Thursday, February 25, 2010

مش هقبل اني أتهان والنيابه تتهاون كمان


وكيل النيابة حفظ التحقيق، هو وكيل النيابه استدعاني أصلا وسمع أوقوالي عشان يحفظ التحقيق؟ وهو حقق مع مين أصلا؟
بابا قدم طلب للمحامي العام لاعادة فتح التحقيق والناس كانو متعاونين ويسروله الطلب والامضا عليه، لكن الكلام العام اللي كان بشكل ودي ان في احتمال كبير يتحفظ تاني وان مفيش حاجه هتحصل عشان هم بيتتبعوا التلفونات في حالات القتل وسرقة الشقق
طيب هو قانون الاتصالات ده لزومه ايه؟ وهم فاتحين مباحث التليفونات وبيصرفوا عليها من مزانية الدوله ليه اصلا؟
هو مش في قانون بيقول ان أنا ليا حق والمفروض اخده؟
وهو مش في جهاز في الشرطه أصلا وظيفته انه يساعدني في اثبات الحق ده؟
الواحد كان ممكن يتوقع التهاون من جهاز الشرطه وده محصلش والناس عملو واجبهم وزياده، لكن ان النيابه هي اللي تخذلني ده شئ أنا ماتوقعتوش ولا خطر علي بالي
سيادة وكيل النيابه هو حضرتك حققت مع مين عشان تحفظ التحقيق، والأهم هي لو كانت أختك أو زوجتك أو والدتك كنت بردو هتحفظ التحقيق؟؟

اشترك في جروب مش هقبل اني اتهان والنيابه تتهاون كمان للتضامن معايا

11 comments:

just waiting said...

حاجة تجيب المرارةبجد

عايش... ولكن !!!! said...

الشعار حاليا
الشعب فى خدمة الشرطه :)

mahasen saber said...

حفظ المحضر يا اسراء لانك بنوته فى جنينه من الرجال
انما لو المحضر من راجل على ست كان زمانك من ايدك بالكلابشات على القسم

أمل حمدي said...

يااااااااااه يا حبيبتي يا اسراء

مش عارفة أقولك إيه

ربنا معاكِ

مهندس مصري بيحب مصر said...

المفروض الحاجات دي يمشي فيها محامي علشان يعرف يسلك معاهم لإن المواطن العادي مفيش حد بيعبره

Unknown said...

Just waiting :

انا اللي عيت الريس ولا ايه؟

Unknown said...

عايش... ولكن !!!! :

الشرطه المره دي بريئه
المشكله كانت عند النيابه

Unknown said...

mahasen saber :

طيب اعمل ايه يانوستي دلوقتي
أقولهم انا ولد؟
:)

Unknown said...

أمل حمدي:

ماتقوليش حاجه ياماما
كفايه احساسك

Unknown said...

مهندس مصري :

أصلا الخط طلع مش متسجل
وده طبعا عرفناه ودي
والمفر وض انه يتقفل لو ماتسجلش

Anonymous said...

السلام عليكم
هو وضع غير جيد وجائر .. أتفق معك في هذا
لكن هل فكرتِ في تقديم شكوى للنائب العام
أتصور أن سينصفك

 

The Lost Princess © 2008. Design By: SkinCorner