Monday, April 7, 2008

...من أجل شهداء المحلة 2

تجدد الاشتباكات بين الشرطة ومواطني المحلة
عدد القتلي بيتراوح بين 2 : 7 أشخاص و في معلومات انهم أكتر من كده
ده فيديو لخطف مواطنين من الشارع لقسم المحله والاعتداء عليهم من عند منفي
في لفظ شتيمه في أخر الفيديو أنا بعتذر عنها لكن هو مهم انه يتشاف



والصور دي من المحلة مش من فلسطين

























الصور من موقع أبناء مصر

9 comments:

AHMED SAMIR said...

مفيش فرق بين المحلة وغزة الاتنين تحت الاحتلال
ربنا يفك اسرها
تحياتي واحتراماتي

zordeak said...

مهزلللللللللللللللللللللللة


هما ولاد ......... فعلاااااااااا

http://kasperb4.blogspot.com/ said...

طب ممكن سؤال بريء

هما بيضربوا في الناس دي ويدخلوهم القسم ليه؟
غلاسة مثلا
ولا مثلا عشان عملوا اضراب واعترضوا بكل تحضر وذوق وطريقة سلمية؟

طب هو الناس اللي شغالين في القسم دول يا ترى مصريين ولا ايه جنسيتهم بالظبط؟
بيتهيألي يعني انهم مصريين

طب المدنيين اللي كانوا بيزقوا العيال اللي بتنضرب ويدخلوهم جوه القسم دول ايه
مخبرين ؟
ولا شاويشة لابسين ملكي؟
ولا يمكن عملاء من اسرائيل؟

يا جماعة الله يخليكو
الله يخليكو
متخلوش اي جهة او تيار منعرفش أصله ايه ولا هدفه ايه يأثر علينا

وعنوان الفيديو كمان مستفذ جداا
اختطاااااف واعتداء على مواطنين


طب ما أكيد الناس دي عملت حاجة سيئة فعلا

طب ايه اللي يثبت ان الناس دي كانت ف حالها وتم القبض عليها بالطريقة دي؟

http://kasperb4.blogspot.com/ said...

وكمان الناس اللي بتقول ان الأمن هو اللي بيكسر ويخرب

بيتهيألي واضح في الصور اوي مين اللي بيوقع كباين التليفون
ومين اللي بيحرق الكاوتشات

احنا للأسف بنأكد على اننا شعب همجي ولسة بدري علينا اوي

ba7re said...

السلام عليكم
أولا شكرا هلى البوست ده اوى
و لانى مليش اى انتماء لى تيار سياسى
ألا انى مش مقتنع انى مثلا فى بلدى هنزل اكسر محل جارى و اصحابى و كده
و المحلة بلد صغيرة
علشان كده مقتنع ان جنود الامن المركزى اللى احتلوا المصنع صباحا
بالزى المدنى هما اللى احدثوا الشغب
علشان يمنعوا التعاطف مع المتظاهرين
ده رأيى
و فى الاخر
دايما الجانى الحقيقى
فى السياسة مفقود
و الله أعلم

Unknown said...

A.SAMIR:

هم فعلا كانو صورة بالظبط من فلسطين

Unknown said...

zordeak:

انت عارف دي فعلا اول مره أحس ان حد بيتشتم يستاهل الشتيمه دي

Unknown said...

آلام وآمال :

اسأل زي مانت عايز يامحمود

هم بيضربو في الناس دي وبيدخلوهم القسم عشان زي ما مني الشاذلي مقالت مش انا اللي قلت أهو , دي الست اللي عملت نفسها مش أخده بالها ان المحله بتولع لمدة يومين
إن مصر مفيهاش غير الحل الأمني

مش لازم الشاويش يلبس مدني أعتقد ان مفيش حد في مصر ماشفش بلطجية الحزب الوطني في الانتخابات ولا شاف اللي عملوه

وبردو زي ماني الشاذلي هي اللي قالت ان تورط الأمن في ده جايز جدا عشان لما يقطموا رقبة حد بعد كده محدش يقدر يقولهم بتعملو كده ليه

وبعدين قولي انت بقي الولد اللي عنده 15 سنة اللي اتقتل ب3 رصاصات وهو واقف في بلكونة بيتهم كان بيعمل ايه؟

كان ناوي يكسر البلكونه مثلا ولا ناوي يقع بيها علي العساكر فهم قرروا يقتلوه ويوقعوه منها لوحده؟

أنا مش تابع أي تيار سياسي ولا تابع أي حزب

لكن اللي بيحصل هناك يخلي أي حد يتكلم

اللي يخليهم يعملو كده هو هوا اللي خلاهم يقتلو ولد عنده 15 سنه وهو واقف في بكونة بيتهم

وماتقوليش انها غلطه عشانه اتقتل ب3 رصاصات والغلطه بتكون رصاصه واحده

Unknown said...

ba7re:

وعليكم السلام ورحمة الله وبركاته

ربنا يخليك

أو عشان لما يعملو فيهم أي حاجه يقولو كنا بنحاول نوقف الشغب

اللي أعرفه ان مهما حصل ومهما الناس عملت ماينفعش ان العسكري اللي وظفته انه يحميني يقتل ابني

 

The Lost Princess © 2008. Design By: SkinCorner