Wednesday, April 14, 2010

بهاء صابر

تحديث:
الحمدلله بهاء خرج يوم الخميس
اضغط هنا لمشاهدة صور أثار التعذيب علي جسم بهاء

بهاء صابر كان المعتقل الوحيد في مظاهرة امبارح واللي كانت احتجاجا علي الاعتداء علي المتظاهرين يوم 6 أبريل

والمظاهره كانت ناجحه سواء من حيث العدد اللي تخطي 1000 متظاهر أو من تفاعل الناس وعدم سكوتهم علي تحرش الأمن وبلطجته وردوا علي الامن وعنفه معاهم

ودي صورة بهاء لما الأمن مسكه في المره الأولي


وهنا رجالة الأمن بيقومو بالوظيفه اللي يعرفوها

وهنا والمتظاهرين بيحاولو بياخدوا بهاء من الأمن


وهنا لما نجحوا أول مره في انهم ياخدوه فعلا منهم

اللي حصل بعد كده ان الأمن قدر انه يخطف بهاء في عربية تاكسي

وبالليل عرفنا ان بهاء في مستشفي الهلال لأن النيابة حولته علي هناك لما شافت وشه وكان الجانب الأيمن متورم تماما بسبب ان احد الظباط داس علي وشه لمدة ساعه
طبعا الظباط هيقول هو اللي داس بوشه علي رجلي

وبهاء في النيابه حاليا ودي صوره بعد ماراح المستشفي والمفروض انه كده تم علاجه

طيب هو كان شكل وشه ايه بقي قبل مايروح المستشفي؟؟؟
احنا بقي عايزين حق بهاء، واللي عمل فيه كده لازم يتحاكم


صور بهاء بعد الضرب من عند سامية بكري

5 comments:

sweet angel said...

لك الله يا أمة محمد
حسبنا الله ونعم الوكيل

Diyaa' said...

بإذن الله بطولته هو واللي زيه مع إخلاص النوايا مع توفيق إلهي ..هيبقى النتيجة أحسن بكتير من واقعنا اللي يسد النفس عن التنفس

بحييكي يا يوتوبيان :)

صوت من مصر said...

اظن ان كلنا اصبحنا بهاء

د/ رامي شهاب الدين said...

حسبنا الله ونعم الوكيل


لابد من وقفة على كل إللى بيحصل ده

AHMED SAMIR said...

مصريين دول؟؟؟
بجد و الله؟
اومال الاسرائيليين لو احتلونا ممكن يعملوا ايه؟
بجد و الله دول مصريين؟

 

The Lost Princess © 2008. Design By: SkinCorner