Saturday, March 10, 2007

أطفال إنما ملايكه

امبارح تقريبا شفت أطفال العيله كلهم

واكتشفت ان مش كلهم شياطين زي ماأحمد فؤاد قال, وان في منهم ملايكه, ملايكه بجد.
بس الموقف اللي بسطني جدا, هو ان بيبو, وده دلع ابراهيم, بن بنت خالتي, قالي إسراء أنا بحبك أوي.
هو طبعا بيقولي أنا بحبك قد البحر, والسماء, والأرض, والشيكولاته, والحاجات اللي الأطفال بيضحكو علينا بيها دي, لكن المره دي كانت مختلفه, لأنه كان ماشي معايا في البيت, بيت خالتي يعني, وماسك ايدي, وفجأه قالي, إسراء أنا بحبك أوي .


أنا طبعا اتبسطت جدا, يعني بطريقه مش ممكن تتخيلوها, وبيبو ده يبقي أخو أسامه اللي منة اتكلمت عنه في البوست اللي فات, وقالت انه أجدد شخص في عيلتنا.

أهو العسل ده بيبو.


وده الملاك أسامه.


وبما اننا اتكلمنا عن الأطفال الملايكه يبقي طبعا لازم أقول علي عمار بن بنت خالتي التانيه, وده ملاك بجد بقي.



وطبعا في ملايكه غيرهم بس مفيش صور ليهم علي الكمبيوتر.

شفت ياحمد في أطفال ملايكه ازاي؟

74 comments:

nohamy said...

الاطفال في الصور بيكونه ملايكة أنما بعد شوية بتظهر عليكم لعنة الشيطان لما يصممه عل حاجة غلط

كراكيب عادل said...

اطفال زي العسل ربنا يخليهم ليكم

بس مين الي كان في التلفزيون دة

البيت من غير اطفال كانها قبور واحلي حاجة فيهم الشقاوة والتنطيط

مصر هى أمى said...

الاطفال لغاية سن معين بيكونوا ملايكة واما يعدوا السن ده بيكونوا شياطين ورخمة وعندهم رزالة كبيرة اوى


بس احنا عايزين نشوف الملاك اللى اسمه اسراء
عايزين نشوف صورتها

Mony The Angel said...

shofo ser2et al afkaar b2a :/
da eh da :/
a3ozo be Allah :/

abtesem b2a la7san kda b2a al comment ka2eno mn alzarafa al 7asooda lol
tab3an ya benty malaika omaal eh
bas da ya mama fel nos sa3a aly bte2deeha m3ahom
laken al 23 sa3a w nos aly ahlohom bi2dohom m3ahom
fa rabena ykoon fe 3onhom b2a :D

أحمد said...

يعنى أنتى قاعدة تتكلمى عن كل الملايكة دول وناسية الراجل اللى شايل عمار فى أخر صورة .. ده أحمد صح؟؟ لو كان أحمد يبقى لازم أوقع بينكم لأنه لازم يتخانق معاكى .. قاعدة تتكلمى عن كل الملايكة دول وما تكلمتيش عنه خالص ولو حتى كلمة شكر .. هو ما عشان المدونة بتاعتك يبقى خلاص ههههههههه

Unknown said...

بنى أدم مع وقف التنفيذ:
لأ هما لما يصممو علي حاجه غلط, ممكن تقنعهم, وبجد بيقتنعو وبيسمعوا الكلام, وده عن تجربه معاهم, يعني بيفضلو ملايكه علي طول (((:

Unknown said...

كراكيب عادل:
فعال الأطفال هم اللي بيدوا البيت الروح, مش عارفه مين اللي كان في التليفزين, رغم ان الصوره دي في بيتنا ):

Unknown said...

مصر هى أمى:
بس في رخامه زي العسل, وبعدين مش ممكن ملاك يبقي شيطان(:

Unknown said...

Mony The Angel:
انت اللي سبقتيني لما نزلتي بوست أسامه, رغم انه كان في دماغي, بس قلت أحل التاج عشان خفت منهم.
بس اخص عليكي يامنة دول ملايكه علي طوووووووووووول.

