Tuesday, November 20, 2007

...تاج بالشيكولاته


انا عليا دلوقتي تاجين, واحد فيهم من أحمد مبرمج حر اللي مش عارفه هو ساكتلي ليه عليه لأنه من مده بس شكله نسي

والتاني من أحمد فؤاد مع نفسه

انا دلوقتي هحل واحد والتاني المره الجايه ان شاء الله

لما تصحي وتلاقي ان ده يوم جديد يبقي ده اكسير للتفاؤل

وجودك في حياتي اكسير تفاؤل

لما اسمع صوت صافي صاحبتي وهي بتقول ألو بطريقتها المميزه اللي بتخليني اضحك من قلبي اكسير تفاؤل

الحكم علي المجرم اسلام نبيه بالسجن حتي ولو كان 3 سنين بس اكسير تفاؤل

لما افتكر حالي من سنة بالظبط واشوف حالي دلوقتي اكسير تفاؤل

قرأة القران اكسير تفاؤل

قرأة كتاب لا تحزن اكسير تفاؤل

رجوع هبه صاحبتي لهبه اللي كانت موجوده من 4 سنين اكسير تفاؤل

انك تلاقي حد بيعيط قبلك لما يحس ان صوتك مخنوق ويضحك من قلبه عشان انت مبسوط اكسير تفاؤل

اني مبقتش بخاف من حد ولا حاجه عشان عارفه ان ربنا مش هيزعلني تاني اكسير تفاؤل

لما ترفع عنيك للسماء وهي مليانه دموع وانت مخنوق وترجعلك والدموع راحت وفي ابتسامه علي شفايفك اكسير تفاؤل

وجود حد في حياتك بتقسم معاه الحزن والفرح سواء كان صديق او حبيب او اي حد من اي علاقه تانيه اكسير تفاؤل

لما منة ترجع من كايرو كل يوم تلات بالليل اكسير تفاؤل

لما تساعد حد محتاج مساعدتك دي بجد ده اكسير تفاؤل

لما أكون عارفه ليه ده أكسير تفاؤل

لما تكتشف ان في ناس ماقبلتش صاحب بجد في حياتها وانت عندك أكتر من واحد ده أكسير تفاؤل

لما تكون عارف ان مسير الضي لوحده هيلمع ومسير الضحك لوحده هيطلع مابيجرحش ولا يئذيش اكسير تفاؤل

لما تكون مزنوق ومش عارف تتكلم وانا استغل الفرصه عشان اخليك توافق علي طلباتي الأشريره ونضحك احنا الاتنين من قلبنا اكسير تفاؤل

لما اطلع ميلك شيك في لو كنت مشروب كنت هتكون ايه وانا بحبه جدا اكسير تفاؤل

انكم استحملتوني لحد دلوقتي اكسير تفاؤل


نمرر التاج لمين بقي

31 comments:

اسكندراني اوي said...

استر يارب
هي شوطه التاجات اشتغلت تاااااني

ربنا يجعل كلامنا خفيف عليهم


جميل التاج وجميل التفاؤل

Eric Matt said...


ربنا يباركلك ويكرمك يا رب يا اسراء

اجابات جميلة قوي

اكسير التفاؤل في الحياة هو أجمل ما نملك

تحياتي من ماناساس البلد

LAMIA MAHMOUD said...

دبستيني في تاج :)
وطبعا تاجاتكم لا ترد
بس عجبني التاج ده وكنت بقول في اخره ياريت تبعته
وعجبني تركيزك في الحاجات الصغيرة اوي

أحمد said...

رجعتيلى الأمل تانى فى التاجات يا اسراء .. بس ايه رأيك ؟؟ , تاج لذيذ وطعمه حلو , ومجرد قراءته أو كتابته بتبسط , وبيعمل نوع من استقطاب السعادة .

zordeak said...

الــــلــــه


ده ايه التاج العســل ده

وايه الاجابات الجامدة دى

:)

عجبتنى فكرة التاج ده اوى

وعجبتنى اجاباتك اكتر

اجاباتك حلوة اوى وبتدخل القلب على طول




لما تكون مزنوق ومش عارف تتكلم وانا استغل الفرصه عشان اخليك توافق علي طلباتي الأشريره ونضحك احنا الاتنين من قلبنا اكسير تفاؤل



هههههههههههه

ضحكت اوى من الجملة دى

وعجبتنى اوى

يا بخته يا ستى

;)

ربنا يفرحك دايما يا اسراء

ويديكى كل اللى نفسك فيه وكل اللى بيتمناه قلبك

ومتشكرين عالتاج اللذيذ

:)

http://kasperb4.blogspot.com/ said...

