Thursday, February 5, 2009

يونيكورني


ذلك الكائن الأسطوري
اليونيكورن جسمة جسم حصان وأقدامه أقدام آيل وينبت من منتصف جبهته قرن غاية في الجمال وله ذيل أسد وناصع البياض لدرجة ان الثلج تحت رجلية بيبان مائل للصفرة
اليونيكورن مش بيحب الرجالة, والطريقة الوحيده لاجتذابه هي عن طريق فتاة عذراء ولما بيشوفها بيقرب منها حتي انه بينام علي رجليها ودي هي الطريقة المعروفه لصيده
يقال ان اليونيكورن أسطورة عمرها مااتوجدت في الحقيقه لكن في أراء تانيه بانه كان موجود في يوم من الايام وانقرض, وبيقولو انه لسه موجود لكن مفيش غير حصان واحد بس منه في العالم كله حاليا
اليونيكورن رمز للطهارة والنقاء والجمال والبراءه, أنا وقعت في غرامه من أول مره شفته فيها, وعندي أمل كبير انه يكون موجود في الحقيقه ومش مجرد أسطوره
أعتقد ان يوم ماهشوفه هيلعب معايا وينام علي رجليا, لكني مش هسمح لحد انه يصطاده
يمكن أكون مش في النقاء أو البراءه اللي تجذبه لكن أكيد هو عارف أنا بحبه قد ايه, أكيد حبي له هو اللي هيجذبه ليا

43 comments:

Angel said...

انا فعلا اعرف ان الكائن ده من اطهر الكائنات بس مش عارفه برضه اذا كان اسطورى ولا لاء شوفت حاجات عنه فى فيلم هارى بوتر :D
انا فعلا بحبه اوى بس الظاهر انك متعلقه بيه اوى
سلام يا جميل :)

mo5tar said...

ممممممممم

كلام كويس

بس اعتقد انه اسطورة

ده اعتقادى

واتنمالك انك تلاقيه لو مكنش اسطورة

تحياتى

mahasen saber said...

اه انا فاكرهزمان كان فيه فيلم
كارتون عنه

وكنت بحب الفيلم ده بشكل بسبب اليونيكورن بس

العراف said...

الله على ده موضوع بجد جاااااااامد ويارب نكون زيهم كده فى برائتهم وجمالهم

هوندا said...

انا اول مرة اسمع عن اليونيفورم ده
:D
بس تعرفى انا بحب الصورة الى انتى حطاها دى اوووووووى كنت بشترى تكتس وانا صغيره عليها الأشكال دى وكنت بحبها

الفراشة الصغيرة said...

شكرا على هذه المعلومات القيمه
اتمنى فعلا انه يكون منه واحد فى الحقيقه
لانه فعلا جميل قوووى

Mohamed Hesham Safa said...

معلومات جديدة عليا الصراحة ... أنا كنت بشوف الكائن ده في الأفلام زمان ... كان ظريف ، بس غريب

عموما ... لو موجود -ولو اني أشك- يا رب تشوفيه زي ما انتي عايزة


.....................

والسـ ختام ــلام

mohamed ghalia said...

جميل أن يكون هناك رمز للطهارة ولكن اتمنى ان نحققها فى انفسنا
دمتى بكل الود

Hassnaa said...

gamiiiiiiiiiiil awiiiii

wafaa said...

وادرك شهرزاد الصباح وسكتت عن الكلام المباح

الازهرى said...

بدج شكله جميل جدا

تعرفى كان فى تعريف بيقول
ان الاسطورة هى تحريف مستمر عبر التاريخ لحقيقة

اى انه ربما كان له اساس فى التاريخ ولكن زيدت بع الاشياء وانتقصت اخرى حتى وصلت الينا على ما هى عليه

تحياتى دوما

رابطة مدونون من أجل فلسطين said...

نتشرف بدعوة سيادتكم للانضمام لنا

رابطة مدونون من اجل فلسطين

http://bloggersforpalestine.blogspot.com/

Anonymous said...

اول تعليق

بطاقة تعارف

اتمنا لك التوفيق دائما

احمد

Anonymous said...

السلام عليكم
والله وست حلو اوى ودمه خفيف
بس انا خايف على حضرتك وهو بيلعب معاكى أحسن يكون قرنه بيعور واللا حاجة حاسبى على نفسك بقى

يلا سلام

رابطة مدونون من أجل فلسطين said...

خليك ايجابي وشارك معانا

من اجل عزتنا من اجل كرامتنا

من اجل ارضنا المستباحه

من اجل الاقصي

فنحن

رابطة مدونون من اجل فلسطين

http://bloggersforpalestine.blogspot.com/

عاشقه الرومانسيه said...

الله على الجمال
انا اول مره اعرف المعلومه دى عن الحصان ده او حتى اعرف اسمه
بس بجد شكله روعه
انا ببعى باحب الخيل فما بالك لما يكون بالجمال ده؟

maha said...