Unknown said...

مبرمج حر:
أها صح, اللي شايل عمار ده أحمد أخويا, بس أنا ماقلتش انه هو, عشان البوست معمول عن الأطفال, وانت قلت بنفسك انه راجل (((:

أحمد said...

البوست عن الاطفال ماشى , بس أحمد تعب معاكى فى الأخراج ,
حتى سيطرة وسائل الأعلام هتوصل كمان للمدونات
ههههههههه

ربنا يخليكوا كلكم لبعض يا إسراء

أخف دم said...

حتى أحمد يا إسراء أكيد عارف ان مفيش فى الدنيا اجمل من ابتسامة طفل صغير أو حبه ليكى حب فطرى من غير مصالح ..حب لمجرد الحب ..
صور أطفال العيلة عسل يا إسراء..
وهما هيجيبوا العسل منين يعنى ..
وراثة طبعا..

FemTo said...

زى العسل وخصوصا بيبو
ربنا يخليهم يا رب

FrEe.PhArAoH said...

ربنا يخلى

خالص تحياتى

moodysalihamidzic said...

بسم الله ما شاء الله
يا بختك
:)

مصر هى أمى said...

اسراء
ربنا كده يكرمك بالزوج والاولاد الكويسيين ويبقوا ملايكة طبعا هيطلعوا ملايكة لوالدهم مش لوالدتهم
هههههههههههه

Anonymous said...

ما شاء كتاكيت خالص
ربنا يحميهم
بس بالفعل هتفضلى تقولى عليهم ملايكه لحد سن معين تحسى انهم خنشروا ودمهم تقل
تحياتى

mohamed alhaddad said...

أجمل حاجه فى الدنيا لما تلعبى مع طفل صغير
وأرخم حاجه فى الدنيا غلاسه عيل صغير

shabfa2re said...

هيييييييييه
انا الكومنت 19
حلوين اوى وامامير
بحب انا لاطفال المؤدبين الهاديين دول
ربنا يخليهملك

Unknown said...

مبرمج حر:
هي الصراحه فعلا أحمد هو اللي مصور بيبو, وتسنيم هي اللي مصوره أسامه , وأحمد مع عمار, بس كلهم بموبيل احمد (:

Unknown said...

أخف دم:
أكيد طبعا أنا عارفه ان أحمد عارف ده, هو يعني بجد ياعيني عليه, بن الجيران بتاعه ده صعب جدا, ده عقد الولد في الدوريتوس.
ربنا يخليك يأشرف, وطبعا العسل وراثه (:

Unknown said...

FemTo:
ربنا يخليك.
بيبو ده حبيب قلبي (:

Unknown said...

FrEe.PhArAoH:
ربناي خليك
نورتنا (:

Unknown said...

moodysalihamidzic:
ربنا يخليك.
بس ايه انت ماعندكش أطفال ولا ايه؟

Unknown said...

مصر هى أمى:
ربنا يخليك, وربنا يكرمك بجد انت كمان يامحمد.
وطبعا مش هيكوني ملايكه ليا, لأن انا مش ملاك ,أنا أميره, انت نسيت ولا ايه؟

Unknown said...

shiko:
ربنا يخليك و يحميهم.
ماتنساش ان هما لما هيكبرو, أنا كمان هعجز, يعني هم هيفضلو أطفال بالنسبه ليا علي طوووووووول.

Unknown said...

wa3d-el3yoon:
فعلا اللعب معاهم دي أجمل حاجه في الدنيا, وأكيد غلاستهم ممكن تكون أصعب حاجه في الدنيا والدليل جار أحمد فؤاد.

Unknown said...

shabfa2re:
ويخليك.
أها شايفهم امامير خالص ازاي.

zordeak said...

