Sunday, April 19, 2009

ان ماقدرتش


ان ماقدرتش تضحك
ماتدمعش ولا تبكيش

وان مافضلش معاك غير قلبك
اوعي تخاف
مش هتموت هتعيش

وان سألوك الناس عن ضي
جوه عيونك مابيلمعش

ماتخبيش
قولهم العيب مش فيا
ده العيب في الضي
وانا مش عاشق ضلمه
ولا زعلت الضي

مسير الضي لوحده هيلمع
مسير الضحك لوحده هيطلع
مابيجرحش ولا يئذيش

22 comments:

Diyaa' said...

تسلم إيدك
تسلم إيدك تاني :)
وتسلم إيد العبقري علي سلامة
وفعلاً العيب في الضي :(

مش طايل يوصل للعين بس ليس إلا
تسلم إيدك تااااااااااااااني :)

أول مرة أسمعها بصوت زكي وبحته وكمان أشوف تمثيله العبقري
أصلي مش شفت الفيلم ده

Kiara said...

تسلم ايدك يااسراء صحححححححححححححح

انا حره said...

هههههههه

سمعت الكلام دا امبارح على اذاعه الاغانى وكنت عاوزه اكتبه وملحقتش

المذيعه قالت ان دا كلام جاهين وانتو بتقولو انه لعلى سلامه اصدق مين انا دلوقتىىىىىىى؟؟؟؟

كل سنه وانتى طيبه ياقمر شميتى النسيم واكلتى الفسيخ ولا لا؟

الازهرى said...

مسير الضي لوحده هيلمع
مسير الضحك لوحده هيطلع
مابيجرحش ولا يئذيش

جميلة للغاية
ضاعت الضحكة منا وسط زحام الحياة
ولا ندرى متى تعود صافية من جديد

maioya said...

مسير الضي لوحده هيلمع
مسير الضحك لوحده هيطلع


يارب خليه يجي بسرعه بقي
تسلم ايديكي
وايد اللي كتبها
جاهين بقي ولاسلامه
واللي قالها :)

شيماء زايد said...

من اروع واجمل الكلمات والألحان
اختيار موفق

حزينه said...

فعلا بنعيش
بس بجرح كبير اوى
من غير ضحك

حزينه

Ma 3lina said...

Bgd I needed to read those words..

Love the song gedan, alah yr7mo ahmed zakiii

teslem 2edek :D

أمل حمدي said...

الله عليك يا اسراء

الله يرحمه اللهم امين

تقديري

mohamed ghalia said...

ان ماقدرتش تضحك
ماتدمعش ولا تبكيش
وان مافضلش معاك غير قلبك
اوعي تخاف
مش هتموت هتعيش
وان سألوك الناس عن ضي
جوه عيونك مابيلمعش
ماتخبيش
قولهم العيب مش فيا
ده العيب في الضي
وانا مش عاشق ضلمه
ولا زعلت الضي
مسير الضي لوحده هيلمع
مسير الضحك لوحده هيطلع
مابيجرحش ولا يئذيش
عندك حق
تسلم إيدك

انا ماما said...

انا مش عاشق ضلمة
ولا زعلت الضي

كلمات رائعه
تسلم ايدك على طرحها وايد اللي كتبها

اول زيارة :)

Ana keda said...

يا رب نعرف ده

يا ريت نسمع ده

يا ريت نحس ده

بجد نفسى ساعة لما نقع نثق فى الى احنا بنكتبه ده ونقوم تانى

وحشتينى بجد

يا مراكبي said...

إفتح بابك للشمس

وإلمس أحلامك لمس

ما تكونش في يوم غير ذاتك

بإيديك ترسمها حياتك

اسماء واحلام فى وجدانى said...

ياااااااااااااااااه

على الحزن

الموجود هنا

Ahmed said...

كلمات الأغنيه ديه حلوه جدا
هيا من الروائع فعلا

اخيارك جميل جدا

mahasen saber said...

عارفه دى من احلى الحاجات اليى لفتت نظرى لفيلم هستيريا وبفضل الاغنيه وكل شئ هستيرى رائع فى الفيلم ده بيفضل فيلم من افضل افلامى على الاطلاق وبيخلى عندى عادل اديب من اروع المخرجيين اليى ممكن اتابعهم بجد وبحب

شكرا على رقتك والاغنييه الجميله

Mostafa Safwat said...

السلام عليكم
انا افتكرت في الاول انك انت الي كاتبة الكلام ده و كنت خلاص داخل اعلق لان فعلا انا كنت محتاج اسمع الكلمتين دول بالذات
بس شغلت الفيلم لقيت الراحل احمد زكي بيغني الكلام
فبدل ما حقول كلماتك المؤلفة جميلة
حقول
شكرا ليكي جدا على انك كتبتي الكلام ده لاني مكنتش حفكر اشغل المقطع الصغير من الفيلم و بالتالي مكنتش حسمع ابدا الكلمتين دول
بجد شكرا

Anonymous said...

الضحكة أحيانا بتكون غالية قوي واحيانا مملة قوي واحيانا مطلوبة قوي

يمكن كومنت ملوش لازمة

تحياتي

Eric Matt

Tamer Nabil Moussa said...

السلام عليكم

كلام جميل

تسلمى اسراء

تحياتى

احساس لسه حى said...

عزيزتى

الفليم جميل والاغنية دى من اول ما سمعتها وكلماتها شدانى

وطبعا صوت احمد ذكى حلو فيها لانه بيقولها باحساس واحد من الناس مش مطرب


اكيد مادام القلب بينبض يبقا اكيد بنعيش

تحياتى

سلام

الفراشة الصغيرة said...

اذا كانت نهايه الحياه الموت

فلما لا نتموت من الضحك

بدل من الاحزان

شكولاتة said...

كلامك رووعه

واي حد بيقراها بيتقوا

مع ان اللي حصل مش قليل

بس بجد كلامك يهوون

:)

 

The Lost Princess © 2008. Design By: SkinCorner