مواقف كلها فعلا جميلة وتدعو للتفاؤل
احسنتي يا اسراء
وشكرا جداااا على ذوقك وافتكارك ليا بالتاج

إن حد يفتكرني ويعبرني ويمررلي تاج جامد زي ده .. يعتبر اكسير تفاؤل
:)

عبدالرحمن الشافعي said...

السلام عليكم
أولا:ماشاء الله تاج جميل
والإجابة رائعة
وفعلا التاج فكرته جميل
ثانيا:أريد أن أتشرف بحضوركم كلكم
لمدونتي المتواضعة
أراكم هناك
دمتم طيبين ،السلام عليكم

ابن رشد said...

بجد التاج جميل جدا و اجاباتك اجمل
ما شاء الله كلك تفائل

عاشقة الوطن said...

السلام عليكم
ازيك يااسراء ياقمر
وحشااانى
التاج ده كله تفاؤل وده احسن حاجة
وكلامك كمان جميل اوووى

تحياتى ياقمر
وربنا يجعل ايامك كلها تفاؤل ويفرحك دايما يااارب

تحياتى

AbdElRaHmaN Ayyash said...

اجابات جميلة اوي يا اسراء
و مدونة جميلة برضه
تحياتي
سلام

Unknown said...

وانى عرفتك وصاحبتك اكسير تفاؤل

واحكى معاكى وافضفضلك اكسير تفاؤل

وتحكيلى وتفضفضيلى اكسير تفاؤل

ولما اعرف انك مبسوطة وفرحانة وأملك حيتحقق ان شاء الله بجد والله اكسير تفاؤل

واما اغيب وتسألى عنى وتدعيلى من قلبك اكسير تفاؤل

من الآخر انى مصاحبة وبحب واحدة فى طيبة قلبك اكسير تفاؤل

:))

جاوبتلك التاج اهوه والشيكولاتة بردو

بحبك فى الله اوى يا اسراء
(F)

Unknown said...

اسكندراني اوي:

هي شغاله علي طول اصلا

(:

Unknown said...

The Groom:

يارب ياجروم يارب

انت اجمل

(:

Unknown said...

LAMIA MAHMOUD:

شفتي كان قلبي حاسس

قمت بعته علي طووووووووووول

Unknown said...

مبرمج حر:

لو مكنوش الاخوات يقفوا جنب بعض في الأمور اللي زي دي مين اللي يقف جنبهم بس

(:

هو فعلا حلو اوووووووووي

وسوري بجد علي التأخير

Unknown said...

zordeak:

(:

ميرسي

احنا مايهمناش اصلا غير انك تضحك ياباشا

ده قر ده ولا ايه يعني؟؟؟

عيب عليك كده

(:

أمين يارب

والعفو ياسيدي انت تؤمر

Unknown said...

آلام وآمال:

ربنا يخليك يامحمود

(:

Unknown said...

عبدالرحمن ياسين:

وعليكم السلام ورحمة الله وبركاته

ربنا يخليك ياعبد الرحمن

ان شاء الله اكيد هاجي

(:

نورتني

Unknown said...

shams:

انت اجمل

(:

ربنا يخليك

Unknown said...

عاشقة الوطن:

وعليكم السلام ورحمة الله وبركاته

والله انتي كمان واحشاني ياجميله

ربنا يخليكي يارضوي يارب

(:

Unknown said...

AbdElRaHmaN Ayyash:

ربنا يخليك

(:

نورتني

Unknown said...

إنـســـانـة:

(:

ربنا يكرمك ياياسمين يارب

وبجد بشكرك علي كلامك الرقيق

وخلاص ياستي نعتبرك حليتي التاج

ياسر مدني ...دينامو الإخوان said...

أنا إتفصلت م الجامعة يا جدعاااااااااااااااااااااااان
الحقووووووووووووووووووووووووني

يا مراكبي said...

وأنا من رأيي إن البوست اللي قبل ده على طول إكسير تفاؤل برضه

ده يمكن أولهم كمان

يا مراكبي said...

I will write my comment again in English because last time you received it 'damaged' when it was in Arabic.

I see that the previous post is Ekseer Tafa2ol also, may be the first.

L M A R said...

مساء الخير

ايه التفائل الغريب دا ؟؟
قرر هههه

تحياتى

Unknown said...

ياسر مدني ...دينامو الإخوان:

:(

انا مش عارفه ايه التهريج ده بجد

Unknown said...

يا مراكبي:

(:

اها مش كده بردو

Unknown said...

A L A B D E L R H M A N .:

مساء النور

ده قر ده ولا ايه؟

(:

oceaneyes said...

اجابات حلوة ومنطقية كالعادة

تحياتى ليكى

:)

Unknown said...

oceaneyes:

ربنا يخليكي ياجميله

(:

 

The Lost Princess © 2008. Design By: SkinCorner