ههههههههه


ايه ده بقى ؟

هوا فيه حد بيحب الأطفال ؟

:D


انا كنت قررت أعمل فرقة مكافحة الأطفال زى الفرقة اللى جت فى فيلم شركة المرعبين المحدودة

monster inc


وافتكرت ابو عقرب وهو بيقول فى الفيلم

مفيش حاجة فى الدنيا دى مخيفة أو خطيرة زى ان طفل صغير يلمسك



بس لما جيت هنا بقى

ولقيتك بتقولى ان فيه أطفال ممكن يكونو كويسين

على الرغم من شكى فى الحكاية دى .., لأن الأطفال الكويسين فى الدنيا دى انقرضو

بس قلت يللا .., ممكن يكون فعلا فيه أطفال كويسين

وبالذات العساسيل اللى فى الصور دى

:)

ربنا يخليهملكم يا رب


شكلك هتغيرى وجهة نظرى فى العيال يا اسرااء


بس مفيش حاجة ممكن تغير وجهة نظرى عنهم

غير ان الواد الخنيق اللى عندى ده يبطل غلاسة

وحتى ذلك الحيين


أنا مش معاهم


:)

أحمد الشمسي said...

تعرفي أنا داخل اعلق وأنا في دماغي أقول تعليق، طلع (بني آدم مع وقف التنفيذ) سبقني بيه، لكن مع ذلك هقوله تاني: الأطفال في الصور بيبقوا حاجة وفي الحقيقة حاجة تانية خالص!
اللي ممكن افتكره معاكم هنا هو دكتور الأطفال اللي كان بيدينا في الكلية... اكتشفت انه بيكره الأطفال جدا! ومازلت أذكر وشه كان بيبقى عامل ازاي لما طفل يعيط جوه قاعة الدرس، كان بيطرده هو وأمه بره!
قال دكتور أطفال فال!

ibn nasser - ابن ناصر said...

أطفال جمال جدا يا رب احفظهم واحميهم

ibn nasser - ابن ناصر said...

تعالي عندي مفاجأه ليكي

makhlouf said...

ازيك يا برنسيس
البوسط بتاعك بيفكرنى بكاريكاتير للفنان وليد طاهر
بيقول فية الاطفال احباب الله ... وبس

Unknown said...

ياااااااااه

وحشانى اوى يابنتى

بس والله عندك حق فى اطفال فعلا ملاااااايكة بجد

زى مرام بنت بنت خالتى بموووووووت فيها البنت دى

وان شاء الله بنت اختى هحبها حتى لو طلعت ايه .. بس إن شاء الله هتبقى عسولة لكاميكاز
:D

سلام يا قمر

بين الأمل و اليأس said...

انهم مابقي من جمال في الدنيا
بجد دول مالم تصبهم بغض الدنيا وقرفها
ادعي معايا
اللهم احفظهم بعيدا عن هذا الزمن ومساوئه
اللهم احفظ هذه الطفوله البريئه
وربنا يخليهملك
وربنا يسترها

أحمد سلامــة said...

الاطفال من رأى هم الملايكه الوحيدين اللي ممكن يبقو شياطين في نفس الوقت
وزي ما بحب ملائكيتهم برده بعشق شيطنتهم
وبجد لما بكون مخنوق بحس اني نفسي قوي اقعد مع طفل
لأنه مهما كان صريح بس هتكون صراحته دي فيها براءه لسه ما لوثتهاش السنين
ربنا يخليهم لك كلهم ويخليكي ليهم

Anonymous said...

اطفال جمال اوي ياسراء ربنا يخليهم ليكي ياريت انا ارجع طفل تاني مكنتش فكرت في حاجه بدل ما الحزن ملك كل حاجه فيه تحياتي ليكي

ody911 said...

ربنا يخليهم يا أسراء

بس بينى وبينك

أنا بشفق على كل طفل صغير بشوفوا مش عارف لية حاسس إنوا مظلوم من قبل ما يعرف حتى

بس سنه الحياه

وعادى بقة
أودى

david santos said...

Hello, esraa!
This work is very good, thank you
have nice week

Anonymous said...