سلام عليكي يا اسراء
يااااه اخيرا حد يعرف اليونيكورن
انا بحب الكائن ده اوي
برغم انه اسطوري بس جوايا دايما متاكده ان الاساطير لها جزء واقعي ...
يعني ليه لا الواحد يتوه في مكان غريب و يلاقي قدامه يونيكورن او عنقاء او عروسة بحر حقيقية
او حتي يتحول لحاجة منهم ؟
فكرة و الله
:)
شكل المدونة الجديد جميل اوي ..برئ و فيه طفوله جميلة :)
يا رب دايما بخير
سلام
مها

Diyaa' said...

أول مرة قريت عنه
كنت بتخيل شكله في الضلمة
في سقف الأوضة وأنا نايم كده
وكمان في النجوم
بس أعتقد إنه حلم بعيد المنال
بس يا سلام لو يتحقق :)
وبإذن الله تشوفيه في الجنة لو في منه واحد :)

FadFadA said...

يونيكورن أصل لفظة (يونيكورن) لاتينية
مـُكوّنة من مقطعين
unus
بمعنى واحـد أو وحيد
cornu
بمعنى قرن
أي أن اسمه باللاتينية وحيد القرن ، وهو كائن خرافي على هيئة حصان أبيض ذو قرن وحيد ، ذكر فى الأساطير الاغريقية وأتخذ كشعار لنبلاء العصور الوسطى فى أوربا
هذا هو التعريف في ويكيبيديا

و لكن أظن أن ما قلتيه أفضل بكثييييير

محمد

بـراااح said...

انا كمان باحب المخلوق ده جدا و كنت باشوف الفيلم الكاتون بتاعه و انا صغيرة و حتي لما كبرت بافرح لما الاقيه في اي فيلم و بصراحة زعلت لما مات في فيلم هاري بوتر :) انا كمان باتمني انه يكون حقيقي مش اسطورة و لو ان الانسان دلوقت مبقاش بيسيب اي حاجة بالطهر و الجمال ده من غير ما يبوظها
خليه اسطورة احسن حتي لو كان حقيقي

يا مراكبي said...

ده روقان جامد قوي .. ما تزعليش لو لقيتي حد بيقولك إن فيه حيوانات تانية أفيد من ده .. الخرفان مثلا

-----

ليونيكورن حيوان أسطوري .. مش ممكن يكون موجود إلا في الخيال بس .. لأن المثالية المتناهية هي كمان أسطورية

حاسوباتيه said...

انا شفته في الكارتون بس بصراحه واول مره اعرف انه كائن ذو اهميه كده انا اسفه طبعا ماقصدش بس اول مره اعرف اسمه او الاقي حد مهتم بيه انا فاكراه شخصيه كرتونيه بس عموما هو كائن عسول

koukawy said...

ياه انا كمان بحبه اوي
انا عندي يونيكورن صغنون كميل اوي
و الكورن بتاعه لونه روز حطاه علي السرير بموت فيه

Unknown said...

Angel:

هو فعلا كده
اها أصلي بحبه
ياريت يكون حقيقي
(:

Unknown said...

mo5tar:

تعتقد
يعني ممكن يكون لأ
(:
يارب

Unknown said...

mahasen saber:

اها
The last unicorn
هو فعلا يتحب

Unknown said...

العراف:

ربنا يخليك
(:

Unknown said...

هوندا :

يوني فورم؟
يوني فوم ياهوندا؟
ماشي
((((:

اها بتحبي اليوني فوم
;d

Unknown said...

الفراشة الصغيرة:

العفو ياجميله
اها جميل جدااااااا

Unknown said...

mohamed hesham:

هو فعلا ظريف وغريب

طب تشك ليه بس
(:

Unknown said...

mohamed ghalia:

أكيد لو في انفسنا هتكون اجمل بكتيييييييير

Unknown said...

Hassnaa:

انتي أجمل
(:

Unknown said...

wafaa:

سككت اهي
(:

Unknown said...

الازهرى:

هو أمور أوي فعلا

وربما يكون الأساس ده لسه موجود
(:

Unknown said...

رابطة مدونون من أجل فلسطين:

الشرف ليا أنا

Unknown said...

اسماء واحلام فى وجدانى:

ربنا يخليك
نورتني
(:

Unknown said...

انت تسال والكمبيوتر يجيب:

ان شاء الله

Unknown said...

جمعاوي صاحب "عيادة أسنان" :

وعليكم السلام ورحمة الله وبركاته

ربنا يخليك

هههههههههه
لأ ياسيدي ماتقلقش

Unknown said...

عاشقه الرومانسيه:

انتي أجمل
شوفي انتي بقي
(:

Unknown said...

maha:

مكنتيش لاقيه حد يعرفه؟

أيوه كده اديني أمل
والله فكره حلوه
(:

ربنا يخليكي ياجميله
(:

Unknown said...

david santos:

thx dear

Unknown said...

Diyaa':

(:

في أحلام كتير بتتحقق

في حد قالي نفس الجمله دي
(:

سابرينا said...

i adore unicorn too sinc i saw a cartoon movie about it!
i just get impressed 2 know that unique creature!

 

The Lost Princess © 2008. Design By: SkinCorner