Saturday, April 3, 2010

افرجوا عن أحمد مهنى

تحديث:
أحمد خرج الحمدلله وده نوت بيحكي فيه عن اللي حصل معاه

ده أحمد مهنى
حاليا معتقل من قبل أمن الدوله لأنه مدير نشر دار دون واللي نشرت كتاب اسمه البرادعي وحلم الثورة الخضراء عن الدكتور البرادعي
المطلوب من الأمن الافراج عن أحمد هو وكل الشرفاء اللي مسجونين في معتقلات الوطن ويبقي كتر خيرهم لو أفرجوا عن الوطن نفسه
المطلوب مننا التضامن مع أحمد والمطالبه بالافراج عنه في كل مكان
ومش المفروض ان اعتقال أحمد يخوف أي حد كان ناوي يروح الوقفه الاحتجاجيه يوم 6 أبريل أمام مجلس الشعب، ودي الوقفه اللي نادي بيها المحترم حمدي قنديل
سؤال برئ: ليه الجرايم زادت في مصر في الفترة الأخيره
جواب برئ: لأن داخلية مبارك مش فاضيه غير للقبض علي المدونين والنشطاء الحقوقين والسياسين وسايبين الحراميه والبلطجيه وتجار المخدرات يعثوا في البلد فسادا

--------------------
اشترك في جروب الحرية للناشر أحمد مهنى علي الفيسبوك

3 comments:

just waiting said...

اعتقد ان دا كرت ارهاب لاي حد يفكر يعمل او يقول حاجة
بس بيحلمو ومش فاهمين ان كتر الضغط بيولد الانفجار ودا اللي جاي ان شاء الله

AHMED SAMIR said...

دلوقتي امن الناس لا يحتل اي اولوية لدى اجهزة الداخلية
شعار المرحلة
كل واحد ياخد حقه بدراعه
المصيبة ان كل اجهزة الامن اللي هي بفلوسنا مسخرة لخدمة النظام فقط لا غير
و ما بقتش امن الدولة...دي بقت امن النظام
لا حول ولا قوة الا بالله
بس تصدقي بالله يا اسراء
احنا شعب يستاهل اكتر من كدة

maioya said...

وايه المشكله لما كتاب يتنشر
محسسني انه قلب الناس علي نظام الحكم اللي مبيتاثرش بحاجه اساسا
ايه الظلم اللي احنا وصلنا ليه ده :S

 

The Lost Princess © 2008. Design By: SkinCorner