديته لواحده وسافرت الكويت وبعتتهولى متقطع مليون حته تفتكروا انا بقه عايش وهو مش معايا ازااااااااااى ؟؟؟؟؟ عارفين الارض المحروقه وقت الشروق بيبقى شكلها ايه ؟ بيتهيالى دلوقتى عرفتوا شكلوا ايه
اه وبالمناسبه دى احب بس ابعث بتهنئه حاره للى سيبت قلبى معاها وبعتتهولى متقطع واقولها شاكرا وممتنا ومنحنيا ( يمهل ولا يهمل )
smsm151:
انا فاهمه شعورك جداااااااااا
بس الحمدلله انها بعتته حتي لو كان متقطع مليار حته
الأول بيكون بيوجع اوووووووووووي
بس القلب له خاصيه غريبه جدا
انه مهما كان متقطع بيقدر انه يداوي نفسه
وبيرجع سليم تاني
ممكن الموضوع ده يكون بياخد وقت
لكن المهم انه بيقدر يرجع سليم تاني في الأخر
بالنسبه ليها فاللي بنعمله في الناس لازم يرجع يتعمل فينا
ده قانون الحياه
يعني اللي انا ظلمته النهارده
بكره هيجي اللي يظلمني عشان يخلص له حقه
Post a Comment