Thursday, November 12, 2009

الله يرحمك


امبارح كانت ذكري اغتيال ياسر عرفات
كل حاجه حصلت ورا بعضها وبسرعه
نشطاء فلسطنين يطلبهم جيش الاحتلال ، هو يرفض يسلمهم، النشطاء يستخبوا عنده في مقره في رام الله، جيش الاحتلال بيعرف بيهدد بقصف المقر او تسليم المطلوبين
ياسر يرفض تسليم النشطاء، يبدأ جيش الاحتلال بقصف مقره في رام الله، العالم كله يتفرج، اوربا بتعرض انها تاخد النشطاء كحل للموقف المتأزم وفعلا بيتم توزيعهم علي دول أوربيه
فجأه صحته بتدهور، بيكون لازم نقله لمستشفي خارج فلسطين، عشان نصحي كلنا الصبح يوم 11/11 علي خبر وفاته
قبل موته بيوم أخويا قالي ماتخافيش مش هيموت، حاوله يقتلوه 6 مرات قبل كده وعاش
يومها انا قلته القط له 7 أرواح بس ودي روحه الاخيره والمره دي هيموت
في حياته عمرنا ماسمعنا ان فتح وحماس اتخانقو سوا، في حياته كان عادي انك تشوف صوره مع الشيخ ياسين بيتكلمو او بيسلمو علي بعض وابو عمار يبوس راسه
ظروف موته كانت غريبه للكل ومحدش قدر يعرف ايه اللي حصله ولا تعب فجأه ازاي، وده كان السبب ان أغلب الناس تشك انه مامتش لكنه اتقتل
فعلا بتمر السنين ويطلع اللي يعلن عن اغتيال عرفات وان أبو مازن ودحلان اشتركو في مؤامرة اغتياله
أنا شايفه انه كان بيحب فلسطين أوي، وكل حاجه عملها كانت عشان حبه للبلد دي، حتي النشطاء الفلسطنين اللي كانت السلطه بتعتقلهم كان دايما بيقول اعتقلهم أنا بدل ماجيش الاحتلال هو اللي يعتقلهم
فلسطين خسرت كتير بموته، اغتياله واغتيال الشيخ ياسين والرنتيسي وسجن مروان البرغوثي فضي الساحه للصغار عشان يلعبو فيها
انا عمري ماشكيت في وطنيته ولا في عشقة لفلسطين واعتقدت ان أي حد شك في ده اغتياله كان أكبر رد عليهم
لكن الغريب ان النهارده ورغم مرور السنين دي علي مقتله لسه في ناس شايفين أبو عمار خاين وعميل للشيطان
بجد ربنا يرحمك ويغفرلك ويجمعنا بيك في الجنة ان شاء الله ويصبرنا علي من ابتلينا بهم من بعدك

6 comments:

3assef said...

رحم الله قائدنا ياسر عرفات

ويكفي انه لم يتخلى عن ذرة من تراب فلسطين
ووحد هذا الشعب طيلة حياته

أمل حمدي said...

رحمه الله وطيب ثراه اللهم أمين

جزاك الله خيرا حبيبتي

تقديري لمشاعرك النبيلة

طوبه فضه وطوبه دهب said...

رحمه الله ورحم جميع موتى المسلمين اللهم امين

كيكى عوووووو said...

وحشنا

حزينه said...

الله يرحمه
ولهم الله

حزينه

مواطن مصري said...

الله يرحمة كان خير قائد

 

The Lost Princess © 2008. Design By: SkinCorner