Monday, April 7, 2008

...من أجل شهداء المحلة

إضراب إمبارح اللي كان ناجح من وجهة نظر الجميع الا الحكومة طبعا اللي أعلنت فشل الإضراب رغم خلو الشوارع من المواطنين
وسط البلد فى الصباح الشوارع فاضية


والمظاهرات مالحقتش تتعمل لأن البوليس كان بيمسك أي حد هناك لكن أغلب اللي إتمسكوا خرجوا تاني

نيجي بقي للمحلة الكبري

عمال المحله اللي اجبروا انهم يرحوا المصانع امبارح الصبح وهم خارجين من الشغل بدأوا المظاهره فمكنش من الأمن المركزي اللي كان محتل البلد من السبت بالليل غير انه بدأ اطلاق النار
أه والله ضربهم بالرصاص
الصور من مدونة خالو أحمد الصباغ




طبعا الاهالي ردوا علي الرصاص بالحجاره

زي فلسطين كده بالظبط

BBCولأن كان في تعتيم اعلامي غير مفهوم علي اللي بيحصل في المحله الا من شبكة فكان لازم اننا ننقل ونقول ايه اللي حصل للناس اللي هناك دول

والللي حصل نقلا عن مدونة منفي لأنهم اتحولو علي المنصوره وهو كان هناك في المستشفي

الساعه 11 بليل تقريبا اتحول علي مستشفي الطوارئ في المنصوره عدد من المصابين اصابات سيئه بس كلهم طلعوا مع المخبرين والضباط ما عدا شخص واحد بيتم عمل له جراحه عاجله في القلب وده مكنش معتصم كان راجع من شغله عادي المهم في عدد كبير حوالي 11 في الطريق واتحولوا العام مش هيدخلوا الطوارئ في عدد تاني المؤكد لحد الوقتي ان 4 فقدوا عين من اعينهم اثر رصاص وشضايا الانفجار علي حسب قول الشهود الفئه العمريه للمصابين تتراوح من 14 سنه حتي 30 سنه

اعتذر عن ردائه التصوير ولكن التصوير بالموبايل وكان في ظابط مخابرات جنبنا علي طول وبتوع امن الدوله وامن مركزي كانت مردغانه بس اللي قدرت اوصل ليهم حالتين اصابات رصاص مطاطي محمد فؤاد محمد اصابه في العين و3 رصاصات في الدراع الشمال وخرجوه فورا بدون نزع الرصاصه الثالثه علشان جنب الوريد السيد محمد الحبشي رصاصه في قاع العين مش هتتشال هتفضل مكانها وعينيه طارت وخرجوه مع واحد

الاهم ان الرصاص بمجرد خروجه من اجسامهم كان بيتصادر ومش بيطلع بيه محضر او بيطلع اي حاجه تثبت ان الشخص مصاب برصاص

دي صوره الراجل بتاع المخابرات وامن الدوله مع اتنين ظباط عاديين ومدير المستشفي في استقبال الطوارئ منعا لدخول اي حد او خروجه بمعلومات

اهم حاجه ان محدش كان بيقعد كلوا بيخرج من الاستقبال ما عدا حاله واحده بس وللصدف الحاله دي تبقي قريبه صديق لي قابلته في المستشفي هو مصور حاجات وهيشنرها معانا اول ما الموضوع بتاع عمليه قريبه يخلص فانتظرونا





لمعلومات أخري

4 comments:

محمد عبد الغفار said...

وجه نظر اى جميع بالضبط

Unknown said...

من وجهة نظر النسب اللي قالت ان نسبة الغياب في الجامعات كانت 80% وفي المدارس وصلت ل50%
وجهة نظر صور شوارع القاهره وهي تكاد تكون فارغة
وجهة نظر المشاهد اللي عرضت في برنامج العاشرة مساءا امبارح وقالت ان بالرغم من نفي الحكومة للاضراب الا ان الكل لاحظ هدوء شوارع القاهره وسهولة السير بها
من وجهة نظر بياع الخضار اللي قال للناس يوم السبت اشتروا اللي انتو عايزينه عشان بكره اضراب مش هنبيع
هو صحيح مكنتش النسبه 100% لكن محدش يقدر ينكر ان الشوارع كانت فاضيه امبارح

http://kasperb4.blogspot.com/ said...

يا اسراء
بالعقل كده
هل معنى ان الناس تقعد في البيت او الطلبة متروحش المدرسة او او

او كمان اللي حصل في المحلة من تخريب وتكسير واصابات سواء من الناس او امن الأمن

هل معنى كل ده ان الاضراب نجح؟؟

طب ازاي يعني
ايه اللي اتحقق وايه المكاسب اللي حصلتلنا عشان نقول ان الإضراب نجح؟

Unknown said...

أولا معني ان الناس تقعد في بيتها و مايروحوش الشغل والمدارس والجامعات ده ينجح الاضراب

لأن الاضراب كان عن العمل والدراسه واننا نقعد في البيت عشان الحكومه تعرف اننا نقدر نوقف البلد

وكمان نجح لأن سعر الزيت والأرز رخص من قبل مايبدأ كمان

ده غير ان اللي حصل في المحله سببه الرئيسي الأمن مش الناس

 

The Lost Princess © 2008. Design By: SkinCorner