الاطفال هى ملائكة منزوعة الاجنحه تطوف حولنا لتملانا سعادة وبهجه وبدون برائتهم التى تملأ الارض طولا وعرضا لانهالت السماء على الارض

بجد أجمل حاجه يا ساسوانك تترمى فى حضن طفل مش العكس

مصر هى أمى said...

اسراء رديت يا ستى على التاج بتاعك

الكلام نوعان :كلام فارغ وكلام مليان كلام فارغ said...

ربنا يخليهملك
فعلا الاطفال ملايكه بس لحد سن معين
وبعدين تلاقي البنت بتقلد روبي
والولد بيقلد سعد الصغير
يعنى بيبقول رجاله وستات مخطوطين في اجسام صغيره
ربنا يحميهم

Unknown said...

zordeak:
ههههههه
أها ياحمد لازم تغير رأيك فيهم بجد, أصل مش كلهم زي الواد بن الجيران بتوعك(((: اللي يارب يبطل يغلس عليك بقي, ده حتي خلاك تكره الدوريتوس, رغم انه جميل جدا ياحمد والله ((:

وشيل فكرة فريق مكافحة الأطفال دي من دماغك, انت ماتعرفش لو عملت كده أهاليهم هيعملو فيك ايه؟
يعني دي نصيحه أخويه.

Unknown said...

أحمد الشمسي:
في دكتور في الدنيا يعمل كده؟
ماباك بقي بدكتور أطفال؟
أمال هو تخصص في مجال الأطفال ليه, حد غصبه ولا حاجه؟
بس صدقني ياحمد الأطفال لما يصممو علي حاجه غلط, وانت تحاول تقنعهم, بيقتنعو بالصح, وبيفضلو ملايكه.

Unknown said...

ibn nasser- ابن ناصر:
ربنا يخليك, ويحفظك انت كمان ويحميك.

Unknown said...

ibn nasser- ابن ناصر:
بالنسبه للمفجأه
ميرسي بجد انك مررتهولي((:
بس أنا حليته في البوست اللي قبل ده.

Unknown said...

makhlouf:
عود أحمد يامخلوف باشا, وطبعا الأطفال أحباب الله, رغم اني شاكه ان كاركاتير وليد بيحمل معني تاني, وبس.

Unknown said...

إنـســانة:
انت كمان والله وحشاني, فينك من زمان, مش بتيجي ليه؟
أعتقد ان أطفال الجيل الرابع في كل عيله بيكون ليهم معزه خاصه جدا في قلوب الجميع.
أما بالنسبه لبنت أختك فلازم تطلع عسل ماهي اكيد هتطلعلك انت وكاميكاز, ماتنسيش تسلميلي عليه.

Unknown said...

بين الأمل و اليأس:
اللهم أمين.
وربنا يخليك انت كمان (:

Unknown said...

أحمد سلامة:
أكيد الأطفال هم رمز البراءه, وهم الشئ الوحيد اللي الدنيا لسه مالوثتهوش زي مانت قلت.
سعيده جدا انك بتحبهم في كل الأوقات, وربنا يخليك انت كمان ويخليلك كل الأطفال اللي انت بتحبهم.

Unknown said...

fares :
ربنا يخليك يافارس.
بس بلاش تسيب حياتك للحزن, المفروض انك انت اللي تملكها, مش هو.

Unknown said...

ody911:
ربنا يخليك انت كمان يأودي.
بس انت ليه بتشفق عليهم بس, لو عايز الحقيقه المفروض ان هم اللي يشفقو علينا, لأنهم ماشافوش من الدنيا اللي احنا شفناه.

Unknown said...

david santos:
thank u, have anice time too.

Unknown said...

yousef :
أكيد طبعا لو مافيش أطفال كان زمان الدنيا انتهت من زمااااااااان.
وصدقني يايوسف فعلا جميل أوي انك تترمي في حضن طفل وهو يحضنك((:

Unknown said...

مصر هى أمى:
ميرسي , وانا رايحه اشوفه اهوه.

Unknown said...

