Friday, January 22, 2010

ليه بعيده كده



هو انت ليه بعيده كده ومستحيلة بالشكل ده
 فرحة حياتي ومرها أيامي بيكي عيشتها 
بس أنا مش بعيده
بس انا دايما بتعب لحد مااوصلك

 طيب مش المهم انك بتوصل في الأخر
 

طيب بيطاردوني ليه، مش أنا قلت خلاص هنسلم طيب ده وقته ده؟
   
انت الحقيقة في دنيا زيف وانت اللي دبت في حبها 

بقدر علي الناس كلها وببقي قدامك ضعيف وبتعندي وانا ادوب ندا

قلت لأ يبقي خلاص اسمعي الكلام  

طيب عشان خاطري
   ماشي بس طمنيني عليكي دايما  

طيب ايه اللي غير الخاطر ده، لأ الخاطر ماتغيرش ، الظروف بس هي اللي اتغيرت، غير كده كل حاجه زي ماهي


قلبي علي كفي افتحيه هتلاقي صورتك ساكنة فيه
 

حتي وأنا في قلب المرار مابشوفش غيرك ليل نهار
 أنا تعبان في البعد وبفكر فيكي ليل نهار وكتير مش بعرف أنام من كتر الحنين

طيب احنا ليه بنختار عذابنا بايدينا، صح احنا مش بنختار، احنا بس بيتفرض علينا


ياورده مغسوله بندى ، صافيه ورقيقه وطيبه وبعيده وانت قريبه

 يامحيره كل القلوب بكتب غرامك عالدروب وارسم ملامحك عالمدى
 انت مش من هنا أصلا، إنت من الجنة

 بس أهل الجنة مش بيتعبوا ولا بيزعلوا، أهل الجنة بيعيشوا في سعادة وراحة للأبد ، أمال ايه الفرق بين أهل الدنيا وأهل الجنة بقي
 
بصحى على صورتك وانام والاقيكي ينساني الكلام  

ارسم أمل يبقى سراب وأحلم بفرح ألقاه عذاب وأنده يجاوبني الصدا 
أنا حاولت كتير، مفيش حاجه كان ممكن اعملها او اقولها وماحولتهاش أنا ماضيعتيكيش بالساهل

 طيب ماهو مش كل حاجه لازم احنا اللي نعملها، في حاجات بتكون بتاعة ربنا وبس، مش يمكن بطلت تدعي؟؟

عاشق أنا قلبي عنيد
 

مانا مابقتش أنا، الدنيا مابقتش واقفه عليا ولا علي أنا عايز ايه؟ 

بس مفيش حد لسه يعرف أخر الطريق فيه ايه، ليه دايما بنكون معتقدين اننا وصلنا لأخره رغم اننا لسه ماشين في أوله؟؟
 
ومسيري هوصلك أكيد وألقاكي ياقمري البرئ 

 لو حتي راح منا الطريق وألقى طريق غيره ابتدا 
الدنيا دي فترة وهتخلص ومهما حصل أوعدك إني هجيلك في الجنة وإنت حره ساعتها إنك تقبلي أو ترفضي 

بس أنا لسه عندي أمل ولسه مؤمنة بالأحلام وعارفه إن زمن المعجزات لسه ماخلصش

---------------------

أغنية هو انت ليه بعيده كده لممدوح بيرم

9 comments:

الازهرى said...

بصراحه الكلمات جميله
بس مش عارف الاغنية لانى مش غاوى لموضوع ده
بس هادور عليها واسمعها واقول رأيي

المهم جيت اسلم واحيي بعد غيابى

يا مراكبي said...

أجمل جملة في النص كله هي الأخيرة الخاصة بالأمل وعدم اليأس

صحيح ممكن يبدو الإرتباط بالحبيب - أحيانا - مستحيل بسبب ظروف ما .. لكن أهم شيء هو عدم الإستسلام للحقيقة دي .. فدوام الحال من المحال .. وما بين طرفة عين وانتباهتها يغير الله من حال إلى حال

وحتى لو ما اتحققش .. كفاية حلاوة الأمل

Mohamed Hesham Safa said...

ازيك ؟

جميل البوست ... طب مفيش لينك للاغنية !!؟

ميرام said...

الله
اول مرة اعرف الاغنية دي
(:
تحيتي

just waiting said...

كلمات الاغنية جميله والحوار كمان جميل جدا وواقعي الى حد كبير جميل ان الانسان يصبر ويتمسك بالأمل لأخر لحظه

كيكى عوووووو said...

اانا بعشق الاغنية دى

Ana keda said...

الاغنية دى انا بحبها جدا
وصوت الولد فيها معدى بجد
وكلماتها تحفة تحفة يعنى بجد عاوزة اقولك ان ذوقك حلو اوى فيها
وكتابتك كمان حلوة اوى

david santos said...

Hello, my friend!
Have a nice day.

david santos said...

Hello, my friend!

Happy Valentine`s Day and Happy Chinese New Year.

 

The Lost Princess © 2008. Design By: SkinCorner