الكلام نوعان :كلام فارغ وكلام مليان كلام فارغ:
ربنا يخليكي انت كمان.
بس حكاية روبي, وسعد دي مش باخد بالي منها خالص, لازم أخد بالي بعد كده, وأشوف ايه الموضوع ده.

~ Bato0ot ~ said...

bebo shaklo sha2y awy 3ala fkra :D

yousef said...

ايه يا ساسو مش ناوية تكتبى جديد مستنى مواضيعك

Unknown said...

~ Bato0ot ~:
هو فعلا شقي, بس شقاوه من اللذيذه.

Unknown said...

yousef:
الجديد قريب ان شاء الله يايوسف.

Eric Matt said...


الأطفال أحباب الله

لما بكون في أي مكان بحاول دايما أشوف فين الأطفال في المكان ده و ألعب معاهم - بيفهموني أحسن من الكبار

ربنا يحمي كل الأطفال في كل مكان يا رب

تحية من ماناساس البلد

david santos said...

InsyaAllah

Memo said...

3sal 3sal el3ial dol 3sal
mash2 allah rbna ya7'liky lihom
aiwa 2oly lahmed ymkn rbna yhdih we yrg3 elmdwna
regards

Unknown said...

The Groom
جميل أوي انك تكون ولد وبتدور علي الأطفال في المكان اللي تروحه, لأني أعتقد ان الصبيان بيتخنقو من الأطفال بسرعه, يعني الأول يلعبو معاهم, وبعد كده يتخنقوا (:

Unknown said...

david santos:
yarab

Unknown said...

Memo:
ربنا يخليكي ياميمو.
احمد ان شاء الله هيرجع المدونه, ربنا يهديه بس ويعقل كده, وكله يبقي تمام.

koukawy said...

كل الأطفال ملايكه حتي الرخمين اللي بيعيطوا و بيسرخوا علي طول
ربنا يديكي دسته

Eric Matt said...


أصل أنا زعلت أوي لما كبرت و ماعدتش طفل تاني

وبيني وبينك أعقل من يمكن أن تجديه في أي مكان هو الطفل

على الأقل مالهومشي في السياسة ووجع الدماغ بيلعبو معايا وبيسلوني

أنا لو كنت اشتغلت جليس أطفال عشان عيلتنا بس كان زماني عملت ثروة - بس ثروتي الحقيقية هي حب الأطفال ليا

يا رب ديم النعم كلها علينا يا رب

سلاااااام

Unknown said...

koukawy:
هم فعلا كلهم كده بيبقي فيهم حاجه حلوه مش عارفه ايه هي, بس دسته بحالها حرام عليكي(:

Unknown said...

The Groom:
معلش في أمل انك ترجع طفل تاني(:
شفت مش كنت اشتغلت جليس أطفال أحسن, يالا بقي معلش أكيد حبهم أحسن من الفلوس بكتيييييييييير, ويارب عقبال مأشوفك عريس بجد وعندك أطفال كتيييييير.

Eric Matt said...



أنا طفل لسه زي مانا؟ أومال انت فاكرة ايه؟ يعني ليه الأطفال بيحبوني؟

أنا عريس بجد برضو ولا انت شايفاني بلاستيك؟

سلااااااام

Unknown said...

The Groom:
اها عشان كده بقي لسه بيحبوك, والله دي حاجه كويسه أوي , اننا نقدر نحافظ علي الطفل اللي جوانا(:
لأ أنا قصدي اني أشوفك عريس في الكوشه عشان نفرح فيك, قصدي بيك ((:

Amany Y. El-Saeed said...

إسراااااااااء أنا بقالي كتير مجتش عندك...و إتبسطت أوىىىىىىى لما جيت و لقيت الكتاكيت دول...ربنا يخليهم

Unknown said...

Mony:
ربنا يخليكي يامون, انا مايهمنيش غير انك تتبسطي.
وبعدين فين جديدك يابنتي؟ كل ده عشان ماتحليش التاج, هتحليه برضو, ويالا عشان انا اتمررلي واحد تاني ((:

 

The Lost Princess © 2008. Design By: SkinCorner